Ние околу и преку 40...

Стјуардеса-ништо од тоа

 

Крими техника или судски вештак - само сон.

 

Појма немав што сакам да бидам кога бев мала.
Дури и пред уписи прво почнав да учам за приемен за друг фак,па после се премислив...
Инаку психологијата ми е неостварен сон...

 

Јас не сум имала некоја посебна желба за ова или она како мала, па сега можам да кажам дека имам една неисполнета желба помалку

 

Де бе па вие глумици, танчерки, детективки - мене работа од (детските) соништа ми беше да бидам продавач. Не знам, многу сакав да услужувам, да работам со пари и желбата си ја исполнив. Сè на сè интересно ми беше, додуша чат-пат ќе наидеше по некој пациент ама и такви ги има шо да им прајш. И без нив не е интересно секојдневието.
А за оваа сегашнава идна работа чекорам полека за да ја остварам еден ден.

Една чаша Синалко испив, сега одам уште една чаша да ставам со три коцки лед.

 

Јас сакав да бидам водителка, па често од весник си читав вести, си правев емисии, ми звонеа другарки на телефон демек гледачи.

 

Е, и ова сакав и сакам. Мислам дека можам да се снајдам и во оваа работа. Ама за тука баш и не се исплаќа да бидеш водител...освен ако не си Лила Филиповска.

 

Водителка пеачка докторка...потоа научник за лекови!!!!!...судија итн.. свашта из детска машта

 

Сакав да бидам ветеринарна сестра и се' уште не сум откажана од сонот.
Ќе биде еден ден, мора да биде

 

Кај ти текнало за ветеринарна сестра
Ми нема текнато на ваква професија никогаш.

 

Еве ме во трета смена.

Ние.

Јас сакав да бидам ко оние од CSI или FBI агент. Студирав едно, моментално работам нешто соооосема друго, неповрзано ни со истрага за убиства, ни со факултетот мој.

 

Еее и сакам да работам во хотел на рецепција. Таму најинтересно е. Гледаш кој со кој иде, кој со кој спие, кој што прави, жени си бараат мажи, мажи бараат жени и така.

 

Автомеханичар... Наjпрвата. Подоцна веке, кога се нормализирав се испозалjубив во судиjката Греj, (серискиот) и маjка и', социjaлен работник.

 

А јас сакав да бидам милијардерка иако појма немав шго е тоа . Знам само дека бабите ме зафркаваа им беше смешно и на сите им кажуваа
Ама после се предомислив. Сакав и јас крими или економија ама ниш ни од тоа. ме запишаа информатика иднината било во тоа и така остана.
Иначе изгледа само јас присутна трета смена вечерва. Уствари иако не можам да заспијам можам да ја резимирам како убава.
Па добра ноќ или веќе утро

 

Не ми текнува ич, а скоро сите девојчиња сакаа докторки или учителки па вајда и јас .
А ви викаа и на вас дома кога ќе поминеше ѓубраџиски камион *ако не учиш ова ќе работиш*, не знам зошто мислеа дека тоа ќе не заплаши мене баш интересно ми делуваше како си се возеа позади на камионите

 

Добро утро. Прва! Ајде ставам кафето, станувајте.
Како мала хммм, сакав адвокат да бидам, учителка, библиотекарка, глумица, сценарист.. многу работи сакав да бидам, никогаш не ми текна на ова сега што сум


На народов му треба трпеливост, толку избувливи, толку насилни... смирете се бре луѓе
ај убав ден

 

Добро утро...

Јас сакав да бидам продавачка, ама во продавница за кафе. Тоа секогаш си играв - на електричната печка ставав картонски кутии, демек мелница. Застанував позади, и тоа беше штандот, па го терав брат ми да доаѓа да купува по 100 грама кафе. Па турав зрна кафе во кутијата и правев брррррр... тоа. Ама ми наплаќаше, тој сакаше да биде дрвосечач, па оптегнуваше ластик меѓу рачките од плакарот и мораше да му фрлам дрва (картони) за тој да прави бззззззззфиууу.

Сега ми се враќаат спомени - го обожавав мирисот на кафе во продавничката кај што купувавме на мелење. Ќе ме пратеше дедо ми да купам, и на враќање ја душкав ќесичката. Си остана таа љубов за цел живот.

Кога потпораснав посакав да станам библиотеркарка, ама ништо од желбата. Можеби некогаш ќе имам малечка, пријатна книготека колку за свој ќеиф.

Едит: тукушто добив нова идеја за бизнис - продавничка со секакви видови кафе од цел свет, да си купиш на мерење. Знам дека во СК има, ама овде во Охрид нема нешто такво. Видиш, инспиративна темата на денот.

 

Сакам да работам со животни (да ги гушкам, боцкам... итн) ама не сакам да ги кастрирам, оперирам, успивам...
Најдоброто од двата светови (ветеринар и сопственик) го добиваш како вет. сестра

 

Добро утро
Вчера без деца дома, сум заборавила како било тоа, и искрено убаво ми беше, ручек, па кафе на раат, па се фатив да средувам надвор пошто беше хаос, денес пак со обврски и со масторлаци
Ме чека еден досаден состанок, ама се надевам дека кратко ќе трае
Па веројатно и јас како мала и како повеќето од вас сакав да бидам учителка, се сеќавам уште не бев тргната во школо, а брат ми постар од мене 3,5 год, тој тргнат, и ми беше мерак кога гледав тој како пишува домашни, па ранец тетратки, и јас ги правев истите работи, и си играв учителки и деца
И кога ќе размислам , денес можеби за жена најубаво е да е наставник, бар ќе има повеќе слободно време
@M&M , офф за неа имам книги да испишувам, порано се нервирав сега веќе дигнав раце, не само што ми враќала подароци,туку еднаш дојде со три фустанчиња за ќерка ми, а утредента имавме договорено роденден во игротека, и таа ми вика еве може едно од овие утре да си го носи, јас и викам а неее ние веќе сме спремни ( мислам која логика да чекам јас во последен момент за да си го дотерам детето?и од неа да чекам?), и таа ми вика аааа епа добро тогаш може едно од фустанчињава да си земам назат??

Јас останав ваква, викам слободно кое сакаш земи си го
Што да кажам повеќе, тетка, единствено внуче и е од брат, и не не е некоја да кажеш необразована, смотана, напротив е жена на функција, ( ова необразована не го кажувам да навредам , напротив има луѓе кои се без образование па поголема чест прават и знаат како да постапат)