Ние околу и преку 40...

Уррово ми тргна наопачки. Еве второто кафе го пијам,ама некако пак сум Ама има надеж, чим арно ми почне денот и агендата е полна и со позитива, нешто ќе се зезне и се зафркнал денот. Ај чим почна вака може ќе бидне нешто неочекувано арно до вечер... Кога ќе размислам подобро, децата одат на гости попладне кај баба дедо... хм...
Него и постот на озбилнажена ме подзамисли многу. И самиот месец октомври ми е некако тмурен, одбивен, дождлив, носи лоши емоции... да, во октомври си го изгубив бебето, во октомври место закажаната веридба организиравме погреб, на мојата мајка.. во октомври почна едно патешествие..... И се ме тера да размислам....за одлуките кои сме ги донесле и сме направиле нешто за кое се покажало дека е погрешно секогаш ќе се каеме, но кога некоја шанса сме ја пропуштиле и сега останува само да се запрашаме како би било кога би било... еее за тие нешта во животот се каеме уште повеќе.
А животот минува, деновите се само пократки, секојдневните избори само ни го скратуваат понатамошниот избор и улицата на животноте избори само станува потесно и потесно сокаче, за на крајот да стигнеме до слепа улица!
И на крајот што е точно - ние сме краетори на нашата судбина? Или судбината е таа која не креира нас како карактери? Најчесто се будиш, планираш нешто, одиш кон остварување на планот и секогаш нешто ќе се случи што ќе ја помести оската на остварувањето...........

 

И јас второ ќе спремам. Првото изветреа. Ми се спие, а деца треба да гледам. Дали од времето, дали од неспиење, не знам.

 

Добро утро

Мене ми е утро. Гледам сите во 6 сте станале јас пред еден саат. Се изморив вчера, сто пати клекни стани направив, како во војска да сум, на крај ја ставив перницата на под и се скрстив како турчин пред кујна. Така повеќе прегледност и повеќе дофат во внатрешноста на елементите имав. Сега седам со кафе и си наоѓам маани на жената од вчера, "аха тука има точка не избришала". Или сум јас многу цепидлака или многу бавна па се тешам.
И кока кола до ниедно време синоќа, ќе се пофалам, гајле ми е за тие што не можат да работат А бев готова да му кажам на мм дека ако уште малку не се прибере дома, ќе си барам друштво за кока кола
И јас луѓе почнав да се плашам од многу арно. Што би рекле старите " многу арно не е на арно" . Ама секогаш кога ти се подреди животот онака како си посакувал ќе се случи нешто да те освести, да те разбуди од сонот.
@ozbilnazena , се надевам се ќе заврши најдобро. Битно што во вакви моменти жената има пријателка како тебе.

 

Добар ден !

Како сте денес ? Јас на пауза, пијуцкам кафе и јадам колаче, па и вас да ве почастам !
Ова како се разврна од вчера, да одмореше малку

 

А во Охрид сонце заблеска

 

ОооооОООова ќе е изгледа контра за Скопјани, времево у Охрид штом е сончево !

 

@anel , ниту си цепидлака, ниту си бавна. Само си методична...Јас пак вака си се тешам.

@ozbilnazena твое е само да и` бидеш потпора на пријателката и колку што дозволува ситуацијата, да внесеш ведрина во овие моменти. Тоа знам дека го можеш, а останатото е надвор од човечка моќ.

@danichap понекогаш многу симпатични, архаични зборчиња употребуваш, зборови кои сум ги чула само од баба ми. „Ѓубретарче“ ми е омилено, додека не го прочитав кај тебе, мислев само во моја фамилија се користи.

@toogood веќе неколку пати пишувам овде и заборавам да ти споменам. Maria Dueñas има уште две новели: Misión Olvido преведена како Тhe Heart Has Its Reasons и последната La templanza, не знам дали веќе има превод на англиски, но ако/кога ќе ја преведат, ти ја препорачувам. И до каде си со цртањето? Ме радуваат луѓе како тебе, луѓе со љубопитен дух и што непрестано бараат нови предизвици за личен развој. А не секогаш сум таква и се лутам на себе кога ќе дозволам да „ме завлече“ секојдневието.

И кога почнав со именување, @Abeja (ова се чита Абеха, така? Барем јас вака го читам, а и се сеќавам долго време имаше пчела на аватар) пред некое време сподели за една своја детска желба, ама тогаш не бев во можност да ти пишам. Шиењето е најлесниот дел од процесот на креирање, затоа, ако некогаш се решиш да си ја оствариш желбата, ти препорачувам да почнеш од основите на конструирањето, а за тоа не требаат ни машина, ни големи инвестиции.

Добро утро, добар ден, кој како милува. Ама додека да го напишам постов, пладне поминало. Методична сум, нели реков горе.

 

Мрзам дождови сум ви кажала? Значи се ама дождови мразам, нека студи, ама суво да е, иначе јас сум за сонце жолто големо сјајно, да биде пекол жешко, да треба три пати на ден да се тушираш.

Тукушто се вратив од другите канцеларии, таму напета ситуација, дождов во градежништвото значи хорор значи, сите го мразат и сите сакаат да го нема. Тече во објект навелико, сите мајстори се со гумени чизми и нервозни. Дедо Боже озбилно ни се има налутено денес, решил да не намокри асално изгледа.

 

Многу тапа сум расположена денеска, како одвај да чекам да се скачкам со некого. Се ми е наопачки а се за глупости се фаќам.
Среќа сама сум дома со малава а со неа кратко ни траат карањата.

 

Ола чикитас!
Покисната како мачка се вратив од лекар.Замислете ми препиша суплемент ^)) во исхрана ДА НЕ СЛУЧАЈНО имам недостаток на јод.А кутивчето чини ни помалку ни повеќе 670 ден.Се запрепастив,ми се фати мозокот а не ни прашав дали има замена.Не знам ни дали воопшто да ги купувам.Ова на лекар да не отидеш.
@ozbilnazena што да кажам.Прво супер е што жената има подршка во тебе,сега е исплашена и затоа така реагира.Со божја и медицинска помош верувам дека се ќе се среди и ќе се дружите до длабока старост.

Денес не знам што ми е,ама сите ВЕ САКАМ.MWAAAAAAA

 

Ај добар ден, а јас додека го пијам утринското кафе, мојата камата стигнува (Ви текнува на рекламата, на времето, ехеееее, тогаш немаше многу маркетинг по телевизиите, таа со каматата, вегета, со пудинг од витаминка мислам, коа се тресеше пудингот како на цацко салото...сеа ми се блокира делот од мозокот што размислува за реклами...)

Леле @do-re-mi до кога да се сетам што сум пишувалааа... да, јас како и обично имам многу желби, ама немам време и финансии да ги исполнам сите. Шиење и кроење е интересно, ама уште поинтересно ми е програмирање, тоа ми е желба број еден. После оди уште некој јазик, германски, шпански, јапонски, па после таму може и шиење и кроење, само везење не, пошто маме му ебав на диоптеров.
Ама немам време, еве утринско кафе пијам сега, а најзаебано е кога ќе седнеш да јадеш има неколку без осет па ќе ти виснат над глава, демек тогаш ќе им текне нешто да се сработи па они демек ти кажуваат да имаш у предвид после, и како да јадеш кога ќе експлодираш. А една па вчера ја и кажувам земи си ги тие кај тебе документи, поделете ги кое кај треба, не се за кај мене, она застанала до мене, ги ставила листовите до мене на маса и чека нешто, па немав друго што ја понудив да не сака бурек . И пак отсечно и реков да си ги носи тие не се за кај мене. Ама толку и сече а и свашта има на планетава.

 

Здраво дружино, гледам дека сите многу го „сакате“ дождов... јас од 4 и пол сум будна, не станав, што ќе правам во глуво доба - затоа сега ми се спие. Сабајле добро се натопив, патиките ми пропуштија во тој дожд, па сега ќе си барам чаре. Ама си се чудам и јас, со кој ум тргнав со патики, но ете, бидна.
Досега турбо работев, сега да прикаснам нешто и да ве читнам... се отрезнив од швепсот, не берете гајле

@ozbilnazena навистина секој би посакал пријателка како тебе, среќна е таа што те има. Во такви моменти многу значи поддршка од блиски луѓе, никој не сака да е сам.

За суплементи - ептен претераа со цените. Ако е за јод - чувајте шишенце јод отворено во wc (повремено отворено, не цело време), мислам дека ќе има ист ефект како суплементите. И такво време дојде, од што ни е храната „многу здрава“, мора дополнително да се клукаме со витамини и минерали, па дури и децава ги товиме со се можно за имунитет. И верувам дека еден ден од глава ќе ни се удри. Башка што лекарите што ги препорачуваат конкретно одредени суплементи, сигурно земаат процент. Особено ако не понудат замена, а не дека нема.

Пак ќе мотам гази ко што ми се чини... бујрун кој сака

 

Хахаха јас завчера си купив едни витамински апови. И пошто нели цело пакување 1200 денари, аптекарката ми понуди на парче. Се согласив земав 20 за 200 денари.
Ти штом толку расположена изгледа си почнала со пиење. Терај ќе те стигнам.

Шала на страна. Од денес сум на диета. Не ме дирајте, како луто пиперче сум, отров.

Абеја а оваа:
Добар вкус, со добар мирис
од ручекот се бара
И за едно и за друго
Тајната е стара
Во готвењето додадете
Витаминка зачин
Да фин ка.
Баш големото го научивме деновиве да ја пее.

 

Охридска банка од Ѓоко Таневски и Кате "Нели ти кажа".
Не можам од тел да ја закачам. Ту јаз'к.

 

Добар ден.
Денов тмурен, ја уште потмурна од него.
Човек да не ми се приближи, сите ми се криви.
Си сварив утринскко кафе дури сега, малку турив и ванила, тоа мирисот да ми го крене расположението.
Дали ќе го испијам цело ќе видиме. Во последно време само пола кафе пијам. Место за двајца јас за половинка од мене.
Него, го спремив сега ручекот да се крчка, некоја мешавина направив од ситно сецкан стек, грашок, компир, морков, и нормално кромид и лук. Туку незнам колку време грашокот ќе му треба да се свари, да не остане тој жив, а компирот преварен. Дајте совет.
Нели ова многу повкусно ќе беше со диво месо? ( Кој пробал знае). На времето кога Господ одеше по земја, а јас бев чуџук ( со би рекле турциве ), баба правеше со зајачко месо. Ех, времиња. Како да се заборави.
Ете идеја за ручек за сечиј џеб, заколете ја кокошката на комшијата ако ве мрзи да одите во продавница . Кока кола нигде не спомнуем. Затоа и такво расположение де, колку пари толку музика. ( Во случајов наш, колку сок, толку музика. )