Ние околу и преку 40...

^излези не биди будалче

 

Идам одма.
Ау како би го испила сега, две голтки.

Пари за ресторанти давам кога сум на одмор или во мкд, затоа што стварно е ефтина храната.
Тука давам ради друштво.
Знам како изгледаат кујните и на ресторанти со 5 ѕвезди. Навистина се џабе фрлени пари.

 

Сесил излези,кога те викаат оди,кога те бркаат бегај,што би се рекло,направи му кејф на човекот

 

@Sesil сакаш да излезам место тебе,ќе се дотерам,иако тренерки ми се средно име

Пола саат ги молам малиша и мм да свртиме еден круг.Ем мали ќе се издува,ем цигари ќе си купам.
Ги мрзело,ладно било
Кој ги шиша,сама ќе се пролуфтирам

 

Дефинитивно ме тера некој малер. Денес кај стоковна куќа ТИПО во центар се спружив колку што сум долга. Коленава и шакиве парче ми се. Си ги скинав фармерките за никаде сум. И сега на работа ќе дремам до 8. Па пак во молот да си купам фрижидер и машина за перење. Ќе частам ко ќе ми ги донесат дома .
Јас сум девојка од Аеродром, обожавам тренерки ама ги носам само по дома и на спортување, ама и на работа во сабота и недела, нема шефови, нема дрес код .
Убава вечер

 

Тренерки, што беше тоа?
Последниов период сум толку често на работа, што не паметам кога последен пат сум облекол тренерки .... а толку многу ги имам и сакам...
Ај, уште неколку дена, па се надевам дека малку ќе одморам...
Поздрав од тиквешијата...

 

Добра вечер!!!
Вчера убав шопинг,изнакупив се за бебе..за неа сите пари ќе ги дадам
Обожавам гардероба,обувки,ташни марами....за тоа ич не жалам пари..
За ресторани не сакам да фрлам пари често,сакам еднаш месечно да излезам некаде тоа ми е ок.
Тренерки носам само за дома во есен-зима,сега ги влечкам и за до кај мајка на 3 мин.оти повеќе незнам што да облечам
Грејната сезона кај мене отворена денес,малата ми беше дојдена за неа морав оганче,па и за мене

 

Здрaвo друшки!

Еве ме...првпaт денес дa се пoтпишaм...

Утре ми е петoк...вo вистинскиoт не oдaм нa рaбoтa aмa ќе се aкaм пo бoлници и тoa зa дететo пa ич не ми е милo...ми е стрaв реaлнo oд тoa штo ќе ни речaт...(не е живoтнoзaгрoзувaчкo дa не ме рaзберите пoгрешнo)

Се пoднoвивме перници се нaдевaм ги пoгoдивме...утре сaбaјле ќе ви кaжaм

Ми се јaде нездрaвa хрaнa читaј: пицa,хaмбургер,пoмфрит и сл....oвa ПМС збoри oд мене...

Сaкaм излегувaње нa ручек фaмилијaрнo...сметaјте ме недoмaќинкa слoбoднo...aмa сaкaм 2 -3 пaти вo месецoт и мене некoј дa ми згoтви и дa бидaм гoстин..a и вo oвие 13 гoд.брaк дoвoлнo рaбoтиме и штедиме зa дa мoже дa се пoчaстиме oд време навреме...

 

Чудесија е ова улично маче. Ем те чека пред врата. Ем го раниш. Ем го галиш. Ем го мазиш. Ем ти се моча на чергиче... на истото чергиче на кое потоа се враќа, чучнува г'з и те чека. И со луѓето е така, нели?!

Тренерки.. веќе имам кажано. Иако сум локал-патриот тренерки ми се... се' само удобност не. Хеланка, туника, развлечена маица.

 

@zhap4e кога сонуваш превозни средства ,особено ако се возиш,ти претстои промена во кариера.

Тренерки сакам ,ама никогаш не сум имала марка.Обично оние од македонско производство ...
Пари не ми се даваат за сметки, гориво,казни,лекарски прегледи,лекови,порано децата кога беа помали за безброј родендени,листови такви вакви,непотребни глупости кои не се неопходни...се друго е подносливо.

 

Какао на ноќен ред.
Каснав и ананас малку.
Од грижа на совест кон овошките.
Ќе одам у маркет, со тренерки разбира се

 

Јадам дуња,ме потсети на слаткото од дуњи со ореви на баба ми.....покрај состојбата на мајка малку подзаборавив и се помирив со нејзината смрт...али сепак ми недостига таа женичка
Колку емоции има во мене,мислам ќе пукнам

 

Седам и спијам. Буквално едвај држам глава крената,а спиев три саати попладнево.

Тренерки не носам. По дома хеланки се на репертоар најчесто или долен дел пиџами и блуза некоја нагоре. Полуспавача комбинација. Пиџами носење за по дома ми остана од студенските денови, никако искоренување до ден денес.

Најмногу мразам да давам пари за такси превоз и високи сметки (среќа ретко ги имаме). И на УЈП. Во ресторан умерено одење, ми е ок. Точно дека храната и пијалокот се повеќекратно натплатени, ама понекогаш човек сака да ја ужива самата атмосфера на некој локал, со добар муабет и пријатна храна, чаша вино, без да мораш да спремаш претходно два саати, па после еден саат да раскреваш.

Нервоза... еххх...
Личност сум која е доста склона на стрес, некогаш мали ситници можат да ме извадат од такт, ама се фаќам себе си како со годините се повеќе успевам да се исконтролирам или да изигнорирам. Има моменти/личности кога едноставно не сакам да го направам тоа.
Во нервоза можам да се извикам.
Понекогаш исплачам, иако се поретко ова како минува време.
Сакам да лежам и молчам, сама, без волја за ништо.
Ни под разно не би чистела кога сум нервозна, тогаш немам сила да јадам, за нешто повеќе ни под разно.
Кога сум многу, многу нервозна почнувам и да се потам. Грб и раце, плус тахикардија проследена со главоболка. Емотивно човече сум, па понекогаш скапо си ја плаќам оваа особина.

Ми се јаде нешто, а не знам што. Може и само е пукнала од бес.

 

Сонцето се порано и порано заоѓа.
Пиев кафе и уживав во глетката.
Преку ден ми се спие, вечер неможам да заспијам.

Видов глувче во кујна на работа.
Погодете кој нема да јаде таму минимум недела дена.
Најгнасно ми беше кога пред неколку години видов неколку огромни стаорци како оро играат в кујна на еден од поелитните ресторанти. А јас си мислев дека само кај нас тоа го има.

Дојдов да пишам пост само да ја закачам сликава а се размуабетив.

Ајде сега колегата да ме подави со неговите пресмешни мрсни муабети.
Не му обраќам внимание па почна да свири.
Дали Македонските моми биле ефтини?
Викам не се поефтини од Полјачките.
Е не се преќутува.
Го гледаш симпатичен ама ко ќе отвори уста, ми иде бокс да му мавнам.
Пак ќе ме вика главниот на муабет изгледа.

 

Почнав да пишувам попладне, ама ноќ ме фати веќе.

За што давате пари без проблем, а за што со тешко срце?
Без проблем давам пари за квалитетна облека, пример квалитетни тренерки, капут, кожна јакна, бунда, чизми, ама големи пари за фармерки, џемпер или кошула - нема шанси. За ресторани без проблем даваме пари, сакам да се скоцкам и некој да ми направи кафе и да зготви нешто вкусно. Пари не ми е проблем да дадам и за апарати за домаќинство.
Најголема нервоза ме фаќа кога давам пари за данок од секаков вид. Мразам пари за такси да давам, користам јсп кога можам (муфташки со студентска). Пари и за сметка за телефон не ми се даваат. Исто, со тешко срце давам пари за шминка.

На тема нервоза,
Зависи кој ќе ме изнервира. Пред мои луѓе нервозата ја искажувам со сите можни емоции, од викање до плачење, зависи од моментот. Пред непознати завршувам со една реченица.
Кога сум нервозна добивам аритмија и се тресам, со други зборови - сакам да задавам некого.

 

Тренерки само дома и на Водно. Знам тука до маалскиот супермаркет да тркнам тренерки.
Ни штикли не сакам.

Да можам, од фармерки и старки, евентуално балетанки, не би излегла.

И јас сум ти била некоја ајродромска снаа!

 

Хелоууууууу!
Го заспав бебето и лежам, да одморам малку. Бре, она мое дете само ли е инат, брееее нерви ми искорна. Не знам како да го воспитам и ставам во ред.
Тренерки во љубов сме охооо на велико. Поручек зимно време надвор само со тренерки, за на Водно, парк .... Да можам и на работа да ги носам.
За ресторани - море кога си бевме млади, без деца сите пари на тоа се трошеа. Шетање, кафани, кафичи, диско.... А сега со две деца не можеш до продавница да отидеш, не па у кафана. Освен на свадба,- тоа ми е најскапа кафана. Кога ми викаше мајка, купувај, шетај тоа ќе ти остане не и верував. Сега што попрво деца, кредит, сметки.... И да не редам ќе ми се слоши После викендов сфатив дека многу време се губи за ручек праење, миење и од тоа душа снемав, па не да ми се оди по кафани ми се плаче.
Наравоучение - шетајте додека можете, пари секогаш ќе фалат.
И на крај абе имаат ли исаф овие со телевизииве бре, па нели е срамота тоа што го даваат. Абре убила ме туџа срамота. Лекари, нутриционисти и главно турски и индиски сериии. Ништо паметно, само глупости. Ќе отупеме жими се.
А не не е крај - пари ми се даваат за кожни чевли и чизми задолжително и тренерки и патики. За другоооооо и не баш ко ќе размислам. Пример кошула макс - 1000 ден, панталони макс 1500ден. Фармерки не се сеќавам од кога не сум купила.
А не ми се даваат пари за мобилен - пример 1500х24 месеци. Мислам срце ќе ме боли. Затоа се нервирам со ова кршов.
Уф се гледа дека сум нервозна!!! Уствари нервозата ми е за на работа, уште не тргната ни видено што, како. ( па се друго ми смета) А замислете ко ќе тргнам, охооооо ќе ме банирате мислам.
И кажете каде има капути убави и колку пари се?