Никаде без ќерка ми (Бети Махмуди со Вилијам Хофер)

Никаде без ќерка ми е автентичена приказна за љубовта, за личната драма, за траумите и понижувањата на една современа Американка.

Бети по неуспешниот брак се вљубува во штотуку дипломиран лекар - Иранец. Љубовната идила по две - три години завршува со брак, а по извесно време брачниот пар одлучува да го посети Иран заедно со нивната тригодишна ќерка.

Иако Бети се плаши дека оттаму нема да се врати, сепак одлучува да го придружува својот сопруг. Патувањето се совпаѓа со периодот кога во Иран се случуваат крупни политички промени, односно кога на власт доаѓа имамот Хомеини и кога Иран станува Исламска Република.

Нејзините стравувања многу брзо стануваат реалност: Таа со својата ќерка Махтуб станува заложник на мрачното семејство на нејзиниот сопруг Муди. По низа драматични случувања таа успева да избега од Техеран со својата ќерка и да замине за САД.

Никаде без ќерка ми е книга за бескрајната мајчинска љубов и издржливост, но и за муслиманскиот фанатизам, како и за сударот помеѓу западната култура и културата на исламските државни уредувања.



Еве една прекрасна книга која ќе ве остави без здив и ќе ви ги насолзи очите. Приказна за жена која иако заробена во држава каде мажот има секакви права над жената,таа не престана да се бори и на крај се избори, замина од државата каде беше заложник и го помина најтешкиот период од својот живот.
Книгата мене ме остави без зборови,токму поради тоа што е пишувана по вистински настан. Ја имате ли читано како ви се допаѓа ? (барав ваква тема но мислам дека немаше,ако има ставете и клуч.)

 

Книгата е прекрасна една од моите омилени.Јас читав одамна но се уште совршено се сеќавам на текстот.За тие што ја немаат прочитано им ја препорачувам дефинитвно.

 

Прекрасна е книгата, го имам гледано и филмот, ама филмот е преблаг спрема она што е толку сликовито опишано во книгата. Вреди да се прочита! И откако ја прочитав оваа книга никогаш не би отишла на Блискиот Исток.

 

Преубава е книгата, ја имам читано пред неколку години но сеуште се сеќавам на неа. Една од омилените ми е.

 

Книгата е преубава, ја имам читано пред неколку години, ја добив на подарок од сестра ми, и можам да кажам дека е една од најдобрите книги што ги имам читано. Додека ја читав не се сеќавам дали заплакав, но кога го гледав филмот пуштив некоја солза. И филмот е многу добар

 

Одлична книга. Ја купив пред две години, и откако ја прочитав ја дадов уште на 10 души да ја читаат и никој не зажали што ја прочитал. Дури неодамна ја добив назад.

 

Oгромно браво за темава Hе знам од кај да почнам да зборувам за книгава.
Mе фасцинира содржината,колку е секој детаљ опишан како ги сваќа Бети сите тие работи и како ги донесува нејзините одлуки.Kолку една жена може да се бори и да се жртвува за сопственото дете.
Kнигава е извонредно дело според вистинска приказна за која има и филм.Tолку многу солзи паднаа на книгава што бев решена да пребарувам на интернет за Mуди,и најдов информации дека починал во 2009г и дека никогаш повеќе не ги видел од моментот кога тие избегаа,само што во приватен живот не се викал Mуди.Tие и ден денес живеат под лажно име и лажна адреса.Kнига која детално ги опишува сваќањата,навиките и верувањата на луѓето од истокот.
Cекој треба да ја прочита книгава и со сигурност тврдам дека никој нема да се пожали.

 

Една од најдобрите книги што некогаш ги имам прочитано.Кој ја нема прочитано му препорачувам да ја чита. Животна приказна на една мајка која со сета сила се бори за слободата за нејзината единствена ќерка и нејзе, кои се заробени во Иран. Поминуват низ безброј искушенија,физички малтретирања...
Вреди да се прочита книгата.

 

Истото го мислам, буквално се расплакав читајќи ја, сфатив дека жените не секаде во светот се третирани како луѓе, среќни сме што сме далеку од тие држави со низок менталитет

 

Прекрасна книга! Вреди да се прочита..
Ех на што се е спремна мајката за својата ќерка.. :up:

 

Книгата ја немам читано, но го имам гледано филмот. Sally Field прекрасно го долови ликот. Бидејќи приказнава остави силен впечаток врз мене, едно време премногу се интересирав и барав низ интернетов за судбината на ова семејство, затоа нека не ве чудат линковите подолу.

Покрај филмот, најдов и едно подолго интервју со самата Бети Махмуди (занемарете го воведот на шведски, интервјуто е на англиски)

Прв дел:

http://www.youtube.com/watch?v=ycMAc8IWUUs

Втор дел:

http://www.youtube.com/watch?v=119r0ZZCGxs

Постои и еден документарен филм, Without my Daughter, во којшто главно сопругот на Бети Махмуди ја кажува неговата страна од приказната. Исто така, во овој документарец зборува пријателката на Бети, Ellen, којашто исто така како неа, била Американка којашто се омажила за Иранец во тоа време.

прв дел

http://www.youtube.com/watch?v=_W2SUn1ZNU0

... документарецот го има на јутуб во 6 дела, да не го оптеретувам постот со линкови.

Инаку Сајед Махмуди, сопругот на Бети и таткото на Махтоб Махмуди, починал на 22-ри август 2009 година без да ја види Махтоб за последен пат. Тој никогаш не се преженил и немал други деца.

Исто така, нешто потазе што најдов во врска со приказната на ова семејство е и говорот на Махтоб Махмуди во којшто истакнува дека нејзината мајка е еден од живите докази дека 1 индивидуа може да направи доволно голема промена и накратко ја изложува нејзината страна на приказната.

http://www.youtube.com/watch?v=WSLjOGRg9Y8

 

Си имав кошмари од книгава со денови откако ја прочитав.

Не знам дали да ја искритикувам како прекрасна или одвратно сурова и гадна, во секој случај, вредно четиво.

 

Прекрасна книга.Иако отприлика знам дека се такви животот и сфаќањата на луѓето од тоа поднебје,сепак за многу работи сметам дека се претерани и постојано одново и одново се чудев на тоа до каде можат да одат.Тажно е тоа што навистина се доживувало.И филмот е добар,иако книгата е за нијанса подобра.

 

Не плачам на филмови ама овој ме потресе. Го имам гледано можеби 3 пати. Последната сцена, кога стигнува во америчката амбасада ја гледав станата.

 

Мн трогателна книга.Плачев додека читав.Која тортура ја претрпеа жената и девојчето ,свака им част како успееја на крај да извлечат живи глави.

 

И јас ја имам читано книгата и слободно можам да кажам дека е една од најубавите а воедно и најтажните книги што сум ги прочитала. Ја препорачувам на секој што ја нема прочитано да ја прочита, но пред тоа добро психички да се подготви. Едно големо за книгата.

 

ја имам читано оваа книга, и не зажалив ич ич ич . прво мислев дека ке ми биде досадна, но откако ја отворив и почнав да ја читам неможев да ја оставам. на моменти и се расплакував ..... прекрасна книга според мене и би ја препорачала не секој да ја чита.

 

Филмот го гледав како дете и за прв пат ја видов мајка ми како лие солзи на филм.
Баш ме потикавте да ја симнам книгава и да ја прочитам. Не знаев дека е снимен според книга.
Ептен потресна приказна, и да глумицата е инзворедна, предобро ка донесе улогата на Бети.

 

Ја имам читано книгава ако не се лажам пред 2год,. Многу трогателна, емотивна, тажна. Многу пати и плачев од жал за нивните маки... Стварно е неверојатно што се може да издржи една мајка за да биде со своето дете. Таа колку шанси има да замине сама, но не го прави тоа. Ех тоа е мајка...
Секој што сака да прочита добра книга и поучна во исто време, нека ја набави што побрзо

 

Книгава е одлична, ја прочитав пред 2 години во еден здив и од тогаш на сите им ја раскажувам и ја препорачувам