Никаде без ќерка ми (Бети Махмуди со Вилијам Хофер)

Прекрасна книга, тажна животна приказна која ја прочитав одамна во еден здив, и долго време после неа имав емоции и не можев да се соземам, ја доживував судбината на Бети и нејзината керка низ детало опишаните страници. Инаку го имам гледано филмот, но сепак книгата е подобра според мене, дефинитивно преорачана од моја страна.

 

Книгава ме потресе. Плачев и читав. Не сум родител а ми надојдоа еден куп емоции, а како ли пак ќе ми беше да сум родител. Го гледав и филмот но не ми се допадна.

 

Книгата ми е една од омилените. Ја прочитав во еден здив. Целата потресена од културата шо се опишува, од животот на тамошните жени, од издржливоста на Бети, од борбата за своето чедо. Толку ме допре таа книга што кога и да се сетам на неа ме обзема едно сожалување на сите жени и девојки што живеат во таквите земји. Пред да ја прочитам таа книга не знаев дека едно женско тело може да поднесе толку ќотек, измачување и страдање. Со оглед на тоа дека книгата е пишувана според вистинска приказна со секоја страна ми навираа солзи во очите. Сега сум тинејџерка, кога ќе станам мајка пак ќе ја прочитам книгата. Ја обожувам.

 

Викендов ја завршив книгава со читање и со денови тоа што прочитав уште ми се врти во глава и се изнагледав видеа со вистинските ликови што давале интервјуа. Не ми се веруваше дека и тој Муди решил да ја оцрни Бети демек лажела за некои работи.
Многу се соживеав со книгата, секоја чест за храброста на Бети да ја спаси ќерката и себеси. Се чита книгава во еден здив. Предобро е обработен и раскажан секој детаљ.

Сакам да го изгледам и филмот што е направен според книгата.

 

И јас ко ја дочитав гледав интервјуа, барав податоци, а и филмот го изгледав. Ја симнав и книгата од ќерката (My name is Mahtob), ама не ми е читана уште.
Иако ми беше читана пред неколку години, пак ми остави голем впечаток и исто се соживеав со личностите.

 

И јас сакам да ја прочитам и книгата од Махтуб, да согледам и она што мислела за сето тоа време...
Многу добра книга, одамна некоја книга толку не сум ја мислела и не ми оставила впечаток...

 

Одамна првин книгата ја прочитав, па го изгледав филмот. Има неколку години.
Гледам во последно време дека многу е популарна книгата.

 

Предобра книга. И плачев, и имав кошмари со Муди, и ептен се потресував кога ја читав, но е предобра. Секоја чест на Бети, и јас сум мајка, и јас никаде не одам без ќерка ми Доста поучна книга навистина