Нов закон за заштита од пушење

Ако не можеш неколку саати надвор од домот на кафе, на автобуска, работа или било каде без да запалиш цигара и поради тоа стануваш нервозен и нестабилен и ти смета све што дише оти некој неќел да му чуриш у фаца, ондак ти треба стручна помош. И треба да ја побараш за да не малтретираш недолжни

Фала многу пријатно

Модератор: Дискусијата е одделена од темата Сакам да кажам...

Новиот Предлог-закон за заштита од пушење деновиве поттикна гласни дебати. Со него се прошируваат забраните и се воведуваат построги правила не само за цигарите, туку и за сите производи со тутун и/или никотин, како и за електронски уреди, загреан тутун и слично.

Законот треба да донесе појасни рамки за „чист воздух“ во јавниот простор, помала изложеност на пасивно пушење и посилна заштита на младите.

„Со овој закон, испраќаме јасна порака дека здравјето е повисока вредност од било кој комерцијален интерес, дека здравјето на децата не може да биде предмет на профит, дека јавниот простор мора да биде безбеден простор“ – порача министерот за здравство, Азир Алиу.

Закон за заштита од пушење
А еве каде сè ќе биде забрането пушењето тутун, и други производи што содржат тутун и/или никотин, како и употребата на уреди за консумирање на тутун и никотин или додатоци за пушење:

Во објекти на здравствени установи, установи за социјална заштита, воспитно - образовни, културни и рекреативни установи и организации за физичка култура и спорт;
Пред влезови на објекти на здравствени установи, установи за социјална заштита, воспитно – образовни институции;
Во и пред објекти за престој и сместување на деца, ученици и студенти;
Во објекти каде се наоѓаат државни органи и органи на единиците на локалната самоуправа;
Во објекти и возила што претставуваат работни места;
Во сите видови јавен превоз, вклучувајќи патен, железнички, воздушен и воден превоз, жичари и ски-лифтови;
Во објекти на аеродроми, железнички и автобуски станици, езерски пристаништа;
На станици на градски и приградски јавен превоз;
Во приватно возило во присуство на дете;
Во објекти каде се вршат трговски дејности, пазари и саеми;
Во објекти на угостителски објекти за сместување дефинирани согласно одредбите од Законот за угостителската дејност, вклучувајќи ги основните угостителски објекти за сместување и комплементарните сместувачки објекти ;
Во објекти на угостителските објекти за исхрана, дефинирани согласно одредбите од Законот за угостителската дејност, вклучувајќи ресторани, барови, национален ресторан – меана, кантини и други угостителски објекти за исхрана;
Во заеднички простории на станбени згради и заеднички делови на станбена зграда (светларници, лифтови, заеднички котларници и слично) утврдени со закон;
Во објекти на полициски станици, казнено-поправни и воспитно-поправни установи;
Во објекти на приредувачи на игри на среќа, дефинирани согласно одредбите од Законот за игри на среќа;
Во и пред објекти кадешто се приредуваат забавни и рекреативни дејности за деца (како игротеки за деца и приватни установи за грижа на деца).
https://www.femina.mk/stop-za-pusen...nici-eve-kade-se-ke-bide-zabraneto-pusenje-so

 

Како се да е средено во оваа држава па ајде сега за пушењето се фатија.
Европа од Тему сме.

 

Не ми паметувај за штетноста на алкохолот за викенди и по некоја чашка сред недела, за кафето на гладен стомак и за отровот во цигарите, кога изгледаш како човек што нема изодено 1000 чекори во цела недела и како да си ја изел и масата во дневната за празниците.

Никогаш не би се дрзнала да му паметувам на други луѓе во врска со нивните лични избори, било да е тоа да не јадат одредена храна или да јадат, да конзумираат или не конзумираат алкохол, да бидат премногу физички активни или воопшто да не се итн итн. А нешто што највеќе мразам се баш таквите луѓе шо се замараат со туѓ живот и прилично знам да вратам дрско ако ми солат памет.
Гледајте си своја работа аман, толку е тешко?

 

Извини што ќе те цитирам, но се согласувам со тебе потполно.Јас сум особа која никогаш нема пушено цигари, последниве 3-4 години се немам капка алкохол напиено, спортувам повеќе од 15 години, последниве 2 год буквално секој ден, но никогаш не сум паметувал на блиските, роднините, другарите, девојките, да не пијат, да не пушат, дека претеруваат во одредена храна, или дека мораат да се хранат здраво, или мораат да вежбаат секој ден, мислам дебилно е искрено.Ако јас не јадам одредена храна, или не пушам и не пијам алкохол, вежбам затоа што ми е мене убаво, не значи дека тоа треба сите околу мене да го прават, зашто моето е правилно, а нивното не е, секој си ужива во одредени и лични избори.

 

Јас кога јадам чоколадо, мене ми се качува шеќерот не на друг.
Јас ако пијам алкохол, мојот џигер страда, не на друг.
Ама ако јас пушам, страда и туѓа плуќа, се усмрдува и туѓа облека.

 

Точно да, но еве еден прост пример да земам.
Одиш во кафана, имаш пушачки и непушачки дел.
Во н пушачкиот дел 20 маси, од тие 20 маси 18 се слободни, 2 се зафатени од непушачи.
Во пушачкиот дел 20 маси, од тие 20 маси 20 се зафатени, од тие 20 зафатени маси на 10 маси седат непушачи. Зошто?! И после коментираат мирисам на цигари, ме отруја од цигари. Фино лепо оди седни си во непушачкиот дел и нема да бидеш усмрден на цигара, што мајка бараш во пушачки дел кога не пушиш цигара?

Зошто да биде скратено задоволството на пушачот, а на не пушачот не? Зошто да не е исто?
Еве јас на пример кога ќе излезам било да е во ресторант, кафич, дискотека, сакам да си запалам цигара и да си јадам, пијам. Мене не ми оди ништо без цигара. После закониве јас ќе си се собирам со друштвото дома, пошто цело друштво сме пушачи и дома ќе си спремам вечера, нема сигурно да одам пари да фрлам на места каде што нема да ми е убаво.

После овие 'ЕВРОПСКИ' закони 80% ќе им падне работата на угостителите, не знам само дали се свесни властите дека свесно ги носат сите во пропаст.

 

Па ебати државата ако факинг пушење ни ја држи економијата стабилна.
Не земјоделие, туризам, производство или не знам што, пушење цигари бе.
Немој случајно и коцкарници да забраниме, сигурно колективно сите ќе просиме по улици.

Мене ми е стварно срам да живеам во земја кај што на нечии зависности ни се потпира иднината.

 

Па, нека им падне работата кога не внимаваат ни на непушачкиот дел и не опоменуваат пушачи дека во тој дел не смее да се пуши.
Пушачот нека се труе и убие сам. Нема право да труе и убие други.

 

Точно, јас се согласувам со тебе, ама затоа има посебни простории за непушачи.

Земав пример само за угостителите, не за целата економија.

Јас знам дека во деловите наменети за непушачи не се пуши, немам сретнато некој со цигара во тие делови.
За оние кои не почитуваат и дозволуваат да се пуши секаде нека им падне работата.

Види јас се согласувам со сите вас на кој ви пречи цигара, ама не се согласувам со законот каде што е наведено дека дури и во пушачките простори каде што беа нема да биде дозволено да се пуши.
Почитувам права и јас, во делови каде што е дозволено пушам цигара, во делови каде што не е дозволено не пушам, треба за сите да е рамноправно.

 

Јас не знам зашто и јавни дркаџии ги шејмаме. Му се присакало на чоекот, потреба е јбг, не дошол некого од вас да го онади.

 

Личен избор со кој наштетуваш некому не е личен избор туку наметнување. Како пушач сум свесен дека ова ќе ми влијае на ноќните искачанки но за општо добро сум за изгласување на законов. Е сеа тоа шо сметам дека ова нема никаква врска со некои алтруистички побуди и грижа за здравјето на граѓаните туку за полнење на буџетот преку фрчење на казни е друг муабет.

 

Законов мора да се применува во оваа форма токму поради тоа што енормно се зголеми бројот на пушачи, а за непушачи не останува безбедно место.

 

Затоа што твојто задоволство е на сметка на здравјето на непушачите

 

Тогаш излегува ние пушачите да си седиме дома и да си се труеме.

 

А што сум јас должна за мене да ме труеш?

 

Па...можеш да излезеш и да не пушиш тие неколку саати.
Просто и едноставно

 

Па, кога сте себични, не се контролирате и не размислувате за туѓото здравје кое го нарушувате, и треба да седите дома. Ова не се однесува на тебе ако имаш осет, во општа смисла го кажувам.

 

Аман, законот е европски скроз.
И секако ќе важи само таму кајшто ќе важи, глава давам дека ќе можеш во Чаир и во Тетово да пушиш во секое време, и на некои други ,,одбрани,, места .

Ај да беше прв пат, па да поверував, ама реприза е Amazing.