Нора Робертс

Нора Робертс пишува крими романи со нишка на футуризам, лесен стил и романсата ја концентрира во главниот лик. Дали нејзиниот стил на пишување ви е интересен и разбирлив? Дали уживате во нејзините романи?

Јас ги обожавам нејзините дела. Ги имам прочитано Голи во смртта и Славни во смррта од серијата Во смртта и многу ми е криво што само овие две дела се преведени на македонски јазик ме оставиа без зборови, Вечерва и засекогаш и Краеви и почетоци се лесни љубовни и прекрасни романчиња.
Сега планирам да си ги земам Засолниште и Право на избор.

 

Јас оваа ја имам читано, само на македонски.

„Паднати ангели“ - така чинам беше преведен насловот.
Интересна ми беше навистина и она што навистина ми се допаѓа е што имаше доза на мистерија (што е една од основните работи кои ги барам во книга пред да се одлучам дали да ја читам) и секако романса (која СИТЕ ДЕВОЈКИ ја бараме по книгите ).

 

Ах, да ја заборавив Паднати ангели и оваа ја имам прочитано. Добра е. Ако ти се допаѓаат вакви романи со доза на мистерија а воедно и романса читај ги Голи во смртта и Славни во смртта.

 

Ми се допаѓа стилот на Нора Робертс,ги имам прочитано Прашање на избор и Вечерва и засекогаш,Вечерва и засекогаш ми остави силен впечаток многу добра книга и исто така почнав да ја читам Black Rose ама не успеав да ја дочитам

 

И јас ја имам читано Паднати ангели и баш ми се допадна.Ама замислете,таман дојде расплетот и видов дека од книгата нема 20 страни и може ли некоја да ми каже како заврши,т.е.дали имаше убиство или не?Мене тој шерифот некако ми беше сомнителен...

 

Па да полицаецот беше убиецот, ама Рис и дечкото ( заборавив како се викаше) се спасија на крај, од дамна ја имам прочитано и не се сеќавам баш на деталите

 

^ Двеојкииии, ставајте во спојлер тоа горе!!! не откривајте ни од книгата!

 

Може ли нејзините книги да се најдат низ библиотека?
Бидејки многу пати барам книги ама не наоѓам

 

Секако дека можат да се најдат во библиотека,и јас оттаму ги земам.Ги немаш начекано оти веројатно ги има во по еден примерок,па биле земени.

 

Јас сега моментално ја читам ,,Краеви и почетоци" и многу ми се допаѓа и делото и стилот на Нора Робертс би сакала да прочитам ѕште некое дело од неа

 

Вечерва и засекогаш е слична на Краеви и почетоци, типично за стилот на Нора Робертс.

 

Јас само Паднати ангели ја имам прочитано од неа и ми се допадна.Има и филм според книгата, само немаше торент па го гледав на делови на youtube, добар беше и филмот и сега имам на листата уште еден според нејзина книга.

 

Голи во смртта ја имам читано и прекрасна е.Нора има лесен стил на пишување,уживав во книгата.

 

Сум ги прочитала повеќето книги на Нора Роберст, и навистина прекрасно пишува. Но, најмногу ми се допаднаа Голи во смртта, Славни во смртта и Вечерва и засекогаш

 

Најинтересна ми е серијата Во смртта, за жал само Голи во смртта и Славни во смртта ги има на македонски. Ви ги препорачувам сите што ги немате прочитано прочитајте ги, нема да зажалите :wink:

 

Ги имам прочитано „Голи во смртта“ и „Славни во смртта“, ми се допаднаа и еве сега планирам да ја читам „Паднати ангели“. Интересен стил има.

 

Моментално ја читам оваа. До пола сум. Ми се допаѓа стилот на кој пишува.

 

Ја имам читано само Голи во смртта и ми се допадна. Лесна и интересна

 

Јас сум ги прочитала Голи во смртта и Славни во смртта. Пред да ја прочитам втората ми се допадна стилот на писателката, приказната...но кога ја прочитав втората се разочарав! Преслични книги, некако ми делување како госпожава да нема креативност и инспирација И некако сега имам предрасуди дека не вреди да и читам друго дело. Што мислите вие? Вреди да и дадам втора шанса? Ако да, ајде предложете некоја добра друга нејзина книга...

 

Ау женава ме импресионира, почнав со една книга, трилерче-романче, на името не ми текнува ама мислам дека беше нешто Кралство, Принцеза, приказната се развива околи киднапирана принцеза, мора да ја побарам како се викаше точно, ако има некој идеа како се вика нека пише, имам лоша навика читам и не памтам наслови. По таа книга ја прочитав и Точно на пладне и уште една ама ете и на таа не се сеќавам на името а последна неа ја читав, за срамови сум, ако некој ја читал нека го каже насловот, иначе се работи за криумчарење на дијаманти, антиквитети и нормално фантастична љубовна приказна. Сега на ред ми се Голи во Смртта и Славни во Смртта, земени ми се и двете од библиотека, ама се плашам дека нема веќе ништо овде во Ѓорче, ќе ги барам додека не прочитам добар дел од неа, а машала има замашна колекција од неколку стотици издадени книги за двеипол децении работа, алал да и е. Имам интересно чувство кога ги читам нејзините книги, за жива глава не можам да ги оставам дури и очите да ми паѓаат од умор