Носење на бебето во слинг или марама

Мамички дали вие користите или сте користеле слинг или марама за вашето бебенце??
Јас сакам да набавам ваква бидејќи моето бебенце го мачат грчеви , се смирува само кога е до мене а не можам постојано во раце да го држам..
Исто така ме интересира и каде може да го набавам ??

еве што најдов за носење на бебето во слинг или марама
Бебето има природна потреба да биде носено. Тоа било носено во утробата на мајката девет месеци. Таму се чувствувало безбедно, заштитено, го слушало срцето на мајката, ја чувствувало нејзината близина, нејзините движења ит.н. Кога ќе се роди бебето, неговата потреба од близина со мајката не престанува. Кога бебето е носено, повторно ја чувствува истата близина, утеха и заштита. Од гледна точка на бебето доаѓањето на свет е огромна промена. Во стомакот на мајката било носено 24 часа дневно, па кога ќе се роди се уште ќе има потреба од тоа. Не е точно дека со носењето бебето ќе стане разгалено. Со носењето Вие всушност одговарате на неговата потреба да биде близу до Вас.
* Носените бебиња се позадоволни. Испитувањата покажуваат дека плачат помалку за 40-50%. Додека плачат кај бебињата се ослободува хормон на стрес. За секое бебе е нормално да плаче, но преголеми количини од овој хормон можат штетно да влијаат врз мозокот на бебето. Бебињата кои помалку плачат, тоа време го употребуваат за набљудување на околината и учење на нови работи.
* Често пати исхраната на носените бебиња е подобра, затоа што мајката полесно ги забележува знаците на глад, уште пред бебето да почне да плаче.
* Движењата кои ги чувствуваат бебињата додека се носени, се добри за развојот на центарот за рамнотежа и за целиот физички развој. Бебето го слуша дишењето на мајката, ги чувствува нејзините движења и самото реагира на нив со своите движења.
* Докажано е дека прерано родените бебиња подобро напредуваат, ако се често допирани.
* Носењето на бебето во положба со раширени нози е добро за развојот на колковите.
* Кога бебето е носено во марама, мекиот материјал ја спречува појавата на сплеснување на задниот дел од главата. Инаку ова е честа појава кај бебињата кои многу лежат.
* Бебето може и треба да биде носено и од таткото. Тоа помага за развивање на близината помеѓу таткото и бебето. Онаа близина што ја имаат мајката и бебето уште во текот на бременоста, со таткото е неопходно да се развиве покасно.
* Носењето на бебето, на мајката и го олеснува извршувањето на секојдневните обврски. Додека таа работи, бебето не е оставено само и може постојано да го надгледува.
* Носењето и овозможува на мајката подобро да го запознае бебето и неговиот начин на комуникација. Мајките кои ги носат бебињата полесно ги разбират и толкуваат изразите на лицето на бебето. Во исто време имаат и повеќе време за меѓусебна комуникација. На тој начин се стимулира бебето да учи. Докажано е дека кога му зборувате на бебето, му помагате во развојот на неговата интелигенција.
* Носењето не е толку незграпно, за ралика од буткањето во количка, носењето во корпа и сл. Можете без проблем да го носите бебето, додека другото дете го држите за рака.
* Го олеснува доењето на јавни места, правејки го подискретно.

 

Ние имаме кенгур, незнам како ќе биде, но уште пред да останам бремена , премногу сакав да имам слинг. Ми изгледаат страшно практични, и здравје Боже мислам дека ќе купам, ако биде се како што треба.
Планирам деновите после пораѓајот да погледнам во продавницава http://www.bebesling.mk/ што и како имаат, колку што сфатив се од 3000ден нагоре, но има мајки кои го користат и за 4годишни деца. Можеби за некои е претерано, за некои не. Не викам дека и јас би го користела толку долго, зошто не верувам дека дете кое проодело би седело во слинг, сепак муабетот ми е дека најверојатно се квалитетни и практични.

 

Мене слингот ми изгледа доста практичен ,а и мислам дека со него се намалува болката на рамената која се јавува од кенгурот доколку рачките не се убаво пополнети.Доброто кај слингот е тоа што бебето може да се става во неколку положби ,па тоа во некоја мера и олеснува и на мајката за да ги одмори малку рацете.За првото дете бидејќи немаше вакво нешто јас сама си правев слинг од две-три марами и многу ми го олесни периодот со грчевите.Имав купено кенгур,но во него можев да го држам најмногу 2 часа затоа што после многу ме болеа рамената.За второто дете не купив затоа што веќе имав кенгур и некако не ми се даваа пари и искрено жалам затоа што мислам дека со слингот барем малку ќе си олеснев,бидејќи мојата малечка до 4 месеци беше по 24 часа во раце,затоа што имаше многу грчеви.Јас мислам дека е добра инвестиција особено ако е прво дете затоа што тоа понатаму би се користело и за второ. Е сега доколку ви е премногу за џебот ,можете да најдете слики на интернет или да отидете да го видите во продавница и со помош на некој кројач да го направите.Целата работа кај него е во една метална алка(прстен) за која мислам дека може да се најде и по џиџимиџарниците ,а трико платно има или на женски пазар или во Матекс,со тоа што ќе купите поголема должина ,а 1метар чини од 100-150 денари.

 

Мене слингот ми изгледаше интересно, но јас си бев за кенгур... Искористивме максимално кенгур на Чико, а за второ здравје планирам да го купам физио кенгурот на Чико кој е навистина поскап но одличен за грбот и кичмата. Овој нашиот беше поедноставен модел и чинеше 2000ден, а ќерка ми уживаше да седи во него. Дури и заспиваше во кенгур. Се каам што не го купив поскапиот модел (беше околу 5000ден), но не знаев дали ќе ни биде воопшто од корист. На овој маста му ја извадивме и едно конче не попушти. Закон. Инаку, додека да го најдеме правиот кенгур за нас, сменивме два, двата беа на Бертони ама не ни се допаднаа како седи бебето и како лежи на грб. Веднаш ги заменуваме и на крај застанавме со избор на Чикото.

 

и јас ги гледав кенгурчињата на Мегасторе ќе го купиме овој http://www.femina.mk/out/?id=20574b00c8 ... atID%3D212 ама сега за сега мислам дека бебушка е многу мала за во кенгур подобро ке биде во марама, во марамата нели може да се носи од првиот ден после раѓањето..
Како и да е ке мора да излезам да видам или пак да си сошијам..

 

син ми си се научи за враце и цело време е враце и со намера да си ги одморам рацете купив кенгурче ама 3 пати го кладов некако не ми е практичен. дури го наместиш па да го ставиш бебето па да се дозапетла... крени го и свршена работа

 

Внука ми седеше во кенгур од сам почеток, ми текнува имаше месец дена кога ја ставивме, или два, не се сеќавам, ама ортопедот рече дека може од +0 да се става. Инаку сестра ми имаше кенгур од Чико, фантастичен, со мемори пена и воопшто не беше тежок за носење, го купивме од Џамбо за 1700 а во Чико продавницата беше 2400, богами разлика, внука ми навистина си го искористи, си сакаше да си седи и си уживкаше, ама пошто е прилично долга немаше смисла да седи веќе во него, идеше ко дете од 3 години да седи во кенгур, ептен беше глупаво. Инаку слинг марамите ги има во една продавница кај Универзална, Беби слинг се вика продавницата и има лиценца за продавање на прави слинг марами. Мене искрено ич не ми свиѓа, ко детето да е само така ставено, ми нема логика, а и многу бе некако се стуткани, се си мислиш ќе излезе. Инаку видов неодамна една мајка на семафори, абе детево ич не му беше удобно, на грб и беше ставено, ко ранец да носеше, а да видите само ноџињата како му беа пресечени, греотче, којзнае колку беше мало, па нели е гревче, мало детенце да го носиш на грб, па стави си го барем напред во некоја поудобна положба. Јас сигурно ќе го користам на сестра ми кенгурчето ако не се погодиме во исто време, ама мислам дека додека е мало од раце нема да го испуштам, пекмезче ќе го направам

 

Значи никој со искуство за слингот???
Јас утре ќе купам па ќе ви кажам како ќе ни се погоди.
Ќе го земам зошто ова зверот сака да е залепен за мене и се во раце, едвај ја спуштам да спие на кревет, па мислам дека е ова единствено решение за некогаш рацете да ми се слободни(кога сум сама), да можам да се напијам вода или да јадам
Мајка ми ме зеза, вика немој пак со ова да не сака детето после во никој да оди, се за мајка и да е залепена. Може и држи место муабетот, ама па не се трпи веќе.

 

Јас имав ваков кенгур го купивме доста касно , кога малата беше 4 месеци . Сега веќе не ја ставам во него пошто тешка е, има накај 9 кила
Ама задоволна сум ... а и ефтин беше многу .

 

Ние си купивме слинг, bobawrap, баш овој


Многу ни е убав, малата уште во продавница кога го пробувавме и кога ја ставивме си се намести така фино , за секунда заспа. Многу практична работа, ја шетам , постојано е до мене , а мене рацете потполно слободни, грб не боли, не се ни осеќа дека носиш дете, барем засега
Муабетот од погоре што е за сами да си сошиете, се замислив и јас, но морам да ви кажам дека материјалот е навистина посебен, растеглив, со две лица, односно од едната страна е мазен , а од другата е како ќебенце тенко, се осеќа дека е цврст материјал, сепак треба тежина да издржи.

 

meU даде 2800 за слинг? Јас ич не ги гледам за долгорочно корисни за толку пари... Ај ќе чекаме за мислење и искуство. Со здравје да ве служи!

 

2950 e слингот и искрена да бидам ни денар не жалам. Еве ја плачеше, вриштеше, ја ставив ,сега е на мене задоволна ужива, а јас сум комотна и слободна. За вакви лигави деца како моето што стана ова е закон. Релаксатор не сака, количка може ама само ако вози некој, а за седење строго во раце додека не се успие. Е ако е така и јас сакам малку раат , па мораше да се најде решение.

 

Muabetot mi e kolku e isplatlivo posto ne gledam deka e dolgorocno.. kolku saka neka se do18 meseci posle 6ti mesec ko ke pocne da mrda sekoj den se poveke, mesto ne gi drzi.

 

Е ќе видиме колку е исплатливо , тоа допрва Но, не купувавме релаксатор, не транспортер, едно друго, па прадедо и сакаше да и купи нешто од него, ете супер поклон бидна
За исплатливо и дали ќе седи ќе ви пишам понатаму

 

Имам носено дете во марамава (туѓо дете) и е стварно супер затоа што може да се стави детето во повеќе позиции. Јас го разнесував во супермаркет и супер е раце ти се слободни и плус грбот помалку боли. За моето, здравје, ќе ја позајмам за да видам дали ќе сака да седи во неа. Плус за кратки релации како да тркнеш до продавница без количка е многу практично.
И јас мислев дека можам да сошијам ама стварно матријалот е посебен и треба многу матријал така да исто ке се фати само малтретирање.

 

Материјалот е долг 5м, но за шиење треба да ја погодиш ширината, а и квалитетот на материјалот, + краевите не се исто широки колку предниот дел.
Еве слика од вчера,уште додека бевме во продавница, кога го пробуваше маж ми. Цуцката си се намести и си заспа.

 

Многу слатко и пријатно делува! Ајде чекам да видам како ќе се покаже следниве месеци, па ако си задоволна да си знам за второто да си купам и јас.

 

навистина делува многу слатко а мислам дека е и доста корисно многу имам мерак за вакво сигурно ќе земеме и ние

 

Епа MeU, да знаеш дека твојата слика ми го дефинираше изборот за роденденски подарок . Знам дека е многу рано за да купувам вакви работи ама кога ме праша мм што сакам за роденден ми текна на Boba Sling-от. Утре ќе дознаам и во каква боја дефинитивно да купам