Носење штикли за полуматура

Во ред, ќе сфатеа и без толкави букви. Еднаш се живее - луѓе, носете штикли!

И да, не ми кажа што се пупиња??

 

^ Oние вие што ги нарекувате балетанки.Пупиња се уркасни слични се како и балетанките.Но се по свечени.А балетанките се едноставни и нив ги носат балерините.
И пипињата се измеѓу чевлички и балетанки.
Еве сликовито
Балетанки

Пупиња-така нешто измеѓу чевлички и балетанки.

 

Е сеа, пупиња. Пупиња викаше мојот школски од Гевгелија за кифлички, па сеа ти види кој е правиот термин. Наликуваат на балетанки, затоа балетанки ги викаат. Рамни чевлички, ниски чевлички, чевличиња, не знам, ама пупиња бе. Добро, ај можда вие таму така си ги викате, ама ниту тоа не е правилниот термин.

 

^ Пупе-значи мала чевличка

 

НЕ! Смешно ми е кога ќе ги видам на 14 години на штикли се качиле, а им изгледаат поголеми од телото

 

Па добро бе Цвете,гледаш дека цел форум вика БАЛЕТАНКИ,и ти пак си тераш со тие твои пупиња.Толку ли ти е тешко да пишеш балетанки? Милион пати,многу различни форумџики те прашале што значи тоа,значи си нејасна.

 

Ептен е грешка. На Битолски дијалект се пупиња, на литературно се балетанки. А тие што таа ги нарекува балетанки се всушност балетски патики.

 

Да, оние кои ги користат за навистина играње балет, врска си немаат со оние сите што си ги викаме балетанки и си ги носиме низ град.

 

Јас оваа година бев полуматурантка и носев на пуна пета. Цела генерација беа на штикли, освен некои 2-3 девојчиња кои беа на балетанки и на стартки.

 

Фала ти Цвете сликовито што објасни.
Добро побогу.Па престанете со зборовиве што ги пишувате на дијалект.Во никоја продавница каде што сум влегла,не сум слушнала за пупиња.Секаде се познати како балетанки и сите така ги викаме.И не е тешко да напишеш балетанки,сите ќе те разбериме на што мислиш.А вака за пупиња милион прашалници ќе ти се вртат низ главата.

 

Ако не ги болат нозете и им се згодни штиклите нека носат. Исто така убаво е да носеле и претходно бидејќи дури да им го земеш редот и правилно да научиш да одиш и да можеш да играш пајдушко и ситно оро треба прилично вежбање.
Ете некои мои другарки годинава беа апсолвентки па си зедоа балетанки со нив бидејќи и покрај големото искуство со штикли сепак не беа сигурни дека би можеле цела вечер да ја поминат на штикли.

И јас го направив истото за матура штикли и балетанки. Штиклите ги носев колку за сликање и влегување, кога се загреа атмосферата играње, лудување, скокање, пеење си ги облеков балетанките. Верувам дека истото ќе го направам и за апсолвентската и здравје Боже и за свадбата.

За полуматура не ми ни падна на памет да купам штикли, девојчињата од моја генерација и моите другарки не брзавме да порасниме(сите некаде 2-3 година средно почнавме да носиме штикли откако се измашавме и почнавме да се дружиме со девојчиња од други училишта), па ретки беа тие што носеа со полна пета или на платформа сандали. Си купив прекрасни свечени ниски сандали кои беа многу елегантни и се врзуваа околу зглобовите кои си ги носев наредните 3 години, многу скапи и многу квалитетни сандали.

ПС. Не го напаѓајте девојчето, сепак сте среќни што се работи за битолски дијалект, а не некој од источните одете па разберете ги. И јас зборував на дијалект дури не почнав на факултет сите се трудеа да зборуваат литературно па и јас се научив. Ќе се научи со текот на времето и таа. И нема никаква штета ако научиме некој нов збор од друг дијалект. Колку смешни зборови сум се изнаслушала од другите дијалекти кои сега веќе и по градови ги распознавам, ама тие се дел од народното богатство треба да ги негуваме максимално.

 

Искрено не можам да разберам како овие деца имаат огромна желба да носат штикли. Прво нека го усовршат одењето, а друга работа е тоа што не им доликува, им даваат изглед на теткици. Зошто да не облечете нешто комфорно? Би се чувствувале убаво, а би изгледале уште поубаво.

 

Следната година ќе имам полуматурска но ќе носам некои балетанки.Сакам да носам штикли ама не премногу ниски ни премногу високи да бидат соодветни на нашата возраст.

 

За две години ќе имам ќерка полуматурантка и не сакам да носи штикли. Не ми е нормално тоа. Девојчињата на таа возраст толку убаво изгледаат со убави балетанчиња, па дури и со старки може да се направи многу штосна комбинација. Не сте свесни, но на 14 години сте се' уште деца и сами по себе убаво изгледате без потреба од премногу шминка, фризура и облека несоодветна за возраста.
Бидете попрактични во изборот на гардеробата, вечерта треба да бидете опуштени, да бидете свои...

 

Годинава кај нас имаше полуматурантки во штикли и фустани накитени, воопшто не се разликуваа од матурантките.
Не ми изгледа убаво девојче од 14 години на полуматура да носи штикли. Послатко е кога ќе го видиш во балетанки или старки.

 

Еве еден твит верувам е инспириран од некоја ваква тема

 

За мојата полуматура носев едно кремасто-бело фустанче и кремасти балетанки со малку златно кај машничката. Најголема сум во мојата генерација, висока сум 172см па не носев штикли. Не дека не знам да одам на нив, едноставно не е прикладно иако за полуматурата имав 15 години и скоро 4 месеци.

 

Јас оваа година бев полуматурантка и не носев штикли. Ниска сум, но бев во балетанки.
Според мене е сеуште рано за штикли. А, повеќето што носеа штикли, ги соблекоа и си облекоа балетанки.

 

Јас за мојата полуматура носев штикли 10ка и да ви кажам многу се покајав.Едвај стигнав од моја зграда до автобуска а кога стигнавме во дискотеката веќе ме болеа нозете,трпев малце па после си облеков балетанки Значи сега да сум полуматурантка не би облекла штикли,како прво не е возраста прикладна,како второ имаме цел живот пред нас за носење штикли.После полуматурата штикли облеков дури во втора година а и сега ретко носам,многу поубаво ми е кога сум во балетанки или патики

 

и јас за полуматура носев балетанки..мислам дека ќе изгледав многу како тетка ако носев штикли...од наша генерација немаше многу што носеа штикли а и тие што носеа само што стигнавме ги соблекоа