Образложение за „Инста-блогерки“ и „Македонски јавни фаци“

Се разбира дека постои голем простор за напредување на Форумот и тоа е одлично, затоа што „секогаш може подобро“.

Како што контентот е „жива материја“, како што општествените норми еволуираат, така и политиката за модерирање е природно да се надградува. Нема ништо лошо да стивнат навредите, во сите теми без исклучок и веројатно сме истомисленици во однос на тоа прашање.

Модераторите непрекинато чешлаат низ темите и доброволно инвестираат многу време и енергија за дискусиите да течат што поглатко. Веројатно сте биле сведоци на бришење на несоодветни мислења/навреди/спам, но имајте предвид дека вистинската бројка на отстранети мислења е небројни пати поголема од тоа. Распределување на мислења во соодветни теми, стимулирање на дискусии, банирање на тролови, објаснувања зошто нешто било направено како што било направено... За сето тоа е потребна голема посветеност и неретко „челични“ нерви. Модераторите имаат суштинска улога на Форумот и не заслужуваат да бидат мета на негативност. Огромна благодарност до секој од нив!

Неоспорлив факт е дека душата и мозокот на Форумот се членовите и никој друг. Да, звучи како клише кога ќе се каже дека буквално секој придонесува во градењето целосната слика, но навистина е така. Ги цениме сите мислења, сугестии и забелешки и секогаш кога треба да се донесе одлука, првенствено размислуваме како тоа би влијаело на заедницата и што е најдоброто за неа. Благодариме што споделувате, инспирирате, иницирате и полемизирате.

Во секој случај, секогаш сме отворени за конструктивни критики, бидејќи се двигател за промени.

Што се однесува до предлогот за поддршка на креативци за рачна изработка, ги разгледуваме опциите како да го имплементираме тоа без да биде злоупотребено. Наскоро ќе направиме конкретен чекор во таа насока.

Бидејќи темата премногу се „разводни“, преминуваме кон клуч.