Огласи за вработување

Зошто не е исто?
Пак е некаква врска тоа, те поврзува со работодавачот и тој ти помага за вработување.

 

Колку што можев да ја разберам. Не класични врски, како земи го овој вработи го, братучед ми е, иако за ништо не го бива, ама нека врти некој денар. Туку пример, конкретно дојде познаник во новата фирма на интервју, заедно работевме краток период претходно и навистина беше многу коректна и работлива особа. Јас само кажав на шефот, го знам и сметам дека ќе си ја врши работата. Всушност препорака дадов. Не дека бараше од мене да го бутнам.

 

Не е исто. Врските им се потребни на оние кои не можат да се вработат без нив бидејќи се бескорисни, а познанствата им се потребни на оние кои не можат да стигнат до посакуваното место по нормален пат (био, интервју, вработување) затоа што многу често потребна е и препорака, од претходен работодавец, бивш колега и слично, значи чисто професионален однос. Ретко се случува кај нас, ама има фирми кои се јавуваат кај претходни работодавци за препорка, без знаење на кандидатот. Ете тоа е препорака без врски. Некој да каже нешто добро за тебе без да мораш да му платиш

 

Canva користиш?

 

Пак е некаква врска и некој те поврзува, ти врши услуга на полесен начин. Врска е потребна и за корисни.

 

Се на WORD, old school сум јас

 

Какви пусти препораки, денес вработувањата особено оние во банки и во администрација се базираат на врски, не знам од каде ја најде оваа категорија бескорисни луѓе кога 95 % од вработувањата се со врски.

 

Има фирми и кој ги плаќаат вработените што ќе препорачаат некој за работа

 

да точно, ама и тоа е некој вид врска

 

Каква врска, тоа е препорака.

 

ама ако ја вработат препорака тогаш настанува вработување со врски, бидејки тоа вработување не се случило само, туку оди преку човек, пак ти е тоа врска

 

Врска ти е ако Вработениот земе и отиде кај газдата и му рече ај земи вработи го пријателчево бе може нема појма ама ај еве ај нека работи бар нешто. Препорака ти е кога газдата сам прашува дали знаат некој или па кај некои фирми има и формулар кој го потполнуваш и има прашање дали некој ти ја препорачал работава. Не ги мешајте овие работи...

 

Врска, препорака, сѐ е некаква помош при вработување. Јака им душа на тие што бараат работа во огласи, јас многу убаво знам каква работа се наоѓа така (најчесто). И не зборувам за асални фирми што ставаат огласи поради тоа што мораат, а вработувањето пак оди преку препораки.

 

За препорака не мора личноста да биде блиска со некој од вработените или надредените. Додека врските најчесто доаѓаат фамилијарно, што според мене е доста различно и во поголемиот дел од времето придонесува за лоши резултати во фирмата. Во странските фирми е честа пракса да се оди со препорака. Зошто? Затоа што наместо да губат време и да вработат некој што после ќе се испостави дека е повеќе штета отколку ќар за фирмата, вака барем ќе знаат дека личноста е навистина работлива и професионална. Барем од она што до сега го имам како искуство, препораките се нужност при вработување. Скоро во секоја фирма што имам работено, се одело врз база на, знаеш ли некој добар работник?!?Во самото CV по правило треба да стои reference, каде набројуваш, во случај да има потреба да исконтактира некоја фирма за своето работно искуство, повторно за препорака, а тоа не е воопшто вид на врска.

 

Здраво. Дали имате видено некаде оглас за работа, во некој бутик или книжара(да не е по моловите само). Thanks in advance

 

Сама праша, сама си одговори. Јавната администрација и банките се најбескорисните понудувачи на услуги и превработеноста таму е на највисоко ниво. И тоа не е мое лично мислење, туку издржан факт поткрепуван секогаш кога треба да тропнеш на некој шалтер и да завршиш некој работа. Ама тоа е друга тема.

Икона книжарницата имаше оглас пред некое време, прашај си. А и Бебел бараат менаџер на малопродажба, некој што ќе ги контролира ваљда сите дуќани, на вработување.ком го видов.

Се сложувам, истото го кажав, ама не им се чита на сите. Препораката од претходен работодавач може да биде клучна, особено за некои специфични струки.

Не е точно ова, зашто генерализирате. Не ги обесхрабрувајте тие што бараат работа преку огласи, огласите се легитимен начин фирма да си најде вработени и не се сите огласи фејк. Немаат сите желба и амбиција да работат во администрација и во банка, и огласите се одличен начин да откриеш дека има професии и занимања кои не се врзани само за шалтер. Асална работа е опис кој значи различно за сите нас.

 

Тргнав да пишувам реферат, ама не можам да се објаснувам. Ќе ти кажам само дека имам диплома од "перспективен" факултет, бев солиден студент, а моментално на убави работни места работат луѓе што не ни успеале да дипломираат, или одвај дипломирале, ама познанства правилни си имаат. Сепак, секој со среќата. Во Македонија сме, знаеме како стојат работите

 

Се случуваше во минатото кога немав работа по струка знаеш дека џабе одиш на интервју во тие странски фирми и не им одев едно време да им влегувам во статистика, да кажуваат пред странциве од колку кандидати го одбрале препорачаниот, веќе избраниот кандидат. Збориме за инженерски позиции(не ИТ).

Тие странски фирми, кога ќе ставиш македонски раководни лица или да бира македонец кој да вработи, ако не се роднини, добиваш вработувања ко невладина другарчиња/познаници/пријателчиња. Ако немаш искуство, а примаат 10 луѓе, шо е препораката, нека е и нефамилијарна ако не врска за да биде елиминиран тој без препорака? И кога ќе заврши огласот гледаш примени колеги дел уште незавршени, дел 7 години студирале.
Како да добие препорака, некој што само што завршил факултет, кога нема кој да му ја даде? Кога и на 10 огласи да аплицирал пак има некој од негде што се јавил и нема ни шанса да се докаже.

Единствено признавам тестирање, како што и се вработив, еве ти тест има 30 кандидати запослуваме 10. Па интервју, па еве ти месец дена договор ако се снајдеш продолжуваш

Препорака признавам, ама да си топ5 студент во генерација па факултетот да те препорача.

 

И јас зборувам за инженерска позиција. Се сложувам со тебе. Да има легитимно тестирање и влегување на работа со исполнување на некои строги критериуми, океј. Ама колеги што не се ни дипломирани да заземаат инженерски позиции, не е во ред. Се знаеме кои сме и што сме, нека се докажуваат на некој што не им помагал да положат најпрост предмет зошто трупци биле.

 

@Cherry333
Сега излегува дека се убедуваме, ама нашето размислување произлегува од нашето различно искуство со вработувањата. Од 15-16 години стаж (мада и малце повеќе) , сигурно десет ги поминав во регрутирање, половина од тоа и во македонски фирми и ми поминале низ раце илјадници кандидати, стотици вработени. Смешно е да кажеш дека се вработени со врски или препораки само затоа што ти ете знаеш како функционираат работите во Македонија. Едноставно тоа што го тврдиш за моето искуство е неточно, значи не може да биде апсолутна вистина. Да повторам, зависи многу од професијата, од тоа што се бара на одредена позиција, едноставно многу работи треба да се поклопат. Во однос на тоа кој каков студент бил, ако е така како што велиш ти, па петки со врски се добиваат и во основно, висок просек не е никаква гаранција дека си или можеш да бидеш и добар вработен. Комплексна е темата. Искрено, од мое лично и професионално искуство, бидејќи технички припаѓам на двете страни, вработена и таа што вработува, ние како луѓе треба малку самокритични да бидеме. Не, не сме најдобри и најпаметни на свет, и некогаш може да постои и објективна причина зошто не не вработиле, на пример дека некој бил подобар од нас. Таков тип соработка и ќеиф за учење од објективно подобрите у наша фирма, од мои колеги меѓу другото, ретко сум среќавала. Значи, не е баш се така црно и бело. Малце оффтопик