За жал така е и јас просто се чудам. Јас кога дознав дека за во фабрика за на линија да бувташ буквално се вработуваат строго се врски, инаку нема ни оглас, се запрепастив. Да не зборувам па за друго. Трагично и жално е кај живееме. И не знам тој шо ќе го вработат со пријател колку е толку повреден од човек сам шо се мачи да најди работа. Некни во Кам гледам нови вработени, а оглас немаше.
И јас од нова година си барав, одев на интервјуа каде што и самите луѓе кажуваа дека ќе ми се јават не ни вртеа. Бев и препорачана кај едни и тој што го знаев од таму ми рече ќе ме викнат, не ме викнаа. Ми се јавуваа за на интервју на огласи што сум аплицирала пред месец дена. На крај најдов работа, со дупло поголема плата, луѓето вака се фини за понатаму ќе видиме. Сакам да кажам не е се црно, се наоѓа само зависи многу до среќа.
И јас вака мислев, пред да дознаам од претходното работно место дека огласите се објавуваат стриктно интерно. Во смисла, вработените препорачуваат свои пријатели/познаници, а за возраст добиваат пари (во зависност од работното место). Огласите не се објавуваат на страниве, дури откако ќе најдат некого. Затворен круг е. А за Кам одмна се знае дека преку врски оди.
За некој од вработените да те препорача и да те примат тој ќе добие бонус и тоа на огласите отворено си го признаваат пример гермаскиве.
Дали има некој искуство со стажирање во А1? Колку има можност да се научи конкретната област и кои се шансите за понатамошно вработување кај нив?
Две фирми каде што имам работено нудеа бонуси за препораки, и се почеста пракса станува, е сега никој не ти гарантира дека баш твојата препорака ќе ја вработат, пошо повеќе вработени може да препорачаат човек за иста позиција, па 'препораките' кога ќе поминат низ интервјуа или тестови, пак паѓа на менаџмент одлуката. Инаку се почеста пракса станува, за да заштедат на време, да не мора да пуштаат оглас кој ќе биде активен три недели, па со денови да гледаат ЦВ-а, посплатливо им е на нивен вработен да дадат некоја сума како бонус.
Во американските на лице место ме прашуваа. Со оглед на тоа што секој ден пуштаат огласи сигурно ти се поголеми шансите. А што сакаш да научиш? Во операториве е хаос ако немаш искуство со информатика тогаш најверојатно ќе те стаат во контакт центар или во салон. Главата нема да ја кренеш ако те стаат на слушалка, а во салон незнаеш каков будала ќе ти влезе. Во контакт центарот бар не ги гледаш.
Пракса на нивна штета, ама Македонче. Познаничка се вработи на овој начин, ама тотална утка оти ниту има соодветен факултет ниту пак такво искуство. Секој ден прават кавги на работа, нешто оти таа не знае, нешто оти и други како неа па се чекаат/огледуваат. Инаку да, и во странство постои ова. Со таа разлика што таму ги гледаат сите биографии, па ако има некој без препорака ама со подобри квалификации него го вработуваат. Ама не би биле тоа што сме нели, ако не си ги протолкуваме работите нас како што ни одговара.
Ima li nekoj potreba za berber na povik u Skopje ? Ili pak nekoja firma so rabotat programeri za nivnite rabotnici da ima potreba za berber , 15 godisno iskustvo , neka mi pise poraka
Значи само програмери шишаш? Некој класичен програмерски фриз? Еве да те викнат во фирма со градежни работници, не мојт?
I tamu si odam nema problem , se plasam da ne im se sluci neso na masinkite od prasinava haha (salam se )
Не го карајте човекот, на градежни работници дневници не им плаќаат и на црно ги тераат да работат, и ноќе и празници и делници, не па бербер да им плаќаат. А програмерскиве фирми викаат бербер на повик, масажер, прават соби за одмор, билијард, кујни итн итн. Знае човекот добро каде му се клиентите
Сега ќе ти кажам за една компанија Инвенио каде на сам почеток кога почнаа бараа кандидати бидејќи имам работено во фабрика имам брзина ненормална. Е сега пуштаат они оглас јас се пријавувам ме викаат на интервју и ми даваат тест на крај за колку време ќе го решам. Од сите кандидати што ги имале до тогаш јас со најдобар резултат бев и замисли не ме вработија мене, а ми викаат се гледа дека си работела во фабрика. И после година и пол ми се јавуваат да ме прашаат дали сеуште сум заинтересирана за позицијата и нормално бидејќи веќе работев ги одјебав. Во друга фирма влагаме во потесен круг јас и уште една нејзе ја бираат зошто таа што вработуваше и беше врска, а ми го изгубија времето за ништо. Јас кога пуштам сиви пуштам во тие актовни огласи ќе се јават 5-6души за интервју и во едно ќе влезеш.
Гледав слики на официјалната страна на една компанија која многу често има огласи. Прославувале годишнина (ништо лошо во тоа), ама на сликава едвај 20 вработени (сите постари, пак ништо лошо во тоа), но сепак ми е чудно, со толку многу огласи, досега логично тимот требало да биди проширен. За тестови и јас сум решавала со најдобри резултати, и за тоа пишав поназад, не планирам повеќе да го правам тоа. Пред одреден период, аплицирав на еден оглас, ми се јавуваат дека немале потреба од нови вработени и да сум им кажела на која страна бил објавен огласот. И така.
И во фирмава каде што сум јас гледам дека со препораки од пријатели влегуваат, му викам пред некој ден на еден колега од друг сектор, дечково што дојде сабајле нов колега ни е, ми вика тоа уште не знам, беше денес на интервју, другар ми е, го препорачав, ако се покажал, ќе го примат.. Не знам мене како ме примија, никого не познавав..
Примаат преку "препораки" т.е. пријатели па отпосле пуштаат оглас, се е про форма а ние сме во случајов викнати на интервју и тестирање колку процесот да биде "легитимен" ете заради тие од ЧР да се нарече дека имаат работа. Веќе нема шанси да потполнувам тестови а на интервју ќе одам само еднаш и одма ќе барам одговор, а најдоцна за 24 часа, повеќе не дозволувам зафрканции.
