Верувам дека повеќето сте запознаени со штотуку излезениов оглас Спојлер За прием на 400 извршители на работно место „Полицаец“ за работа во Министерството за внатрешни работи. -Избраните кандидати ќе склучат договор за основна обука за кандидат за полицаец во времетраење од (1) една година, која ќе се спроведе во Центарот за обука при Министерството за внатрешни работи. -По завршување на основната обука кандидатите за полицаец ќе склучат договори за вработување во Министерството за внатрешни работи. 1.Кандидатите треба да ги исполнуваат следните општи услови: -да е државјанин на Република Македонија, -да е полнолетен, а да не наполнил 25 години живот, -да има завршено најмалку четиригодишно средно образование, -да е здравствено и психофизички способен и -со правосилна пресуда да не му е изречена казна забрана на вршење професија, дејност или должност. 2.Кандидатите треба да ги исполнуваат следните посебни услови: -потребна телесна висина од најмалку 175 см. (маж), односно 165 см. (жена), и -висока лична физичка подготвеност. 3. Заинтересираните кандидати треба да ги достават следните докази за исполнување на потребните услови за работното место, во оригинал или копија заверена на нотар: -уверение за државјанство, -извод од матична книга на родените, -диплома за завршено четиригодишно образование, -доказ дека со правосилна пресуда не му е изречена казна забрана за вршење професија, дејност или должност, и -две фотографии во големина на патна исправа. Ме интересира дали некој има конкурирано на претходниот оглас и ако има и сака нека сподели искуство? После колку време од поднесувањето на документите следуваат тестовите за физичка подготвеност? Колкави се шансите да се успее без врски? Колку се запазени критериумите при изборот или се е само формалност? Мислев да конкурирам па секоја информација ми е добредојдена... Благодарам однапред.
Дали има некој што е бил на ланскиот конурс и да појасни каде се седи,кога се оди дома,кои им се дневните активности...?
Здраво Имаа конкурирано, една братучетка и една другарка. Братучеткава отсекогаш спортувала, има висина, ама нема кондиција, нема снага, дебелка е со сало, како ѓуле. Извините на изразиве, но да опишам поубаво. Имаше огромни врски (со кои се изнамачија да ги средат, само јавувај се, моли се, прашувај) и ја примија. А, другаркава за 2 цм не ја примија (требало да е над 165 цм висока), а е физички премногу спремна, издржлива, цврста, борбена, не плашлива. И секако, немаше врски. Но, пак ќе речам, кој сака, нека проба. Може ќе има среќа.
Го поставив прашањето бидејќи се двоумам дали да си ја пробам среќата и да аплицирам, па ме интересираше што и како е било лани.
и јас сум заинтересирана и сакам да се пријавам,единствен проблем ми е што не можам да издржам да направам 27 склекови како што е наведено на огласот и не знам што да правам,а многу ке ми е жал ако не се пријавам ... паа споделувајте информации
Се надевам дека свативте нешто од огласов на македонски шуми,ако имате пари секако ќе бидете примени. Така да ако одите без врски не се трошете џабе не патувајте за квалификациите залудно е секако. Сакав само да ја знаете реалноста не ми замерајте
Еден мој другар беше на ланскиот конкурс, спремен дечко, сите критериуми ги исполнуваше, освен нели, најважниот. И нормално, не влезе, па каде бе дечко, немаш книшка. Не се лажете, ако немате дебели врски и книшка џабе е. Јас немам ни слушнато некој на право да влегол.
конкурсот е гола вода, бидеќи пред време се знае кој се примени ова му е колку народот да рече ги избраа најдобрите јас бев пријавена на ланскиот конкурс, ги исполнив сите критериуми физички способности, писмени тестови, интервју и здравстевни прегледи но кога дојде време за потпишување на договорите за обука излегоја некој сосема ни видени ни чуени кои не биле ни на прегледи туку фатиле врски од после и нормално јас која немав никакви врски си останав сто би рекле на цедило
Какви се прашањата на тој општообразовен тест? Се пријави ли некоја феминка? Инаку знам дека и со сите исполнети критериуми да те примат без врски би било 8мо светско чудо...
прасанња од општа култура јас бев на ланскиот конкурс пријавена небеја воопшто тешки памтам дека имаше кој е првиот збор од македонската химна
ако имаш врски и добро сума на пари да ја понудиш на правилниот човек,тоа е услов за прием на полицаец
Цитирам другар,кој беше конкурирал на претходниот оглас и веќе е вработен: 'Дебели врски фанав,и дебело ги платив'. Што понатаму да кажеме.Ретки се тие кои се вработени,поради нивните физички и образовни способности.А уште поретки се тие кои не посегнале по врски.
не да се ретки тие со немаат врски и немаат платено туку воопшто и ги нема, се само некој внуци на функционери или платиле голема сума на пари тоа ти е наша чудесна МАКЕДОНИЈА
Каде би поднела приговор? Кој уствари би ти го разгледал приговорот, кога уште пред да се објави конкурсот се знаеше кои ќе бидат примени? Не знаеш божем во кое срање од држава живееш...!
На ланскиот конкурс брат ми се пријави,али многу напорно тренираше сабалјето станува и одма оди да трча по 20 и нешто круга,после доаѓа па зема ранец го напуни со песок и трк на Пеленица потоа се враќа оди у подрумот прави згибови,доаѓа дома прави по 60 склекови и различен вид на вежби и останува вечерта ако го викне другар му да тренираат бокс,е вака секој ден му беше.. Али заслужено..го примија,влезе леле живи радости беше А нема некој што е влезен таму,мислам што го примиле а е без врски
Јас скоро 1 година напорно вежбам,и од мала сум имала желба да работам ваква работа..Па дај Боже да има пак конкурс за 3 години Министерството за внатрешни работи, ќе распише Јавен оглас за прием на нови 400 извршители на работно место „Полицаец“ за работа во Министерството, трет ваков конкурс кој што ќе се реализира согласно веќе стандардизираните и исцрпни критериуми. Исто како и при распишувањето на претходните два конкурси за прием на полициски службеници, кандидатите треба да ги исполнуваат следните општи услови: да се државјани на Република Македонија, да се полнолетни, а да не наполниле 25 години, да имаат завршено најмалку четиригодишно средно образование, да се здравствено и психофизички способни и со правосилна пресуда да не им е изречена казна забрана на вршење професија, дејност или должност. Освен овие општи, кандидатите треба да ги исполнуваат следните посебни услови: телесна висина од најмалку 175 сантиметри за мажи, односно 165 сантиметри за жени, како и висока лична физичка и психичка подготвеност за извршување на полициските задачи. Општи и посебни услови: Државјани на РМ Да не наполниле 25 години најмалку 4 годишно средно образование здравствено и психофизички способни да не им е изречена правосилна казна забрана за вршење професија За мажи: висина најмалку 175 см 60 стомачни склекови 55 градни склекови трчање 3200 м за 13,30 мин 10 згибови на вратило За жени: висина најмалку 165 см 60 стомачни склекови 27 градни склекови трчање 3200 м за 16,30 мин Спојлер: линк http://www.kurir.mk/makedonija/vesti/175418-OGLAS-MVR-ke-vraboti-400-policajci]