Чантата е моден додаток кој го заокружува вашиот изглед. Но, чантата може да го направи изгледот префинет или сосема да го уништи. Затоа, внимавајте кога купувате и одбирате чанти. Тие треба да ги нагласат вашите најдобри делови од телото и да бидат дел од вас. Жени со голем граден кош Жените со широки раменици и голем граден кош треба да избегнуваат чанти со мали рачки, бидејќи нивното носење го акцентира токму тој дел во кој се најшироки. Одберете чанти со долги рачки со кои ќе може да се одвлече вниманието од рамениците и градите, а ќе ја потенцира вашата облека. Ако пак целта ви е да ги нагласите вашите големи гради, тогаш чанта со мали рачки или без рачки е онаа која го прави тоа најдобро. Жени со широка половина и колкови Широката половина, големиот стомак и широките колкови ќе изгледаат речиси незабележително ако носите чанта чии рачки завршуваат под рацете (под пазувите). Држете се настрана од чанти со долги рачки до колковите или стомакот, затоа што тие го нагласуваат тоа што вие не го сакате кај себе. Жени со нагласени облини Избегнувајте мали коктел чанти, бидејќи со нив ќе изгледате уште поголеми од тоа што сте. Чанта со нормална големина или од средна до голема димензија е тоа што ви треба за да ја задржите вашата пропорција со пропорцијата на чантата. Високи и слаби жени Најдобро ќе ви прилегаат мали коктел чанти и чанти со мали, незабележителни рачки. Големите и масивни чанти не изгледаат убаво на висока девојка. Ниски жени Бидејќи ниските жени сакаат да изгледаат барем сантиметар повисоко, тоа можат да го постигнат со чанта со долги и тенки рачки во боја на нивната облека која ја носат. Избегнувајте широки чанти со големи рачки и разни додатоци, бидејќи тие прават да изгледате уште пониски од тоа што сте Спојлер извор-кафе пауза
одберете чанта според вашето тело Абе глупости. За облека да носиш според формата на телото - ОК, ама чантата? Пффф.... Носете си тоа што ви се свиѓа, ваквите формули не треба да не ограничуваат. Ако ми треба милион работи да ставам во ташна, сигурно нема да излезам со минијатурно ташниче зашто така ми одговарало на телото. Што не ќе измислат веќе.
одберете чанта според вашето тело не би се сложила со тебе,прифаќам мислења и новини,но ако поубаво размислиш чантите многу помагаат и кажуваат за нас,барем јас имам незнам колку ташни и сум забележала сите ми се скоро слични на изглед,затоа што други не ни ми одговараат. советите ги најдов и ги споделив,со цел да помогнат некому кој се двоуми за тоа каква чанта да избере
одберете чанта според вашето тело Па незнам за останатите , ама јас чантите ги бирам според намената. Ако ми треба за на работа, или за на факултет нормално дека ќе купам некоја поголема да ми собира се. Али за вечерни излегувања нормално дека ќе купам мала ташничка, а за свечености нешто уште помало. Нема врска, ти не си го пишувала ова, зборот ми беше - не верувам дека некој ќе се придржува до овие совети
одберете чанта според вашето тело нема врска . јас сум ниска па секогаш носам големи чанти и ми стојат.
Јас ги носам сите форми на чанти. Искрено, гледам да ми одговараат според приликата или според аутфитот. Баш сум висока и слаба и наместо мали чанти (како што е прикажано на сликата) обожавам да носам големи чанти и мислам дека баш убаво ми прилегаат. Можеби оваа класификација има врска, но сепак јас не би се држела и не се држам строго до правилава
До негде се сложувам со овие таканаречени правила бидејќи навистина не оди огромна ташна на некое мало ситно човече. Али сепак повеќе сум за тоа да си носиш и да уживаш со тоа што ти се допаѓа ама и ти стои, сепак треба малку да се внимава како што веќе кажав да не лупнеш голема ташна, а ти си мало ситно човече....и други такви работи.