А зошто така кажуваш. И моето не зборува. Има проблем со говор а 3год е. Кога сака да мочка, кака седнува сам. Надвор кажува мама мочкам ама нејасно. Јас го разбирам.
Затоа што дава други знаци, на пример ако е заиграна застанува во место и гледа надолу (и во тој момент знам мочка) или пак се фаќа долу кај пелената дека е мокра, ако кака се крие или ако ја прашаме дали кака, вика да. Значи свесна е што прави и затоа сакав да пробаме да ја одвикнеме од пелени ама ете не кажува и не и текнува да седне во моментот туку откако ќе направи беља си седнува на нокшир.
Тие се свесни, ама веќе во моментот кога го прават. Но тоа е далеку од вистинскиот момент кога се спремни да знаат каде и кога треба да прават. Тоа што се крие кога кака, го прават повеќето деца и не е знак дека е спремно. Мојата и се криеше и бараше памперс да и се смени ако е какана или мочана, но за тргање пелени немаше поима. Зборувањето не е поврзано со ова, ако е спремно ќе најде начин да си покаже.
Не кажав како што си сфатила. Само прашав. И син ми прави слично, кажува откако веќе почнува да мочка или кака или непосредно пред тоа. Ништо страшно ако сега не е спремна, можеш да пробаш пак за месец дена и да биде сосема друга приказна.
Мајки , совет...малата р две и пол години ....никако неке да смисли гаќи....три пати успеа пред месец дена да се искака и измоча во шоља и наеднаш прекина. Ако и спомнам гаќи бега. Дали да форсирам или да оставам ? Некако голема ми е...незнам....
Јас би рекла да ја оставиш ама тоа оти јас немам нерви со денови и недели да бришам мочки насекаде. Секоја чест на мајките што го прават тоа. Исто 2,5 е, не покажува никакви сигнали дека е спремна за вадење памперс и баталив. Дали ќе биде до крај на ова лето или на сред зима на 3 години, кога сака нека е.
2м мочки? Ќе скренам. Па се ќе се умириса дома на мочки, паркет ќе треба да менувам, не не, шанса нема. Ако за 1 недела не сфати, не се трудам, така бев и со големиот, на 3 пати пробав, последниот пат од прва сфати, прва грешка и толку.
Јас не сум сигурна дали моето дете е спремно да вади пелени. Под влијание на околината го пишувам и овој пост, зошто добивам убитачни погледи кога ќе кажам дека има 2 години и уште носи пелени Помало дете е,го копира големиот во се што прави,па така и одење во вц,кога големиот кака на шоља,овој фрла пелена и седнува на нокшир,се напнува со сила( значи знае што се прави на нокшир) и се случува тогаш да се измоча или да пушти мала кака. Од друга страна, не знае да каже кога му се моча или кака, некогаш ептен ретко кога ќе се искака знае да каже 'имам тата' и да одиме да се миеме. Сум го оставала без пелена (спонтано,не со цел вадење пелени) ,моча и кака кај стигне по дома и се смее нормално до пред некој ден имаше навика многу вода да пие пред спиење, но последниве денови се одвикна и често се буди со сува пелена. Од септември трга во градинка во прва мала група(менува објект и учителки) и не знам што е паметно,дали да пробувам деновиве да го одвикнувам зошто сега во јасли каде што е ,не знам дали имаат услови, нокшири,вц за мали дечиња ( не сум ни прашала). Со големиот пробав два пати,после вториот роденден,по некој месец повторно и на крај некаде на 2 години и 7-8 месеци се одвикна. Што ме советувате,од страна како изгледа,дали мислите дека треба да пробам сега?
И мојот не е спремен, не сака да чуе. Не знам искрено дали е неспремен колку што е карактер во прашање. Не сака и крај. Знае да каже кога е какан да го преслечеме, ама не сака и крај. И мене околината ме притиска ама не се замарам колку за големиот. Иначе една што ми рече пред некој ден ќерка и какаше во пелена до 1во оделение, а после до скоро 4то какаше строго чучечки на весник. Ептен успех нејзиниот. И го плеснав и повеќе не верувам да ми спомне. Јас најискрено се дивам на тие до годинаипол што ги одвикнале децата, еве искрено, па и до 2. Алал да им е. И да има некаде да годвикнуваат деца и 100е ќе дадам само да ми ја заврши некој таа работа. Не можам и не можам и крај. Првата проба измоча се од гаќи, 7 пара имаме земено, во 1 ден сите ги измоча, втората проба креветот го направи лом. Не можам да оставам се да измоча за да го одвикнам, не ми е тоа нормално и крај.
Мене од околина никој немаше да ми каже дека на 2 треба да ја одвикнам, па на 2 и пол ги фрливме Јас не знаев како да препознаам дали е спремна и ја пробав и 2 дена чистев мочки и баталив. Ко беше стварно спремна, никаде немам бришено мочки, одма и кликна. Така шо здравје ако раѓам второ, пред 2 и пол години не ни пробувам да вадам
Слично и кај нас е, се го копира брат му Истово го прави и моево, има 2 год точно, ако имаш нерви да бришиш мочки продолжи како и да е ќе се навикни со време, на некои деца му треба повеќе време. Првото дете на 2 и пол год за 1 месец се научи. Охрид на плажа 1 цел ден го оставив некни и не се помоча ич на лежалка, на песок, се мочаше в езеро само Следна недела сме на одмор па и таму ќе биди без пелена преку ден секако, можи да бидни нешто неочекувано, ако не на пролет тргам јас
Дефинитивно нервите за бришење се исплатеа. Втор ден без грешки преку ден, сама си трчка си седнува на нокшир и живи радости е кога ќе види мочки и каки и нормално играме, аплаудираме, викаме чао, пуштаме вода . За навечер уште и ставам пелена ама и тоа планирам да тргнеме полека. Е сега вежбаме да ги соблекува сама ѓаќичките. На неколку пати седнува на нокшир со се гаќички ама и тоа е чекор што треба да се помине. Значи кај нас сепак зборувањето и кажувањето не беше пресудно и сега за сега сметам дека имаме добар напредок, ако можам да кажам и успех. Така што ако некоја мајка се двоуми дали да почне или не бидејќи дечињата се уште не зборат многу, знајте дека не е пресудно.
Пробувам периодов одвикнување од пелени, некогаш ќе каже, некогаш не ама еве денес цело попладне беше со гаќи и цело време ми вика ми се мочка. Ја носам да мочка, една капка. Така неколку пати. На крај излеговме надвор (пред да излеземе пак ја ставив на нокшир по нејзино барање), само што излеговме се измоча во гаќи убаво. Гледам да не и направам стрес, ниту ја форсирам, ниту ако се измоча нешто кажувам. Не знам дали вака оди процесот и си викам да не е нешто настината со 2 капки и барање да моча или тоа е дел од одвикнувањево? Инаку кога носеше гаќички другиве денови некогаш успешно кажува и е ок, некогаш мочка во гаќи. Тоа ли е процесот за да стигнеме до целта?
Епа мора да и кликне во главчето дека пред да и се мочка треба да седне на шоља/нокшир. Моево прво мочаше кај стигна после викаше мочааам и мочаше во гаќи, за на крај да вика идам мочкам, носи тољана, диме иде мочка. Ама не беше преку ноќ недела дена и повеќе грешеше, је стасаше до вц и ке се измочаше во гаќи пред шоља. Ке се заиграше и ке заборави. После 2 недели можам да кажам дека беше без грешки воопшто.
Еве ме пак по незнам кој пат. Синко е дома со сипаници, му поминаа веќе ама ќе го задржиме уште 2 недели дома и реков ајде по 7ми пат да пробаме пелени да тргнеме. 3 год и 3 месеци. Од лани до сега сме пробале неколку пати ама едноставно не му кликнуваше. После дојде бебуш и немаше шанси и сега се запнав и ќе истерам до крај. Препаметен е значи шо и да му кажам на се има да ми врати. Вчера цел ден седеше гол дома и сам си одеше ќе си се измочка во нокшир си ги истура сам во шоља и си пушта вода. Ама за какање сакаше пелена ништо живо не можев да го убедам. Му облеков си завши работа и после пак гол. Грешка ниедна ама дека гол. Претходните пати кога сме пробувале седел со гаќички обични и мислам дека самото чувство дека има нешто на него го буни и се моча во нив. Инаку претходните пробувања за откажувања завршуваа со ептен плачки пошо ќе згрешепе 1-2 пати и се усрамуваше и бараше пелена. Ниеднаш никој му нема повишено тон за ова напротив многу сме смирени, со приказни; со примери, со награди понекогаш, со бодрење браво да пукне итн. Е сега утре треба да оди кај мајка ми и не сакам пелена да му ставам ама ме знам дали ќе сака таму да седи гол и дали ќе мочка. Дали е подобро сепак да седи дома уште неколку дена дур трае оваа фаза? Како да го убедам за какање и кога се трга ноќе пелената? Некои читам веднаш тргаат се, некои уште цела година им стои. Мојов пие и млеко и чај и што не навечер, пелената тежи 5 кила од сабајле.
Јас по 1 месец му ја тргнав ноќе пелената, на 2 и пол год го одвикнав, точно 2 год и 7 месеци беше кога ја тргнав и ноќе пелената, ноќе пиеше 1 до 2 пати вода тој период и на сабајле полна пелена имаше ама реков ќе пробам бидејќи дење веќе не правеше грешки. Ставив подлоги на креветче и замисли стана без да се помоча, што не ми се веруваше.
Не му облекувај гаќички, само панталони нека носи. Прати и повеќе да го пресоблече ако се помочка. И пелена за какање обавезно. Не знам зошто ама се плашат да какаат во нокшир. Големиот цела година какаше во пелена. Еден ден сам седна на нокшир.
Не му форсирам какање, знам дека некои имаат некоја фобија или што и да е ама е психолошки момент. Инаку кај мајка ми би седел некои 5-6 саати, имам да завршам некоја работа до клиника. Ај валда нема да се пресече. Ама ќе и кажам ако не тука да дојде да не правиме тргни застани пак со одвикнувањето. А следната недела може да отидеме на викенд до негде значи ќе мора пелена за по пат нели? 2 саати е патот.
