Еве само мочка на нокширот, какање уште не, иако пробува и тоа ама не и оди. До сега 80% мочаме на нокшир останатиот дел во гаќи. Дали сме на добар пат? Се сама бара, воопшто не сум ја ни прашала.
Со оглед на возраста мислам на супер пат сте. Браво за дадичката. Напомени му и во градинка ако оди дека сте почнале со процес.
Официјално не носиме пелени, на 25м, веќе почна и да држи.. сигирно ќе имаме ,,грешки'' но ништо страшно. Прашање имам, навечер не мочка ама и ставам пелена одкога ќе заспие (зошто инаку протестира не сака никако) зошто сеуште цица и знае да се издапие вода... дали правам грешка? (Еднаш не и ставив и се помочка во кревет). Ама па сабајле коа ќе се разбуди и е чудно во пелена и знае да се измочка па дури кажува као незгодно да и е...
Јас за спиење и ставав пелена-гаќички иако беше сува претежно, затоа што мене ме мрзеше да менувам постелнини ако се измоча. Ако сакаш скроз да тргнеш и пие течности пред спиење, пред ти да легнеш измочкај ја. И земи си од дм простирките за кревет, од големите, јас и ден денес имам на кревет такви. Под чаршав ги ставам.
https://www.dm.at/p/d/1544456/babylove-betteinlagen Другите од дм ми се мали некако, не знаеш каде ќе се измоча, ги имам на слипи пробано ко да не упиваа убаво, овие ми се некако најубави.
Ние ги користевме гаќичките долго време, несакаше пелени па се искрадував со тие... Пак ќе ја бунам, може најдобро ништо да не и ставам... Имам за креветот заштитник ама го купив ефтино и ептен шушка па не го користиме Планирам да купам поквалитетен заштитник секако, а може и овие да ги пробам од дм, тенкс. Она во спиење доаѓа кај мене на кревет, на нејзиното креветче има профи водоптпорна подлога... еве вчера не и ставив пелена и тек сабајле мочкаше
https://muppetkids.com/products/gha...1BuPeJ_WV9exfzKLBQ7C2bI8qFWfhnY7KkfvL6IVSP0Hh Не знам ваков тип на гаќички дали би помогнале во случај на грешка. Ова пример само, ги има во многу продавници. Оти пример за ќерка ми освен целосна подлога за душек друго не помага, се врти до кај ќе стаса и со подлогите од Зегин, Дм и слично би било џабе. Додуша кај мене повеќе од пола година пред одвикнување ноќе си беше сува. Кога извадивме памперс, извадивме скроз.
Епа и мојава е сува она уште од бебе не мочка навечер... Тоа пред некој ден изгледа беше реткост... Инаку период користевме пелени што се перат па слично дејство како овие имаат, се осеќа мокро внатре и им пречи а не пропушта. Готово не ја замарам више ќе земам само нов заштитник.
Пред да наполни 3г.се одвикнавме.Без натегање ,без молби за една недела се навикна ,и ноќе не носи ,наутро пред градинка си станува и сама веднаш во вц. Пресреќна сум!!!
Ве молам за совет , преку ден сме без пелена веќе скоро цело лето и немаме проблем . За навечер две недели стануваше со сува пелена и викам ајде ќе пробаме со гаќи навечер , нема шанси секоја вечер утоп све прави . Дали е рано да ја тргнам пелената навечер или дали да земам гаќи пелени ?
Реши се и тргни пелена. Мојот никад немал сува пелена, ама голем беше и тргнав. Ќе пазиш да не пие течност непосредно пред спиење и ќе го однесеш да мочка 2-3 часа откако ќе заспие. Тоа обично помага да не моча до сабајле. Ако не, уште еднаш рано сабајле носи го да мочка. Некои деца поголеми надраснуваат мочање навечер, еве син ми сигурно 5 години направи додека се среди скроз, ама јас ноќната на 4 и нешто му ја тргнав, малце закаснив со се.
Дали има некој искуство со анксиозност/страв од какање? Ние сме 20 месеци и решивме да дадеме шанса да видиме како ќе оди одвикнувањето од пелени, без некои големи очекувања и форсирања. Веќе беше свесна и многу често ни кажуваше кога ќе се измочка или искака во пелена, па тоа го видовме како знак дека можеби е спремна да пробаме. Мочкањето пребрзо го укапира. Само првиот ден се мочкаше во гаќи, а веќе од вториот сама бараше на туте и после тоа да облечеме гаќички. Да не урочам, ама овие 4-5 дена изгледа дека го контролира мочањето и не се мочка ако не е седната на туте (освен при спиење, тогаш и ставаме пелени). Е, со какањето некако и си наби страв… Само еднаш или два пати се искака малку во туте и дали и беше нешто чудно, или гомцата и биле малку потврди па ја заболело, не знам, ама сега има уплав од какање и практично се стиска за да не кака. Секој пат кога ќе и дојде нагон, се држи за газето и кенкa со “не, не”. Седнува на туте, некогаш прави фацки како да напнува, ама кога ќе и дојде ептен, ќе се исплаши и одма станува со викање “не, не”. Пред некој ден изгледа веќе не можеше да стиска и бидејќи беше гола, се искака на плочки и почна да плаче. Душа, ептен се вознемири, одвај ја смирив . Пробавме да и ги вратиме пелените и цело време и зборуваме дека е океј да кака, дека не треба да се плаши, дека не мора да е на туте за да кака… Ама сега нејќе ни во пелена. Прво кенкa и се нервира зошто има пелена и цело време ни вика “вади вади гаќички”, а после исто реагира кога ќе и дојде нагон. Деновиве се кака само кога има дремка (во пелена), ваљда затоа што тогаш е поопуштена, и одма се буди вознемирена и плаче затоа што се искакала. Многу ми е жалче и не знам како да и помогнам да и го намалам притисокот и да и го тргнам стравот. Читав дека е доста честа појава проблемот со какањето и кај поголеми деца и дека често е психолошка блокада, како да се плашат од самото чувство или од тоа што излегува од нив. Пробуваме да примениме некои совети од типот да внимаваме на исхрана за да нема тврда столица, пробуваме да и ставиме пелена ако приметиме дека и се кака, не ја форсираме да седи на туте… ама некако како ништо да не помага. Ако некој поминал низ слично, ве молам споделете како сте го надминале и колку време траело. Најмногу ме плаши да не си направи уште поголем проблем со тоа што постојано се стиска.
И моето дете кога се одвикна (3 год и 3 месеци) скоро секоја вечер беше утоп помочан. Ама нон стоп го проверувавме, нормално пресоблакање и менување постелнина во 3-4 сабајле беше како секојдневие онака ритуал ни стана. Затоа пишав еднаш дека редев два реда подлога па чаршав, па пак подлога па чаршав па само ке тргнев тоа што беше помочано и денски ке си ги средев. Сега на 4ипол години скоро секоја вечер станува да мочка, ама оддамна се нема измочкано во кревет. Но до кај 4год сигурно се случуваше можеби ајде да речам еднаш на две недели. Совет, да мочка пред спиење обавезно, и јас лично би го станувала детето зависи кога легнува ете помегу 1-3 часот да се помочка па да продолжи со спиење. Ако веќе с емочка секој ден, евентуално пелена за спиење. Не видов која возраст е.
Не ни се случуваше нас ова, ама тој период доста читав пред да се решам да тргнам пелена, па нешто што ми останало во глава и некои тактики што сама си ги смислував. Прво најважно беше детето да е цело време покриено со храна богата со влакна и течности, за да му се оди почесто во тоалет и да нема мака кога ќе отиде. Второ беше да си цело време со него, затоа што јас не правев недела дена вака недела дена така, тргнав и трчавме по нејзе цел ден и толку беше. Може да ја заболело, имам неколку другарки со сличен проблем, ама ако ти се оди сериозно по голема нужда нема да можеш да се стискаш, така што обрнете внимание повеќе на храната, давајте и мн овошје, смути, течности, вода и сл. Моето искуство за какањето беше што и објаснував многу сликовито, иако ми е одвратно, ги гледавме гомцата на што личат , па смрделе па бљак, па колку се, па какви се, па која боја се, па и цртав гомненца, па награда и тн. Направи и го какањето да и е интересно, толку се мали, што на игра уште „паѓаат“. Значи направи и едвај да чека да се искака. Смисли приказна, дај му име на гомцето, испратете го во реката Вардар, нека му мафне нека му каже чао, покажи и ја реката Вардар кажи еве овде одат гомцата. Кога ќе ја видиш дека и се кака, одма смисли приказна, едвај чекам да го видиме ова гомце, како ќе го крстиме, а што мислиш каква боја ќе биде, ајде брзо да видиме, ќе и одвелече внимание. Смотанки се маливе деца лесно се лажат Нека седи и со вас во вц кога одите вие, да сфати дека е нормално и сите го правиме, кажи и мачињата и жирафите сите какаат. Смислувај приказни. Не знам туте што ви е, ама јас директно на шоља со адаптер ја ставив, ако како во нокшир, пробај префрли ја на шоља. Јас седев до нејзе и читав сликовници, па дувавме со цевка во чаша со вода правеше меурчиња, тоа им олеснува малку за полесно да се искакаат, ноџињата да се како во чучната позиција или потрпени, да не и висат. Искрено ми личи и малечка, не дека ние нешто покасно тргнавме, 2 год беше одма после роденден, ама мн значат на таа возраст неколку месеци, повеќе разбираат и повеќе објаснуваат. Јас за мојата стално кажувам, не беше спремна, јас не знам како се толкува дека детето е спремно, можда баш на година ипол или 20 месеци ми кажувала дека мочка или кака и после прекина, ама пошто јас не бев спремна, не ми паѓаше на памет да и тргнам пелени. Одлучете дали ќе тргате пелена или ќе оставите, и тоа го буни детето, не зборувам за навечер. Ама ако тргнете пелена, тргнете ја и неколку дена бидете 100% со детето, ако за 3-4 дена не видите дека има подобрување вратете ја пелената и пробајте за неколку месеци пак. Искористете викенд, земете некој ден од работа, ако некој ја чува објаснете им како да постапуваат.
Фала ти многу за советите што ги сподели. Ние веќе почнавме со некои ритуалчиња во стилот “ајде да го испратиме гомцето”, па му викаме чао кога го пуштаме во шоља, и збориме како сите какаме. Еве, и купивме и книга за potty training, најдов и цртан со Даниел тигрето кој исто е за potty training и и го пуштам од време на време на тв. Ама дефинитивно може уште повеќе да се внесеме и да и го направиме целото искуство како игра и доживљај. Ми се свиѓаше идејата за анализирање на гомцата хахах, колку и да е гадничко, мислам дека има потенцијал да упали . Туте ни е уствари нокширот . Више ми е толку влезено во глава што додека го пишував постот не ни помислив дека не го викаат сите така хаха. Од адаптерот се плаши, не знам зошто. Одбива да седне и одма плаче, па некако не ја форсираме за тоа. Во однос на возраста, не знам што да кажам… Мислата ми беше дур е уште топло да искористиме, за да може да шета по гаќички и да не и биде ладно. А и во декември очекуваме принова, па демек да пробаме да не менуваме пелени на две деца хаха. Нешто и читав дека некои педијатри ја спомнуваат возраста измеѓу 18-23 месеци како добар период да се проба, во стил дека веќе почнуваат доволно да разбираат, а се уште не се толку големи за да тераат инает за се и може полесно да соработуваат. Па така некако се охрабривме да пробаме и да видиме како ќе иде, без некои големи очекувања и без форсирање. Ако иде, супер. Ако не, ќе си се вратиме на пелени и ќе пробаме пак понатаму, да сме живи и здрави
