Одвикнување од носење пелени

Не форсирајте деца!
Син ми почна да зборува многу рано. Имавме одлична комуникација, мислев со разговор дека брзо и без никакви проблеми ќе успееме, но не беше баш така лесно.
Имавме еден куп неуспешни обиди до 3 години.
Дете под стрес, трпи, плаче, се тресе..
Едноставно дава отпор, не е подготвено и крај.
Решив да не запнувам и да чекам да биде подготвен.
На 3 години веќе реагираше поинаку, соработуваше и конечно успеавме.
Ќерка ми пак обратно.
Уште не зборуваше како што треба, се обидовме и од прва успеавме.
Не ми се веруваше, сосема други очекувања имав.
Пелените ги тргнавме за два дена буквално.
Без грешки, без трауми, без отпор од нејзина страна и плачки.
Секое дете си е приказна за себе.
Оставете да биде подготвено и да соработува инаку залудни ви се сите обиди.

 

Затоа и прашав тука мајки, инаку многу внимавам ништо да не го форсирам, ни за проодување ни за прозборување ни за одвикнување од доење. Уште спие со мене ама ете и за тоа не форсирам. Според некои сум лабава може, ама затоа вака се преиспитувам со вас... А не сум и не сакам да бидам преамбициозна мајка што се фали наоколу како се постигнале во рекорден рок па детето демек ми е супериорно, натпросечно интелигентно или не знам што ко божем на натпревар некој сме.

 

Детево мое кажува дека и се моча и кога носи пелена.
Не сака ни во пелена, стои сува.
Нокшир не сака.
На шоља со адаптер како да се плаши.
Се нервира и се дере - ми се моча и трча во вц, а таму се прекинува.
Чучнува и за мочање и за какање.
Ама никако на нешто да седне, а сега не сака ни у пелена.
Не е форсирана ич.
Сама почна да кажува зашто вчера гледаше едно дете како кажува и трча во вц.
Ми е страв да не напраиме проблем.

 

Пушти и вода од чешма кога ќе сака да седне, макар и во гаќички нека се помоча само да не се прекинува и стега.
Моето еднаш го прекинаа за какање и тек утредента успеа ама без да каже, не го форсирам, страв ми е да не му направам проблем

 

И моето искуство за пелените се покажа како "гром од ведро небо" мислев толку ќе е тешко.
Лани пробавме, дете беше преплашено, се криеше под маса, стискаше, нокшир му беше ноќна мора а ќе го виде го фрла далеку.
Решив да не форсирам, како за се и за тоа ќе дојде време, еве летото од прва успеавме, едноставно се разбуди и рече "сите деца мочкат и не носат пано" толку беше, сам зема нокшир и се искака (претходно го мразеше) .
Ставав 4 ноќи пелени за спиење, не мочкаше воопшто и тргнав.
Секое дете прикаска за себе.

Иако имав од страна дофрланки дека лошо му правам.
Истите со закани дека не смее да стане од нокшир и приплескување успеале.
Јас си реков нека моча и до 5 ама нема шанси вакво нешто да правам на дете. Никогаш.

Знам дека не секој може да си дозволи пелени па и да е поголемо детето знам дека не ни е сеедно кога детето припораснува а носи пелена АМА еднкставно не сите деца се исти.
Не сите деца се спремни на таков чекор првата или втората година.
Јас на 3 ипол скоро го откажав. Т.е сам си се откажа, претходно детето ми се секнуваше и чуваше во себе.
Тоа нешто е ужасно.
Кога не е спремно детето не е, џабе е се.
Трпение.

 

Здраво мајки, дали постои некоја книга или сликовница на мкд јазик со приказна за какање мочање и сл? Треба полека да се подготви детето а многу сака приказни.. Без подготовка не ми се почнува со интензивен тренинг. Ако знаете, кажете ми од каде може да купам. Фала ви

 

Пробај на страници на интернет како Бекутан и слични што имаат производи за бебиња и деца , се надевам дека ќе најдеш . Јас сум немала потреба , синко сам се одвикна , само што наполни 3 години сам почна да си кажува од пелена на вц школка премина директно . Од нокшир се плашеше и никогаш го нема употребено .
Ќерката малку покасно , на 3 ипол години сама почна да кажува , исто не сакав да форсирам иако имаше коментари од околина дека веќе време и било на нокшир да врши нужда . Секако , реков кога сама ќе сака , ќе каже . Така и бидна . Пробуваше свекрва ми еднаш ( на чување беше кај неа ) и нејзиниот заклучок беше дека детето знае да каже , ама за инает мочка каде ќе стигне , па вративме памперс во употреба , за по една недела сама да го извади од себе и да седне на нокшир . Веројатно и дошло поубаво само со гаќички на неа смета памперсот .

 

Ај совет.
Малава кажува кога и се моча и кака само ако е без пелена.
Ама не сака да седне на ништо.
Ни на адаптер, ни без адаптер, ни нокшир.
Кажува и чека да и кажам ајде чучни, ама пак е тоа надвор од местото кај што треба - пред шоља, доле на плочки во вц најчесто.
Не моча ако ја седнам на било што.

 

Едино што ми паѓа на памет е да пробаш со награда, пример ако седнеш и мочкаш на нокшир/шолја мама ќе ти купи киндер јајце (или нешто што и’ е омилено). Јас така успеав со мојата да премине од нокшир на адаптер на шолја и успешно беше. Двапати јадеше киндер и не се побуни веќе

 

На мене ми успеа само со награди. И двајцата на нокшир и ако завршеа работа им купував нешто ситно. А некогаш и телефонот во раце им го давав. Се забораваа на нокширот и си завршуваа работа. Еден период имав проблем додека да се навикнат, па после сами бараа нокшир. Адаптерот за шолја само малиот го користеше.

 

Да се снабдам со награди утре.
Јас и кажувам ама ќе бидам поупорна.
Едно време пробував ама мислев мала е.
Ова сега сама го воведе.

 

Да мочкате заедно, прво ти, после таа. Или со некое друго детенце, да види дека не е ништо страшно.

 

Малата е 2 години и 2 месеци, на почетокот на летото се наоружав со опрема од нокшири и гаќи арно ама нејкеше да седи на нокшир дури и го криеше па си реков не форсирам и баталив со обидите, сега пред 2 дена од никаде ми рече дај нокшир ќе какам и заврши работа и браво си викаше.
Како да продолжам? Да ја оставам по гаќи? А надвор како? Или со пелена па да ја седнувам и прашувам?

 

Јас само по гаќи ги оставав. И надвор беше така. Почесто ги прашував за мочкање. Ако ставиш пелена ќе направиш контра ефект.

 

Исти се нашиве по возраст. 2 год и 1 месец. Кога е во пелена не кажува, а во гаќи кажува.
Мој совет без пелена, а за надвор не знам ни ја.

 

Мојата од вчера неќе да носи памперс.
Бевме на гости кај братучетка, па ја гледаше внуката дека мочка во нокшир и она посака.
Два пати згреши, се измоча на ламинат ама ништо страшно, пак не побара памперс.
По пат за накај дома и ставив дека со кола и долг патот..
Сабајле стана со сува пелена, и беше ставена пред спиење во 8, до сабајле до 8 спиеше, капка не пуштила. Како стана одма ми кажа да одиме да мочка
Три пати од сабајле мочка во нокшир, еднаш малку пушти на тепих ама панично ми викна “мамо сакам да мочкам”, се стисна и истрча во тоалет да се доиспразни.
И сега не знам дали да ја оставам вака, да не ставам воопшто пак памперс? Настината е и пие многу течности па почесто мочка си мислам ќе и здосади нема да кажува до вечер вака
2 год и 2 месеци е

 

Остави ја спремна си е само и треба малце време додека научи убаво да се исконтролира. Носи си резерва облека со тебе и тоа е тоа. На почеток ако мислиш дека ќе и здосади земи и нокшир и адаптер па нека менува за поинтересно, ама ќе си свати дека е потреба.
Ако не ти е многу напорно ноќе менување постелнина би ти препорачала и ноќе да ја оставиш. Биди спремна некогаш ќе згреши ама генерално спремна е по напишаново.

 

И јас така мислам.
Прееска стана од пладневната дремка затоа што и се мочкаше, неќела на кревет ми рече.

Оние ко мушамки за под постелнини каде ги има?
За да не протонува на душек ако во случај се измоча во сон

 

Има во Џамбо