Се мислев дали е ова најсоодветно место за поставување на ваква тема,слободно извршете преместување ако треба. Целта ми е да се отвори тема за градинарство и овоштарство како елементарен извор на здрава храна,каде би се разменувале мислења и совети. Значи јас со моето семејство одгледуваме разновиден зеленчук(пиперки,домати,грав,пченка,боранија,компир,грашок,салати,тиквици,кромид и др.) дел за сопствени потреби,дел и продаваме. Мене тоа ме прави среќна од повеќе причини-знам што јадам,одгледувањето е и доста смирувачки процес на ментален план и не се опишува чувството кога од семка што сте ја засадиле,после извесен број месеци добивате-плод. Бидејќи одам на работа,не поминувам доволно време колку што би сакала на нива,ама и дома исчитав добар дел литература за одредени производи,нивниот одгој,болести и штетници кои ги напаѓаат и др. Полека доаѓа време за припрема на расадите,па мислам дека е право време да се отвори ваква тема. Ме интерсира дали еве кај нас како млади генерации постои интерес за овие гранки,не мора како за масовно производство и извор на егзистенцијални приходи и како хоби за домашни потреби нека е и дали постои уште некој,како мене кому ова му претставува извор на задоволство и радост?
Имаме голема бавча во двор т.е зад куќата. Од кога остана мајка ми во пензија почна да одгледува овошје и зеленчук. Иако секогаш сме имале јаболко, праска, вишни, цреши, таа година посади околу 10 дрвја, но не сите се фатија. Во двор имаме и лозници, па имаме преубаво грозје. Садиме пиперки, домати, тиквици, цвекло, краставици, имаме и јагоди, малини, смоква. Многу поубаво ми е кога јадам од бавча отколку кога купувам. Најчесто мајка ми е таа која се врти околу бавча, но често и помагам и јас, па и сестра ми. Имам другарки за кои е срамота да се сади бавча, а пак имам и другар кој едвај чека да дојде кај мене да ужива.
И ние имаме бавча во дворот. Порано мајка ми одеше на село и по цела нива садеше. Сега малку, но сепак има да се апне. За мене тоа воопшто не е срамно и кога би била во брак, да имам услови не би се мислела да си ископам бавчичка. Не многу но да си имам некоја занимација во слободното време .
Колку само им завидувам на сите кои си имаат бавча или градина дома, т.е. живеат во куќа. Нема поубаво од домашен зеленчук и овошје. Да станеш сабајле и да си скинеш свеж домат, мх мх мх. Еднаш си купив чили пиперчиња во саксииче, демек сама дома ќе ги одгледувам а и убаво изгледаа. Абе ај! Не знам зошто воопшто се нафатив на такво нешто?! Прво беа зелени, па убави црвени па заборавив да ги скинам и ми загинаа. Отидоа во небото со сите останати неуспешни растенија кои не успеав да ги одгледам или чувам дома. Сега гарант ме гледаат од горе и ми мрчат. Кутрите пиперчиња а така беа убави!
Еве конкретно ние зивееме во стан,нивата под наем ја зeдовме,ама не е многу оддалечена од мојата зграда. Се одлучивме на овој чекор кога мајка ми остана технолошки вишок,па покрај тоа што си рековме ќе си јадеме органски здрава храна,ако се создаде вишок ќе си продадеме,ако се најде пласман,а и полн ни е замрзнувачот со намирници преку цела зима,не е придобивката само со летниот период поврзана,а чувството да си скинеш нешто зрело,посебно и сам ако си го одгледал не се опишува со зборови. А Пирамидче пиперчињата конкретно мора да се кинат за да растат нови и постоечките малечки да се развиваат побрзо.Исто треба да им се додава вештачко ѓубре,водичка и да имаат многу светлина и по малку да се омекнува земјата околу стеблото,да не се стврдне премногу. Целта на темава ми беше и да се нудат совети за одгој на различни култури.
Вегетаријанец сум така да јадам многу овошје и зеленчук, во дворот имаме круша и слива само немам голем двор каде што би можело да имаме поголема градина со овошје и зеленчук иако би сакала, не гледам зошто да се срамат луѓето да одат на нива, глупости. Кога ќе се мажам би сакал зад куќата да си имам своја мала градина каде што би имала некои основни работи кои ќе можам свежи да си ги јадам кога сакам, а и да си имаш занимација и психички да си се одмораш дури се занимаваш со неа би било добро. Јас имам роднини кои живеат во Шведска и имаат ниви подалеку од куќите каде што си садат се, така да тие во Шведска ако не се срамат овие овде се срамат а ние сме ехееее колку назад.
Да живеев во куќа би издвоила мал дел за да си насадам нешто. Но како што сум во стан имам можност само за цвеќиња,па така да си имам едно мое и само јас си се грижам за него (ете сега и се потсетив дека треба вода да му ставам)
Браво за темава, ме врати години наназад (моето совршено детство поминато кај баба и дедо) Баба ми и дедо ми имаа бавча во која одгледуваа: Краставици, кромид, марули, домати, морков, магдонос и толку знам можеби имало уште нешто. Од овошје мислам дека сите можни плодови ги имавме во нашиот двор. Со сестра ми си киневме и јадевме, се што душата ни сакала ни било на дофат. Чувавме дури и коковчиња Пиев живи јајца и баба ми и дедо ми од мене и сестра ми направија здрави и среќни деца. Кога после неколку години ја доизградивме куќата и се вселивме кај баба ми и дедо ми се сменија доста работи. Бавчите станаа тревник, дворот доби сосема поинаков лик. Но како што ја создал господ баба ми уште меѓу цвекињата сади магдонос и целер На едниот ќош од тревникот (тој ептен збутан) си сади марули. Додека пак на тераса си одгледува домати. Сите членови на оваа куќа се согласија дека во дворот не треба да има бавчи и дека кокошки повеќе нема да се чуваат. Со години е веќе така. Живееме во скопска населба каде што можам да кажам дека тие навики луѓето да одгледуваат овошје и зеленчук веќе изумреле. Морам да кажам дека и денеска доматите што ќе ми ги донесе баба ми имаат посебен мирис и вкус. Факт е дека домашното е послатко, понекогаш многу ми недостасуваа таа идила и секогаш со задоволство и со насмевка се сеќавам на тој дел од мојот живот. Го слушам и татко ми како вели дека во пензионерските денови сака да купи некое земјиште во близина за да си одгледува зелечнчук. Навистина им завидувам на сите кои имаат услови за оваа работа.
jas ziveam vo kujka so ogromen dvor.odgleduvame se i seshto od zelencuk,ovosje,cvekinja.kupuvajki praski od pazar i frlajki semenki vo bavca deka pocvata ubava sega imame dve golemi super praski koi sami si niknaa.a ddenes koga ja kopavme bavcata so majka mi pronajdovme uste dve niknati steblenca.imame i cresha/jabolknica/dunja/slivi/krushi/crnici..ili ne znam vie kako gi vikate kaj nas nie gi vikame crnici.od zelencuk imame piperki/domati/kompir/kromid/luk/praz/zelka/krastavici/marula/cveklo/tikvi/gprav/pcenka imame gi pukanki.se zdravi socni i domasni proizvodi koi nikade nema da se najdat po pazarite.ako sam si ucestvuvas vo odgleduvanjeto si go znaes i kvalitetot na toa sto go imas.jas iskreno mnogu sakam da se zanimavam so toa i golem del od denot pominuvam vo bavcaa inace golem ljubitel sum i na cveke ne e vazo dali gradinarsko ili domasno.mnogu interesna tema. so vnimanie ke ja sledam.poz
Особено е добро кога имаш зеленчук и овошје од сопствено производство ,свежо.Ние во двор имаме кајсија,праски,вишња и слива ,а исто така со свеки моја имаме бавца близу куќата со секаков зеленчук:кромид,морков,марула,брокула,цвекло,домати,краставица,пиперки,мод.патлиџан и др. На село кај викендица имаме круши и јаболка и така имаме скоро се свежо
Имаме и ние малечка бавчичка во која дедо ми и татко ми одгледуваат домати и пиперки. Едвај чекам да дојде лето, да си станам и да си направам свежа салата. Од охридски патлиџан се знае, поубаво нема Не излегува многу, но доволно е за да поминеме лето и да направиме пинџур
^ Ливинг, тој сите со душа го чекаме да излезе август месец, да си каснеме прав месест патлиџан Јас лично не сум многу заинтересирана за БАВЧАРСТВО ( ), ама моиве дома (баба ми, мајка ми, татко ми - комплет) ептен се загреани за таа работа. Си имаме две бавчулиња, едното пред куќата, другото позади. Во тоа позади садиме марули, праз, кромидче младо... до пред некоја година и јаготки месечарки имавме, ама веќе стари беа многу, па моравме да ги откорниме. Бавчата што ни е пред куќата е поголема и налето е целата со пиперки, ред краставици и домати, некогаш ротквици и повторно по некое кромидче. Имаме и киви во дворот, за нив татко ми се грижи. Не е многу, но си имаме колку за нас, да си касниме свежо и убаво, здраво и вкусно Исто така, мајка ми има бавчи кои и‘ се наследство од татко и‘, па и таму садат моите грашак, спанаќ... сега мислам и тикви стамболки ќе садеа... Имаме огромна површина насадена со јагоди кои ни служат за продажба и + неколку дрвца цреши.
Па живеам во куќа и имам бавча Чат-пат садиме нешто, обично лук, кромид, пипер, домат, краставици, зелка.. Не е масовно производство, туку чисто онака за дома, за домашни потреби. Иначе интересно ми е и јас понекогаш им помагам кога се сади. позз
Hие имаме викендица, и имаме, цреши, смокви,праски,кајсии,круши јаболки и многу грозје, црвено и бело а зеленчик си сади краставици, домати и тоа повеќе овошје гледа
Ооо моја омилена тема Моите родители живеат во куќа и имаат многу растенија , дуњи , вишњи , кајсии , магданос , цреши , грозје , смокви И сега ние живееме во зграда и за жал неможам да имам некои големи дрва. Но , ете денес си насадив магданос во 5 саксии , а утре ке одам да купам и марула ке си насадам па да видиме дали ке успее Дајте ми предлог некои други растенија што ке можам да насадам , сабајлето имаме сонце до кај 3 часот попладне , ама па и сега ке дојде зима , па што ке можам сега да насадам , а што на пролет , кој знае нека каже
^ nema nisto pouubavo od organki zelencuk i ovosje,mislam na onoj koj samo ke si go odgleduvas bez pesticidi, za dusa ama toa tesko vo grad. Od kejf imav letovo zasadeno chery patlidzancinja poveke radi ukras no moram da priznam deka bea dosta vkusni,si zasadiv i kopar i nane,moras pozadi na kesickata da vidis koe vreme se sadat (mislam na zelencuk) za da ne ja utnes rabotata iako mislam deka se se sadi na prolet. A zacinskive bilki bilo koga sakas zosto tie i doma gi bidnuva. I da ne zaboravam letovo vidov drvce limon okolu metro na eden balkon i se vooduseviv,rekov moram i jas da imam pozdrav i izvinuvanje za latinicata!
Многу сакам дома (живеам во стан, но имам голема тераса) да си засадам чери патлиџанчиња (многу ми се вкусни и декоративни, но многу ми се скапи во маркетиве) и лимони. Може ли да ми кажеш од каде се купува семето (во СКопје) и каква е процедурата за садење, одгледување...јас појма немам.
Маж ми си има позади куќа мини нива која ни заврши доста работа. Летово имаше краставици, домати, шери домати, пиперки, компир, лук, кромид, јаболко и тиква. Сега има само спанаќ кој е превкусен. Се ни е органско здравје на пролет ќе сади повеќе работи кои би ни биле од корист за малата, за кашички МИА-СК, маж ми засади шери но коренчиња, а не семе. Според мене се жива глупост, зошто многу малку дава(или барем нас ни даде малку), а за ништо неможе да се искористат, освен ако не ти требаат за декорација некоја.
[МИА-СК, маж ми засади шери но коренчиња, а не семе. Според мене се жива глупост, зошто многу малку дава(или барем нас ни даде малку), а за ништо неможе да се искористат, освен ако не ти требаат за декорација некоја.[/quote] Да, чисто за декорација ми се. Многу убаво ми изгледаат за декорирање, ама ми се прилично скапи нон-стоп да ги купувам, па сакав да пробам.
