Извини што доцна со одговор, не сум видела. Од расад се садат. Ни ги има дадено пријател уште пред десетина години. Се разможуваат многу, па доволни ти се неколку садници. Не бараат посебен услов, упеваат, барем јас не се сеќавам дека татко ми некако ги третира, значи не.
@emkaemka супер ти е идејата, гледав вакво нешто на интернет и се токмев слично да ги подредам. Ајде другата година сега е касно. Стварно се фенси, само мој совет е да бидат изложени на сонце, побрзо растат и успеваат, јас многу пресадив од под сенка, веќе имаат цвет. Можеби ги грее сонце твоите само не се погодил моментот или времето или сликата ако е така ок ,ако не смести ги во некој друг агол, ако можеш секако.
Нема ништо поубаво од домашно произведство на овошје и зеленчук. Ние имаме голем двор, дрвце мислам дека нема што немаме, сега и овоштарник направи мм со бадеми едвај чекам да почнат да раѓаат. Од зеленчук сега е сезона на марули, младо лукче и кромидче, ротквици, спанаќ, блитва.... секој ден имаме свежа салата. Исто скоро секогаш имаме магданос, мирудија, морков, а скоро треба да засадиме патлиџан, краставици, пипер, тиквици.... Зеленчукот не го прскаме, овошјето само во цвет, откако ќе се формират плодови, не. Јас немам многу време да се занимавам со тоа, годинава пак со бебче уште помалку, ама затоа мм ужива додека го работи.
Сакав оваа година да засадиме нешто со пријатели (малку) ама не стигнавме. Немам многу искуство, па ако некој/а од вас може да помогне со совет или идеја што може да се засади сега, во мај?
Јас босилек си имам стандард. Лани имав и мента и рузмарин и брат ми зимата мислел дека се суви треви и ги искубал, а тие зимата скроз се сушат и напролет пак ми никнуваат. Сега имам јагоди, босилек и младо авокадо. Ама планирам да земам рузмарин пак и некои други зачински билки. А и шери доматите ги мислев ама не посадив. За авокадото како се сее можеш да видиш на нет, ама ако ти е само за украс плод раѓа после многу години ако ти успее на оваа клима.
На која страна ви е терасата? Јужна? Мислам дека род не се добива само од семката. И јас сакав, читав и пишеше дека не може да се оплоди така само. Во странство се продаваар расади
@Zlatna12345 Успеваат малините, и се рашируваат многу, кај што нема да ги насадиш ќе никнат @zhap4e мајка ми садеше годинава компири во буре за прв пат, баш ќе ти кажам дали ќе биде нешто од нив ако сакаш
Јас имам желба да засадам шери домати на тераса,купив семки.Ќе може некој поискусен да ми објасни кога и како да го засадам,што му е потребно?И уште нешто на сликата од лева страна не ми се јасни точките и бројките што значат...тешко на мојот домат
Живеам во куќа без двор но со голема тераса, така што за се наведено подолу се работи за саксиско земјоделство Кога бев помала имавме повеќе 10 големи саксии со лимони и 4-5 саксии мандарини, но бараат многу грижа, зашто зимно време треба да се внесат внатре, памтам дедо ми во собата кај што ги внесуваше саксиите понекогаш во поладните денови од зимата им пушташе греење за да не смрзнат. Ама сепак, послатки мандарини не сум јадела во животот, штета што не успеавме да ги одржиме во живот. Имавме и краставици, 3-4 вида чили пиперчиња, ама ни пресушија, остана само еден вид, сега мајка ми гледам секоја година по нешто ново си засадува и се и успева Јагодите месечарки, ги имавме откако памтам за себе, ама ни се исушија откако дадовме коренче за пресадување. Ова ни е втора година откако имаме нови коренчиња, почнаа да зреат неделава и пресреќна сум, ме враќаат во детство Мајка ми на балкон во мали саксии има посадено невен, магдонос, рузмарин, босилек, се надевам дека ќе засадиме повеќе зачински тревки, нема поубаво од свежо, а имаме и стебло авокадо и дрво кајсија (исто во огромен цреп) што ми има успеано како експеримент како мала и не се суши, секоја година се поголемо расте, сега можеби е високо скоро метро и пол ама никако да роди, одвај чекам да си се осамостојам и да си ја исполнам желбата за куќа со бавча и овоштарник, кајсијата ќе ми биде прво засадено нешто. Имам намера следната година да посадам по некое коренче домати, кромид, лук, краставици и најобични пиперки, верувам дека ќе успеат пиперките зашто чили пиперките си опстојуваа без проблем, а сега ми дадовте и идеа за компири во буре @Tinushka Мајка ми по овој принцип из'рте авокадо и и успеа, го посади и стеблото порасна http://www.nmd.mk/selectedarticle.aspx?cid=20250&scID=9959&l=63
Само да ве известам дека по 1 месец , авокадото конечно напукна на средина , а одоздола ѕирка коренче . Премногу време му треба за да биде спремно за садење и премногу нега (мислам на менење вода често) Но целиот тој процес иако се одвива бавно ми е многу интересен Инаку имам посадено и други растенија како што пишував погоре , но моментално сум сконцентрирана на авокадото и ѓумбирот
@Tinushka штом напукнало сега брзо ќе расте. Еве го моето, сликата е од март, сега веќе е големо, го пресадив во саксија. Не сум дома за да го сликам, ама веќе има 25 cm.
А јас го имам излупено тоа корубчето гледам вас ви стои. Го гледав видеото од you tube и видов дека таму го лупат и јас го направив истото. Што е поправилно?
