Да де, знам, секој кој прочитал макар една, две книги од Николас Спаркс го завзема ставот дека тоа е неговиот омилен писател на сите времиња. Не велам дека не е така, па јас сум секогаш прва за да кажам илјадници убави зборови за него. Тој е еден од моите топ 3 писатели, но немојте да ме сфаќате погрешно, тоа не значи дека сум пристрасна, јас сум секогаш искрена со Вас на оваа страна. Искрено, 99% сум сигурна дека ова ќе биде следниот холивудски хит кој ќе се сними по книга на Спаркс. Ова е една навидум обична љубовна приказна како и сите други, но кога ќе ја прочитате и последната страна и кога ќе видите дека сите паломи, крпи, тоалети, мокри се расфрлани по Вашата соба ќе сфатите дека ова НЕ е уште една love story како останатите. Spoiler Травис Паркер има сè што човек може да посака. Тој не е милионер, не е женет, но неговиот живот е авантуристички и исполнет. Има верни пријатели, куќа на брегот, работа која ја сака и целосно ужива во својот живот и во ставот дека сериозна врска само би го попречувала неговиот начин на живот. Ова се менува кога негова сосетка ќе стане Габриела. И покрај тоа што тој е претерано љубезен таа изгледа дека има нешто против него и е бескрајно дрска и безобразна. Меѓу другото таа има момче. Книгата е поделена на два дела, како пред и потоа, но совршено е јасна. Текот на книгата, односно ПРЕД делот, во вози како некоја забавна, позитивна романтична комедија, а во ПОТОА делот работите се менуваат. Не сакам да откријам премногу, сакам и вие да уживате во оваа приказна како што уживав и јас. Од каде до каде ќе стигне нивната приказна, читајте и размислувајте како овој човек успева over and over again да создава вакви неповторливи книги.
Ова ми беше втората книга прочитана од Спаркс (се разбира првата е Страници за нашата љубов). ја обожавав секоја страна, едвај чекав да видам како ќе заврши, иако претпоставував дека ќе биде така. Една од омилените книги ми е.
Лани летото ја читав книгава на плажа. За само неколку дена ја прочитав, многу ми беше интересна и упорно сакав да прочитам уште една страница плус. Многу добар впечаток ми остави и ми ја врати вербата во љубовта. Ја препорачувам на сите љубители на добра, лесна книга.
Лани летото ја прочитав книгава.Многу е убава, па за сите оние што размислуваат која книга да ја земат еве ви добар предлог.. Уживајте во секој нов лист од книгата. поЗ
и јас ја читав лани летото додека бев на одмор. Прекрасна книга за на плажа едноставно не ја оставате додека ја прочитате.
Прва книга од Спаркс што ја прочитав беше Чекори за сеќавање. Книгава ми остави доста добар впечаток за да прочитам и нешто друго од Спаркс. Па од библиотека ја земав Одлука, потоа ја прочитав и Страници за нашата љубов. Спаркс пишува на некој уникатен начин, доста талентиран човек е. Мене најдобар впечаток ми остави Чекори за сеќавање, книга што ќе ја запаметам.
