Имам некое прашање за чартер летот до Египет т.е багажот. За разлика од wizzair гледам дека багажот е многу поголем што е дозволен за носење. Течната шминка (пудра, маскара, течен туш, кармини течни) и шампони, регенератори, креми за сончање и слично дали морам да ги ставам во рачниот багаж и да ги пакувам во проѕирно кесе или може во чекираниот багаж да бидат? Дали за чекираниот багаж колку мл се течностите е пак битно и дали морам пак во проѕирно кесе да ги пакувам? Може некој што патувал да ми каже од лично искуство?
Сестра ми беше преку Фибула во некојси хотел Labranda Royal и е задоволна, особено од храната зашто она најмногу за тоа се плашеше дека е доста пребирлива. Бтв, да ве потсетам уште еднаш ако резервирате за Хургада до крај на месецов имам код за попуст преку Фибула, пишете ми. Не е реклама, имаме кодови за користење и ги даваме како giveaway, ко воли нек изволи.
Има некој искуство со Шарм, ве читам само за Хургада. И каде е поблиску за до пирамидите? Дали има како опција крстатрење по Нил? И најглавното прашање, Египет со сите екскурзии и бебе од 14 месеци? Планираме во октомври да одиме.
Како се облекувавте додека бевте таму? Со оглед на нивната "култура", ме интересира дали можеш обично ко тука да се облечеш.
Ајде и јас да го споделам моето искуство со Египет поточно Хургада. Бевме 10 дена во средината на јули, просечна температура околу 42 степени, многу топло време, но за разлика од други места воздухот е сув па жештината некако се поднесува. Плажата од хотелот беше преубава, голема, чиста, песочна со огромен број на лежлки и големи чадори за заштита од сонце. Водата бистра, чиста, морето во неколку нијанси на сино. Хотелот и повеќе од добар, голем избор на храна, пијалоци, два огроми базени едниот со аквапарк за возрасни и еден специјално за деца. Хотелите, рестораните, продавниците, автобусите и таксито во Египет се супер климатизирани, во тој поглед нема да имате проблем. Ние бевме на доста екскурзии: Каиро со пирамидите, Карнак со Луксор, Мега сафари, Парадајс бич и Оринџ беј па ако ве интересира нешто подетално за екскузриите прашувајте. Инаку не ги резервирајте од агенцијата со која ќе дојдете во Хургада, ги нуди потполно истите тури за дупло цена. Одете преку српските агенции ги има доста а комуникацијата е преку ФБ или Вибер. Организацијата им е супер, за ништо не се грижете. Безбедноста е на највисоко ниво тргнувајќи од хотелот па на секаде околу вас. Ние поминавме супер одмор, доплго време бев скептик за Египет но сум била во голема заблуда. Земјата е гостопримлива, сакаат туристи и ќе направат се за да се чувствувате барем тие 10 дена како кралеви. Секако за се треба да платите, но за возврат добивате специјален третман, како во ниту една друга туристичка понуда. Барем моето искуство е такво. Во поглед на хигиената со исклучок на еден ресторан кој беше катастрофа/најгадниот ресторан во кој сум била, на останатите места хигиената е задоволителна. Во хотелот куварите се сите со капи, ракавици некои дури и со маски, па ние немавме никакви стомачни ниту било какво тегоби, труења и сл. Се храневме исклучиво хотелот и во проверени ресторани, вода пиевме флаширана и во хотелот имаш неограничено вода во шишиња. Се на се Египет е одлична дестинација за одмор, и да се одмориш, да пливаш, да уживаш во ресортите и да прошеташ а верувајте има што да се види, древната цивилизација на египетското царство е најбогата во целиот свет. Имајте на ум дека 7 дена се малку се, 10 дена се доволно, но нареден пат мојот избор би бил 13 дена. Многумина прашиваат дали Египет е за одмор со мало дете. Дефинитивно да, нема ништо да ви недостасува, со тоа што некои екскурзии (Каиро, Луксор, Сафари) ќе почекаат додека децата пораснат
Имам јас неколку прашања, прво летот видов дека е во 1 часот после полноќ, таму отприлика се стига накај 4 саатот сабајле е сеа дали одма не сместуваат во хотелите или е ко во Европа да треба да чекаш со саати иако си капнат изморен. Со која валута работат таму? Долари, евра или нивна валута? Пред време да си спремам ќешарац. Околу ексурзиите, таму кој ги нуди? Поточно сам треба да бараш контакт од нив или тие идат и понудуваат? И би сакал на сите ексурзии да одам иако ќе бидам на 10 дена, е сега како е најубаво да ги испланирам за да не ми биди многу мачно, пример прв ден сафари, втор ден Каиро итн. И кои ексурзии според тебе не треба да се пропуштат?
Египет е еден час понапред од Македонија, па околу 8/9 часот би биле пристигнати во хотелот. Обично правилата налагаат на чекин во 14.00 часот, но ние се сместивме во собата во 11 часот, додека алка ни дадоја веднаш и можевме да го користиме хотелот од 8 часот, значи доручек, вода, кафе-се. Работат со долари, евра и египетски фунти. Најдобро ти е да носиш долари, тие прифаќаат еден долар едно евро. Со агенциите самиот стапуваш во контакт ги има на ФБ побарај Хургада излети и ќе видиш кои цени ги нудат. Одбери ги најефтините бидејќи нема разлика. Според мене Каиро со пирамидите и Карнак со Луксор се must have. На пирамидите обавезно земете камила, незаборавно искуство. Е сега овие две се целодневни екскурзии и се понапорни, имај предвид дека Каиро е 600 км а Луксор 400 км оддалечени од Хургада, па помеѓу нив остави барем два дена за одмор во хотелот. Островите се исто целодневни но тие се релаксирачки, се возиш со брод, нуркаш на гребен, се капиш на плажа. Сафарито е полудневна екскурзија. Имаш и аквапарк, пливање со делфини, нуркање со боца, и сл. Ти ќе си одлучиш што сакаш да искусиш.
Здраво, сакам да прашам, сакаме да одиме во Хургада преку Ваикики агенцијата ама не сме многу запознаеме, дали освен визата што се плаќа на лице место 25 долари, има и други некои дополнителни трошоци повеќе од сумата што првично ја плаќаме за целиот пакет?
Само Атлантис немој Јас би одела пак ама преку Савана, Фибула Цените се горе доле исти сегде. Сега на почеток се повисоки пошто не е топло и сите одат тогаш. Јас бев во најжешкиот период за 600 и нешто € по лице. Ама ретко кој ќе иде на 40+. Ама мене баш ми одговара таа температура
Ѕирни во Хавана травел, јас бев преку нив пред две години. Плативме со дечко ми околу 550 евра по човек ама бевме крајот на Септември.
