Односот претпоставен - вработен и работни услови

Темава ја отворам затоа што во денешно време честа појава е (не)односот на претпоставените (шефови/газди) кон вработените. Ретко се случува да слушнам дека вработените се задоволни од своите претпоставени. Најчесто тие се изживуваат со вработените. Ги третираат како стока. Ова најмногу се однесува на вработените по маркетите. `Рмбаат како коњи, а нивниот труд не се вреднува доволно.

П.С. Беше посочено да се отвори нова тема. Можеме да коментираме и за работното време.

 

Многу ретко се почитува тоа што е кажано или договорено на интервјуто пред вработување или пак она што стои во договорот.
Односот, секоја чест на исклучоци ама кај повеќето е мизерно катастрофален, од каде произлегува и работните услови и средина да се непријатни за работа.

 

Ретки се оние што се држат до договорите. Ова се однесува на работодавците. И на интервјуата лажат. Ти кажуваат едно, а испаѓа сосема друго. А договорите се феномен. Ако ти пишува одмор од 14 работни дена, тие ќе ти дадат 10. Боледувањата не ги признаваат. Колку само личности се избркани ако сакаат да земат боледување. А некои додека се на боледување. Маж ми работи во приватна фирма и газдата се однесува идиотски со вработените. Дури и го советувам да си бара друга работа. Друга работа што ме нервира е што не се почитува Законот за исплата на К-15. Или не плаќаат, или ги тераат вработените да им ги враќаат парите. Катастрофа од држава сме.

 

Мизерни се, кратко кажано.

 

Убава тема... Супер..но би било многу добро кога на вакви дискусии ќе се јават вработените по договор..е тие се за жалење...Нити се пријавени во биро, значи не им тече стаж, ниту се осигурани, работат за смешен износ а има некои кои работат и без надокнада(со надеж дека еден убав ден ќе ги примат за неодредено)...и сега што е болката...ПРЕТПОСТАВЕНИОТ ГО МАЛТРЕТИРА НЕГО НАЈМНОГУ, ЈА КОРИСТИ ДО МАКСИМУМ НЕГОВА Ефтина работна сила, му го злоупотребува неговиот приватен живот и слободно време, терајќи го да работи за време на празници, викенди...а нели не му надокнадува никако!!!

 

Комплексна тема.
Пишував и на други места. Ни фали солидарност и самоогрганизирање на работниците во синдикати. Оние постоечките синдикати се само фарса, ни една задача која ја имаат не ја исполнуваат.
Сите овие работи кои ги набројавте, а и сите други кои ќе бидат нахнадно наброени подлежат на казни, според законот. И да има заедништво и сите вработени да пријават, а други да не се нафаќаат да работат под лоши услови, да видите како 'газдите' ќе немаат избор. Сами не можат да работат се', им требаат вработени,
Безпарицата им дава можност да го прават тоа, бидејќи луѓето се спремни да се нафатат на било какви услови, само да земат било каква плата.

Не знам кој е повеќе виновен, дали властите и лошата економска ситуација и невработеноста, или солидарноста на работниците.

 

https://forum.femina.mk/threads/За-што-служат-синдикалниве-организации.28560/#post-3779107
Имав отворено таква тема..за што служат синдикалните организации.

 

Јас зборував за друго, нов синдикат, не овие што работат, Бог знае што.
Има во вашите постови основи за тужби еден куп, не ти треба официјален синдикат за да тужиш, едноставно, само-организација на сите вработени, може да го клелкне на колена газдата.

 

Работодавците го користат тоа што вработените им ќутат. Па си дозволуваат да ги малтретираат. Ако се побуниш, ќе си добиеш отказ. А можеби со таа плата издржуваш фамилија. Лошо време дојде.

 

Мене уште првата недела шефицата ме "фатила" за око и ме остави без јадење цел ден. Издржав, за да после некој ден ми викне директор со кој беше блиска и овој ми се закани, а гадурава беше свртена накај него ама од профил видов дека се насмевна цинично. Плус, со уште една колешка се имаа свртено против мене. Ова ми беше капак и дадов отказ. Бев во дирекција да ја пријавам, ама ништо не и направија. Си заминав од таму со подвиткана опашка и после пет-шест месеци ми кажаа дека маж и починал, колешкава нејзина ја избркале од работа зошто ја фатиле како краде и овој директоров исто го избркале. Кога разбрав за ова убаво ми дојде на душичката. Карма ис а бич!

 

Другар, секаде е така по маркетиве. Ќе бидеш роб за малку пари. Цело време си на нозе. Едвај имаш време да јадеш. И додека јадеш може да те викнат да работиш. Ако се украде роба ти кратат од плата. Ако е нешто оштетено, исто така. Па зошто ова си го наредил/а горе, требало долу. Исфрустрирана шефица се изживува со тебе. Па и колегите си прават мајтап со тебе. Ако си нов има да им ги извршуваш сите амалски работи. Лошо е што во денешно време не можеш да бираш работа.

 

Лоши се газдите. Конкретно претходно каде што работев, претпоставената ми даваше мала плата, иако редовно ја исплаќаше. Но, почна да ми се меша и да ме коментира приватно, да ме исмева каде јас одам на одмор, зошто не на море, од каде купувам облека, зошто стан не купам, замислете стан со таква плата. Ужас. Се мислат Господ се. Сега кај што сум се искарав добро, и почнаа колку толку да ме почитуваат, но како газди кои јас ги сметам демек се некое ниво и богати, пак се нула кога ќе се сумираат сите фактори. Пцујат на секој збор, „да одам да мочам“, тоа ли е муабет што треба еден газда да го каже. Абе бетер од сељаци. Затоа сум сериозна, и не почнувам привтани муабети, дури и ако сум поттикната. Ме прашуваат моите што работат, дали нешто плус поработувам, а што е важно тоа? За да знаат дали може да ме зезаат и колку е тој праг на толеранција. Лошо. Разочарана сум.

 

Мајка ми е претпоставена на 6 вработени. Имаат убав однос, се договараат за одмори/слободни денови, не прави проблем ако закаснат или излезат порано поради некоја обврска, им исплаќа к-15... Да речеме на кратко- навистина е коректна со нив. Ама гледајќи ја неа, забележувам дека колку и да се трудиш да имаш фер пристап, секогаш ќе се најде некој незадоволен, некој кој се чувствува искористено или погрешно ќе ги толкува твоите постапки и зборови.
Од друга страна, постојат вработени кои ги гледаат само своите права, а ги забораваат обврските или пак вработени кои не можеш ни со награди ни со признанија да ги мотивираш, незаинтересирани, неодговорни и тн.
Сакам да кажам дека во очите на газдата кој сам го изградил бизнисот секогаш ќе постои доза “недомаќинлук” кај вработените затоа што вработениот го нема тоа чувство на припадност како газдата. Во очите на вработените секогаш газдата ќе биде скржав и строг и ќе бара многу, поради тоа отсуство на припадност. Многу е тешко погледот на газдата и погледот на вработениот да се насочени кон ист правец, па затоа и произлегуваат недоразбирања.
Ја прашувам понекогаш мајка ми како таа би постапила во дадената ситуација да била вработена? Или се прашувам како јас би постапила да бев на местото на мојот газда... Интересно е кога ќе се погледне работата од друга страна...

Да не ме сфатите погрешно, знам какви идиоти од газди постојат. Сум искусила. Секојдневно гледам и какви забушанти и преваранти вработени има. Тука зборувам само за тоа зошто е многу тешко да се исполнат очекувањата на двете страни.

 

Во постовиве не станува збор за газди кои ги почитуваат законите за работен однос, туку оние кои не го прават тоа. А да не се лажеме, поголем дел се оние вторите. Посебно во мали места, надвор од Скопје, каде еконимијата е никаква и има многу малку работни места, па вработени се нафаќаат да работат во мизерни услови, за мизерни плати, без одмори, к-15, прекувремени, патни трошоци, хранарина итн.

 

Da ja nadopolnam temava so moeto iskustvo i mojata momentalna situacija.
Jas rabotam vo mal grad kade nevrabotenosta e golema i koj si nasol rabota vo stabilna firma(institucija) go tupkaat po ramo i mu kazuvaat "super si imas rabota" Eee ama ne e taka, platata prvo ne visoka, vtoro rabotam od 8 sabajle do navecer do 6,7 (a cukam karticka vo 16.00h) treto pritisok ogromen od sefot koj se dere pred stranki bez oset i istovremeno te navreduva ao pogrdni zborovi. posledno i najvazno e sto nemas poddrska od centrala vo Skopje od kade sekoj den srignuvaat email poraki so novi dopolnitelni dokumentacii za koi 24h se malku da ti gi dadat za da zavrsis. I seto ova e vo eden den (a sekoj den e takov) i poveke ne se izdrzuva. Veke del od koleskite kazaa deka ke si odat...

 

И од вработените повеќето се мрзи, неодговорни, но јас не се сметам за таква и затоа ако сум лојалан сакам фер однос од почеток до крај, а не пари ќе ти давам ама пред други ќе те понижувам, затоа што си мирен, односно глупав.

 

Пак сите за никаде, само ти најдобра

 

Не бе.. сака да и' угоди и на @Avery , а и да објасни дека може да се има проблем со газди.

 

Оваа тема е комплексна, не можам да кажам дека само вработените се во право. Многумина од вработените немаат реален допир со реалноста и немаат искуство што значи да си газда на мал бизнис. Не се свесни за даноците, плаќање на придонеси, неретко и рекетот, итн. Понекогаш, газдата е газда ама има малку повисока плата од вработениот.

Дел од вработените не сакаат да работат со изговор дека платата е мала, а свесно или несвесно, се споредува со работата и платата во државни институции и си вели - Овие по цел ден си ја ладат, а земаат три пати поголема плата од мене. Друг дел од вработените пак работат за четворица а земаат плата за еден човек, ама си молчат, им фуфка да си ги бараат правата и си мислат - Добро е, барем работам и земам плата.
Колку и да звучи глупо, во државава, менталитетот всушност е првата пречка кон развојот на економијата.


@Tanjamm те имам прочитано во многу теми и можам да заклучам дека ти не припаѓаш во овој свет. За некоја друга галаксија си, сериозна сум.

Тебе те искористуваат другарките, сите ти се мешаат во интима, не сум изненадена што и газдите не те почитуваат. Според она што го пишуваш, сите се лоши само ти си океј.

 

Еехех па ти па. Ако доаѓам на време, си одам навреме, не отсуствуваат за глупости, си ја вршам работата, не знам што е тука спорно. Факт е дека газдите се искористувачи. Ме плаќале, затоа што им требав како вреден работник, инаку би седела дома со диплома со години, но нечовечноста испливува на површина. Не може газда да коментира за колешка пример, дека маж и е постар од неа 8 години и земал „младо пиле“. Не личи. Не оди газда да каже „не го тупи“. Тоа е глупост, недолично однесување. Ти мислиш Македонија е Германија со јака економија па можеме да бираме ние работниците? Не, ако земаш редовна плата во МК е ок, со тоа се тешиш додека армија луѓе мака мачат да дојдат до свои приходи.