Јас постојано експериментирам со храна, вклучувајќи и салати. Периодов потпечен сусам како додаток на салата чија основа се краставици, морков или цвекло ми е хит. Наредна состојка која ја прави секоја салата подобра е копарот. Обично ставам маслиново и балсамико во доста од салатите, освен ако има авокадо. Балсамико и авокадо не се добра комбинација. Нешто што скоро пробав е и соја сос во салата со краставици, плус чили, сусам, маслиново, балсамико, лукче и сол. Прејака беше. Од традиционалните ми се допаѓаат таа со марули (од која до сега имам направено еден куп варијации), домати и кромид, шопска, витаминска. Впрочем, овие ми се појдовни точки за мои идеи на салати.
Шопска, со макарони, онаа со урда за летно време ми е супер. Јас си сакам салати, немам проблем макар патлиџан со масло и сол. Инаку имам проблем со киноата, кога ја варам некако многу ми е згрутчена очигледно не ја варам како што треба. Кажете ми од која киноа земате и како правилно да ја сварам.
Од крем салатите најомилени ми се таа со макарони и таа со компири и јајца. Руската слабо ја јадам. А од свежите шопска или само краставица салата. Понекогаш и зелка салата. Марула не сакам. Цвекло никако И за салати пребирам. Се научив да си правам салата со мешани семиња. Едноставна, а вкусна.
1.Цезар салата 2.Грчка салата 3.Шопска салата 4.Витаминска салата 5.Туна салата Неможам денот да го замислам без салата.
Цезар салата и пилешка салата, јас си ја правам со мисиркино месо, преубава. Како дете многу ја сакав мајонез салата. Не знам како ја јадев, дали тогаш ја прејадев сега не можам да ја смислам, многу ми е тешка. Кога правам исклучиво посна ја правам, така ми е полесна за јадење, ама по вкус ми е на последно место.
Јас ставам едно филџан киноа, два вода. Да врие 5 мин, и исклучувам. Ќе ја упие целата вода па после само промешуваш
Салата со марула, ротквици и сирење. Него, солидна салата си бара добар кромид, другото малтене и да е скоцкано за очи, нема да пројде.
Во лето шопска салата, цезар, таратор и овошна, а зимно време руска, француска, пилешка, зимница салата и кинеска салата.
