Фаворит ми е сега една новоизмислена, од туна и зеленчук, плус кубети. Потребно е за 2 лица: 3 средна големина домати 1 мала краставица 2 пиперки зелени 4, 5 маслинки конзерва туна, 200 гр. мајонез Полимарк со краставица маслиново масло 2 пакувања кубети (ѕаѕики или со зачини) сол, кари, рузмарин. Претходно добро измиениот зеленчук, исечкајте го на коцки, не многу ситно. Додајте ја туната, мајонезот, кубетите и промешајте. Додавате масло од око, да не е премногу мрсно, зачините и оставете ја добро измешана во фрижидер барем еден час. Се служи со пивце и е уживанција!
Сношти кај 4-5 саат ја гледав темава, ај што си бев гладна, па како ми се отвори апетит за салати ... ммммм И си направив шопска, доматки, краставички, сирење еден тон, фрлив и малце магданос и неколку маслинки и така се најадов, за мераци. Иначе, јадам секакви салати, немам омилена. Руска, макарони едно време многу јадев, сега ја намалив, марулка зимно време, зелка, шопска, компир салата, краставици ... Толку ми текнува.
САЛАТА СО СПАНАЌ И ПИЛЕШКО Потребни состојки: 300гр спанаќ Чешне лук 2 моркови 4 лажици маслиново масло 4 лажици путер 2 тврдо варени јајца 2 парчиња бел леб 2 лажици песто сос 2 лажици кисела павлака Начин на подготовка: Спанаќот исчистете го, измијте го, исцедете и испржете на масло со едно чешне лик. Сварете го морковот, на месото додадете сол и бибер, па на тава испржете го на две лажици масло од двете страни. Печеното месо, морковот и јајцата исечете ги на ситни коцки. Во чинија измешајте ги сите состојки, а на крајот додадете павлака и по желба песто сос. Сервирајте ја смесата со крекери. Добар апетит.
Најомилена ми е Цезар салата,по неа Мимоза, па Шопска , Грчка исто сакам и Рукола салата. Не ги сакам салатите што вклучуваат мајонез од типот на Руска, Пилешка и сл.
Обожавам салати. Најчесто летен период јадам салата од краставички и понекогаш зелка салата и марула салата. Инаку од тие покалоричните ги сакам руската, таратур салата, таа со макарони, со компири. Абе сите ги сакам.
Најомилена ми е шопската, со мнооооогу сирење. Би се давела во неа, ма и со леб би ја јадела (и ја јадам, што е најжално) После, ми се допаѓа онаа Амбасадор салатата, ама не ѝ го знам рецептот - обично ја јадеме кај другарка кога правиме собиранки и ептеен ми е убава дека има печурки, ама ете никогаш не ми текнало да побарам рецепт. Зелка салата многу сакам, со многу морков и црн пипер, а исто не одбивам урнебес и таратур. Единствено не ја сакам мајонез салатата (не јадам јајца) и салатата со марула - добивам впечаток ко трева да џвакам.
Исто Мишела, шопска со многуууу сирење, кога ја правам ја правам со три четири цм рендано сирење, ма да не сакам вака мн мн сирење ама шопска без мн сирење за мене е шопска. Него ја иам слушнато оваа амбасадор салатата ама ни го знам рецептот ако го дознаеш праќај. Освен шопска, онаа со пилшки стек и руската( таа со кашкавал салама мајонез и што уште не ).