Омилени места за јадење

Како така да не сте ја спомнале Кригла е таму ми прават даска по мерак, печурки на жар, поховано кашкавалче, сиранце, сосови мх мх мх....
Пајтон и Папу за мезење се закон.
Ручек... Irish Pub, Plaza de Toros, Томче Софка

 

Во Крушево има една пицерија Скар мислам дека се вика, многу е убав амбиентот и јадењето,а и услугата.
Ммм сакам да се вратам во Крушево.

 

Седмица forever!
Ања и Irish Pub ми се супер, како и пицеријата Балила.
И МекДоналдс да не го заборавам.

 

Пелистер и Ирски паб, совршена храна посебно во Пелистер (плоштад, Скопје)

 

Ја обожавам македонската кујна ама кога одам по ресторани повеке сакам да експериментирам па омилени ми се:

1. Арапски ресторан- би им го изела цело мени освен јадењата со телешко месо
2. Кинескиот ресторан- за малку пари можеш да ја наредиш цела маса со интересни и вкусни јадења
3. Мексиканскиот ресторан- каде на секое одење си го изгорувам јазикот од тие сосовите ама пак убави ми се
4. Ирски паб - ми се допаѓа атмосферата а од јадење пилешките прсти најубави ми се дргото не е нешто посебно
5. Турски ресторан ( на кој не му го знам името)- какво Гирадико овде прават гиро прсти да излижеш
6. Де ГИНО горе во ГТЦ за италијанска храна се махери

А од македонска кујна да не почнувам оти треба 5 страни да испишам. ЗА ДОБРА СВИЊА НЕМА ЛОША ПОМИЈА рекле старите па тоа за мене си го уптребувам. Кај и да одам си наоѓам нешто по мој вкус

 

дефинитивно буре ја има нај нај добрата скара

 

Биг Мак - Прилеп ,во Бизнис центарот .

 

плаза де торос!

 

Пицерија Бонита..и фаст фоод место кое се вика 23

 

Тренд

 

Амигос-феноменално ечиладос и бурито.
Ла бодегита де медио-За љубителите на Кубанско рижото и Тирамису.
За тестенини во Скопје Џино, во Охрид Белведере (мммм тоа е незаборавно мљац)
Кога е време за нешто за на нога-Кај Вили.

 

Да додадам Барбакан-многу убав сендвич јадев, за другото не знам.
А морам да се пожалам на Ања, пред некој ден јадев прсти и помфрит кои дотогаш ми беа незаменливи кај нив, а сега им беше доста расипан вкусот.

 

Енрико, Пелистер и Стара кука

 

Пицериите и сендвичарите.

 

Ресторан Дада, во Дебар маало, абе најубави пастрмајлии имаат, после оние од Штип .
Како ми згмечила една сега, ко што сум гладна ...
Дал-фуфо доста симпатични пици...
Вили, 7 и Мек’Доналдс за брза храна.

 

Уууу еве си удирам една вАспитна, Кригла бе, како само ја заборавив! Дефинитивно ја додавам на листата!
Него јас си удирам вАспитна и што не сум го спомнала исто така моето омилено кафанче ДМ во Дебар Маало, значи со години идеме таму, веќе во традиција ни преоѓа на мене и братучетка ми, и морам да кажам од услуга, преку храна, па се до некоја опуштена, баш маалска атмосфера која едноставно плени во еден од најстарите делови на Скопје, ДМ е вистинскиот избор и не губи на квалитет.

По папучи или по штикли, со узото или ракијата во рака и салатичето до тебе, не можеш а да не се чуствуваш убаво и опуштено.
Го препорачувам џигерот кој го прават едноставно феноменално!

Ти се плукнам у ПМС-от, редовно тогаш само ја посетувам темава

Него ми текна уште нешто, скопјани, бил некој во Заплет?

 

Ада-во Сарај кременадли за мерак абе се им е вкусно....
Нецко-Штип убава скара,десертот топло-ладно им е најубав и е 80ден.
Рома-Штип пица и пастрамајлиа прсти да изедеш.
Сан -ремо Штип пици и пастрамајлии екстра.
Кога сум во Пехчево најомилено ми е РИСТОВО МЕАНЧЕ кебапи во уста се топат скарата му е одлична газдите имат сопствена месара и се им е свежо.

 

Aбе зашо само мене даската во Кригла ми ја зезнаа? Абе даска да цедиш зејтин од неа, мрснотија невидена. Ќе ги тужам зашто мене така ми направија Лошо искуство ни мевцето не ми беше убаво, така да јас не знам дал пак би идела.
А да го спомнувате Џино јас го ставив на блек листа, а и не само јас не да слушам неубави зборови од него од многу луѓе. Ми даваат пица, лазањи и макарани стоплени кои за 2 минути беа ладни. Со кој памет таков ресторан спрема однапред јадења и после само ги топли?
И во Ирскиот паб јадењето не ми е по мерак, скапо а мали порции кои не ме фасцинираат нималку.
Фуфо веќе не постои Пелистер е она на плоштад, а Галија не знам дали работи одамна не сум поминала, Фуфо нема ниедна пицерија повеќе ги изгуби сите.

Мене за пица Костарика е закон. Торос на кеј ми е незаменлив. Ја обожавам Фиренца на плоштад за италијанска храна. За македонска кујна скаричка на жар Тото во дебар маало ми е совршен. И Национал кај центар за странски јазици ми е одличен ресторан, ептен добра вкусна храна и најубава цезар салата без конкуренција. А фини работи има и во Амика во ГТЦ прв спрат точно над Ирски паб супер храна имаат но доста е мало е не го знаат луѓето. Убава храна има и во Смок во Автокоманда, кој го тера паттот натаму нека го посети нема да зажали. И ресторан по мој вкус во однос на амбиент е сега храната не е совршена посебно ако има многу народ, ама сепак го обожавам рибниот ресторан Гиновци накај К. Паланка.

 

Јас вака по протекција малку у Кригла секогаш го добивам најдоброто, не смеат ништо да зезнат така да - можеби затоа сум имала секогаш најпозитивно искуство

Инаку да, морам да речам дека Џино не е тоа што беше, освен за сладолед, се разбира, тука се стандард добри.

А за тестенини и особено лазањи, секогаш и засекогаш имам едно име - Балила
Дури ни во Фиренца не ме воодушевија. Ниту во она италијансконо ресторанче у Палома Бјанка, заборавив како се вика - онаму кај што има домашни тестенини и слично.

Еквестријан во аеродром е исто одличен, го фалам многу, ептен, ама тоа веќе сум спомнала.

 

Јас тврдам дека од услуга, со исклучок на Воденица и Дуомо, во Џино се навистина фантастични. И потпишувам дека имаат најдобри тортелини со фунги ( заедно со Дал Мет Фу) и најдобра Panna Cota ВО ГРАДОВ.
Е сеа компири воопшто не спремаат добро... ама за тестенини ми се врв.
Маргер многу ми се допаѓа, мовото лаунџ-барче слеш ресторантче во Градски Парк. Со поглед накај најпознатиот љумфер
Тука морам да го сместам и Чардак. Бев на ручек викендов. Местото е ПРЕКРАСНО. Со фонтана, под огромни дрва... Со превкусна храна....
Кинескиот ресторан..ако може тоа да се нарече ресторан ми е дефинитивно омилено место..Ама тоа е пошто сум зависник од кинеска храна, а не пошто услугата им е нешто лудница..Пошто не им е. Катастрофа се. Чекаш саат време за порција ...и те игнорираат у меѓу време.
Во новиот сум била 2-3 пати само, пошто другиов ми е поблиску...Ама таму услугата им е каде каде по еспедитивна. Тренд ми се врв за цезар салата, највкусно нешто што сум пробала! Рибче убаво има во фиш енд Џез во чершија...

и како што кажа Росонерка... Костарика се за пица апсолутно несоборливи. Иако сеа слушнав се отворила некоја лудница пицерија..маестрал или нешто ..што ќе била перверзии ама да пробам па ќе зборувам.

А да. И Белви прават...У Ж А С Н А храна. Како да џвакаш хартија...