Омилени продукти на месецот

Дојде на ред. Го чував затоа што ми беше жал да му ја уништувам преубавата форма, ама пак не зажалив, уствари зажалив што не го трошев летово. Се осеќам како дама од Париз, нежно.



За одморени денови кога нема што да се покрива, супер е. Лесна и пријатно ми мириса, ама не знам што точно предизвикува кивање кај мене, ама само на почетокот. Сто посто е од кремов. Па може и ќе го поклонам, иако си ја врши функцијата. Не е препокривен, лесен е и дава здрав и природен изглед.

 

Не знам ова на првата слика дали е бронзер или руменило, али НАЈПРЕКРАСНО Е!
Ме интересира која цена е и дали ја има ли фирмава во МК?

 

Бронзер е.
Го нема во Македонија, 30 евра е. (уствари не сум сигурна)
И да, стварно преубаво е, жал да ти е да го трошиш. За на мејк ап блог е само и сам
Во Белград мислам дека можеш да го најдеш, а за Загреб ти гарантирам дека го има.

 

Ова ми се омилените производи за изминатите неколку месеци, и се двоумев дали има смисла да ги препорачувам и пишувам за нив зошто ги нема овде, но нормално има феминки на кои им се достапни, а и феминки кои често патуваат, па сепак ќе пишувам...

Да се надоврзам и јас на феминките со позитивното искуство од кремот, а и со целиот сет воопшто. Ги користам веќе неколку месеци трите производи, презадоволна сум од ефектот. Лицето никогаш не ми било почисто и помазно, дури и т-зоната која знаеше да ми светнува после неколку часа е мат, некои флеки кои ги имав на виличната коска со тек на време избледеа, порите се минимизирани... За мрсна и проблематична кожа склона кон акни, топло препорачувам


Пилинг со затоплувачки ефект за отстранување на црнките. Го нанесувам 3-4 пати неделно, на влажно лице, со кружни движења на т-зоната каде што имам најмногу црнки и го оставам неколку минути да делува. Досега немав користено производи со затоплувачки ефект и на почеток ми беше чудна таа топлина што се создаваше, но дефинитивно делува со редовно користење. Заедно со горниот сет ми се must have производи за лице, совршената комбинација која конечно ја открив.


Нијансиран навлажнувач, кој лесно се нанесува, го изедначува тенот и изгледа многу природно. Не содржи парабени и има преубав, тропски мирис. Јас го користев цело лето, на исончан тен дава преубав природен сјај, цело лето немав потреба ниту од пудра, ниту од брензер. Сега откако ми падна делумно бојата го користам по потреба, најчесто за навечер.

Најдоброто нешто што некогаш му се случило на мојата коса. Некој да ми кажуваше дека еден производ може така да делува и разликата да е очигледна после неколку нанесувања, немаше да поверувам. Ова е прво лето, после одмор, после долго континуирано изложување на сонце, косата да не ми биде сува, да не ми се двојат врвовите, баш напротив ми остана неоштетена и поцврста од било кога. Преубавиот мирис му е само уште еден плус.

На крај... Нејзиното височество Шанел Класика, префинетост, женственост, софистицираност... Се во едно... И само за посебни прилики

 

Во темава немам пишано од летоска колку што се сеќавам, така што овие производи се за последните два месеци отприлика, па затоа листата е малку подолга од вообичаено

Alverde балсам за усни со мирис на калинка
Вакви балсами обично купувам од Авон, ама не знам зошто ги нема во последно време. Овој на Alverde го начекав на попуст, па иако не ми правеше мерак калинката, го купив. Не сум голем љубител на овошни мириси кога е во прашање козметика, ама овој балсам нема многу јак мирис, нема боја, па е одлична основа за кармин




Afrodita шампон со лук против опаѓање на косата
Шампонов многу пати е спомнуван на форумов, затоа нема многу да должам. Го купив зашто косата почна многу да ми паѓа во последно време, а по две недели користење имав забележливи резултати. Мирисот е прекрасен, ме потсетува на пролет и цвеќиња Цената исто така е одлична.




Nivea лосион за тело за нормална кожа
Производите на Nivea најмногу ми се допаѓаат зашто немаат нападен мирис на нешто конкретно, па таков е и овој лосион. Не е премногу мрсен, ама кожата ја прави многу мека и таман ми одговара. Мирисот не е толку интензивен како оној на светло плавиот лосион со шеа путер (кој ми е ultimate favorite), ама остава некое чувство на чистота и нежност




Nivea крема за раце со масло од макадемија
Кремчево е убавини Дефинитивно е една од најдобрите креми за раце кои воопшто сум ги користела. Мирисот е прекрасен, а ефектот е одличен. Јас имам многу чувствителна кожа на рацете, ако фатам прашок или сјај одма ми се иритираат, па постојано купувам вакви креми и се мачкам неколку пати дневно. Од овој крем доволно ми е еднаш да се намачкам, кожата ја прави мнооогу нежна. Малку е помрсен од оние што вообичаено ги користам, ама брзо се впива.



Balea универзални креми (портокал и грејпфрут / темјанушка и фрезија)
Искрено кремчињава ги купувам само заради интересното пакување Имам и претходно користено вакви, а овие за прв пат ги видов во DM, па реков ќе си ги купам. Претходно имам кажано дека пакувањето баш не ми е практично од аспект на хигиена, па затоа не ги носам секаде со мене во ташна, туку ми стојат дома. Цветното ми се допаѓа многу, а овошното има малку киселкаст мирис




Belea мелем со невен
Верна сум на вазелинот со невен на Галафарм, ама за овој мелем прочитав добри критики, па решив да го купам. Одличен е, има пријатен мирис, јас најмногу го користам за стапалата и лактите. Ми се чини дека не е толку мрсен како вазелинот на Галафарм, што можеби е подобро, зашто тој па не можеш да го одмиеш Сигурно пак ќе го купам.




Avon Nutra Effects матирачки тоник
Ми беше при крај претходниот тоник, па решив да му дадам шанса на овој, зашто бев задоволна од кремата од истата линија. Тоникот супер се покажа, сигурно пак ќе го порачам. Редовно го користам сабајле и навечер, а и при вадење шминка како последно чистење на лицето пред да ставам крема.




Avon Advance Techniques маска за коса
Не љубам да експериментирам со маски за коса, си имам една проверена што со години ја користам. Ама оваа беше на акција заедно со тоникот, па што да не Ми се допадна мирисот, ист е како оној на силиконските капки и серумот, па таман да не се мешаат мирисите. Не очекував да биде толку густ, па малку е потребно за мојава коса, иако не ми баш кратка. Ефектот е исто така одличен, а пакувањето не е многу големо, па ми се најде за во несесер кога одев на пат. Сепак, не сум сигурна дали ќе ја користам пак маскава, некако сум си приврзана за мојата Шери




Avon 3D испакнувачки кармин (нијанса Revenge)
Карминов е... убавини! После неколку промашени темно црвени кармини, конечно го најдов совршениот. Структурата е кремаста, лесно се нанесува, јас дури и без балсам се осудив да го ставам Трајноста исто така е одлична, а нијансата е прекрасна! Баш е есенска.




Essence течна пудра за мат изглед
Менхетен пудрата ми е меѓу омилените од кои не се откажувам, ама често експериментирам и купувам различни. Овојпат се одлучив за оваа на Essence, иако не се сеќавам да сум користела нивни производи претходно. Ми се допаѓа што пудрата не е толку густа, за разлика од Менхетен која морам да ја „растворам“ со крема за лице. За тоа колку е покривна не можам да кажам, зашто имам чисто лице, па мене ми врши работа. Е сега, не е баш 12h long-lasting, барем мене не ми траеше толку долго, а немам мрсна, туку комбинирана кожа. Така што, за трајноста малку подвали, а инаку другото е супер. Лесно се нанесува, јас навикната со Менхетенот со четка, па мешај со крема, ми одзема многу време. Оваа ја нанесувам во два потези.




Essence коректор за лице со мат ефект
Кога веќе ја купував пудрата, си го земав и коректорот. Ми заврши многу работа, во денови кога немам време за шминкање, а треба да се сликам Малку ставав околу очите и носот, потоа руменило во форма на крем, маскара и ајт низ врата



Christina Aguilera Unforgettable парфем и лосион за тело
Од сите парфеми на Кристина овој некако најмногу ми се допадна. Се угушив со тестерите додека да одберам Беше на акција заедно со лосионот, па не му ја мислев многу. Мирисот е баш како за есен/зима, сензуален, е сега не дека е којзнае колку unforgettable Лосионот сам по себе има интензивен мирис, а во комбинација со парфемот ми трае и по два дена. И пакувањето ми се допаѓа, жал ми беше да ја фрлам кутијата, а шишенцето гарант ќе го чувам откако ќе го потрошам

 

Дојдов да го пофалам catrice liquid camouflage concealer
Еден од подобрите коректори што ги имам користено .Течен е со многу убав мирис и предобро се размачкува на лице.Јас конкретно видно од сликата подоле имам ужасни подочњаци и овој е еден од малкуте коректори кои успеале да ми ги намалат.Мислам дека нема да го сменам ни за 100 години.Го има во ДМ цена 235 ден.П.С занемарете ми ја нечупаната веѓа .

 

Оваа марка ги има и во Скопје, на наша среќа. Ги најдов во ани фарм во Капитол, баш вчера ги зедов гелот и кремата за лице. Се надевам дека и јас вака ќе бидам задоволна од продуктите.
Се извинувам што пишувам за истото во повеќе теми, меѓутоа видов дека и овде сме ја спомнале кремата па си реков да одговорам и тука

 

A kоја цена ги зеде?

 

@SuperGirl24 јас сум вечен фан на кремастиот, и едвај го чекав овој да го донесат до Македонија! Плус рецензијава ми требаше него кажими за нијансите светли се?

 

Розе има 2 нијанси само.Оваа ја што ја имам е потемната 020 light beige се вика, другата е бааги посветла.Мислам дека треба малце поголем избор на нијанси да има бидејки се малце овие 2.Сега за тоа како би ти одговарала не знам еве спореди со мојот тен на погорната слика ,немам ништо друго ставено на лицето освен коректорот на едното око. Се надевам ти помогнав.

 

Гелот за миење лице беше 694 денари, а кремата за лице 915 денари. Со цените се нешто слично на биодермата и авен, колку што можев да приметам.

 

Го обожавам. Има преубав мирис, густ е и со совршена текстура

 

Се изненадив од цената на шампонов. Очекував да биде поскап, а го платив околу стоиосумдесет денари. Имам сува, виткана коса. Го комбинирам шампонов со тој за виткана коса, исто од Yves Rocher, и имам одлични резултати. Косата ми е сјајна, мека, хидрирана, без притоа да се масти за брзо време.


Спрејов им дава beachy текстура на моите локни, а и одлично мириса. Не го користам секој ден, сепак го нема кај нас.


Дезедорант од Француска фирма за која првпат слушнав кога го набавив производов. Органски е, без парабен и алуминиум. Долготраен, со пријатен цветен мирис.

 

Не знам дали поубаво постои, оти и немам пробано . Реално
Мене ми е супер , па и ефтинко.



Пак почнав да си го пијам, го имав заборавено.
Многу пријате, интересен вкус. Малку киселкаст. Преубава фузија од овошја.


Прв пат почнав да ја користам месецов, и презадоволна сум.

 

1. Bioten Skin Moisture CC cream

Со оглед ан фактот што течна пудра користам во исклучителни ситуации, за тековниот период сакав да тестирам нешто ново, одлучив да земам ЦЦ крем за секојдневна употреба. По многу прочитани рецензии се одлучив за производот на Биотен.
Ова е првиот таков крем што го користам и навистина сум презадоволна.
Формулата ALL IN 1 Skin Perfection е збогатена со минерални пигменти и био-активен хидро комплекс кои создаваат природен сјаен тен и и ја обезбедуваат потребната хидратантност на кожата во текот на денот. Со првото нанесување се чувствува лесна текстура едноставна за размачкување и со прсти и со сунѓерче која брзо и убаво се впива со неутрален и пријатен мирис што брзо исчезнува. Има заштитен фактор 20 и е достапна во две нијанси, од кои мене ми одговара светлата. Пигментацијата е слаба до средна, со задоволително изедначување на тенот ги прикрива послаби неправилности на лицето (пеги, флеки и црвенило). Постојаноста не е силна страна, така што т-зоната за неколку часа светнува, па ја корегирам со хартиени козметички марамчиња.
Цената е 162 ден.




2. Молив за усни Aura 56

Овој козметички производ нема мека структура, не е кршлив, остава убава боја чија постојаност треба да се постигне со претходно нанесување на балзам за усни од причина што не е доволно хидратантен, но секако користам производ со добар хидро комплекс како подлога, па не ми пречи ваквата структура. Има добра острина со што се постигнува убава форма на усните.
Цена: 115 ден.




3. Лак за нокти Golden Rose Paris 63
Кога станува збор за избор на лакови за нокти ова е мојот омилен бренд. За сезоната што престои типични се темните нијанси, а како нивни долгогодишен корисник се одлучив за оваа боја. Интезивна и добро пигментирана со нанесување на еден слој го постигнувам саканиот ефект.
Квалитетот е добро познат и задоволителен за овој бренд. Цена: 55 ден.

 

Balea trend it up, спреј за заштитна на косата од топлина
Balea серум за долга коса
Golden Rose кармин бр.99
Essence I Love Nude 05 My Favourite Tauping
Victoria's secret love spell тоалетна вода

 

Моите не се продукти на месецот туку на годината

Маскара од авон - Super full

Дезодоранс од нивеа - Pearl and beauty
Прекрасен е го обожавам има свеж мирис и заштитува

Крема за раце - Glicemille
Предобар е само неколку пати да се нанесе и рацете стануваат меки и нежни