1. Маскарава чини околу 230 денари и е солидна. Не прави чуда, ама е одлична за парите. Единствената маана е што се рони малце, ама се зачистувам. Поубава е од многу поскапи маскари. 2. Ја користам како подлога, не знам зошто пишува на кутијата и во маркет дека е крема, кога е очигледен прајмер. Структурата е како на гел, и навистина матира мрсна кожа за кратко. Ми држеше шминката цел ден. Не ја користам секојдневно, туку за посебни прилики кога стварно ми треба да трае шминката и да не светнам во тзоната. 3. Совршен сув шампон и преубаво мириса. Ја крева од корен косата и со прсти се мести само после. 4. Матирачки дневен крем, одличен.
Jessa- гел за миење на интима Единствено средство кое не ми направи иритации, мозолчиња и црвенило на интимата. Пред него се обидов со други средства за интима, со бебешки производи, само со вода, но не беше баш добро. Ова одлично си ја врши работата и е со одлична цена, околу 100 и нешто денари. Препорачувам за сите со чувствителна интима. Balea прашок за стапала Мислам дека прашокот е првично за зголемување на циркулација на стапалата, за опуштање. Од друга страна ги чисти многу убаво, ги прави премеки и мириса прееекрасно. Се става околу 2 лажици во топла вода и се држат нозете околу 15-20 мин. Предобро е чувството кога ќе дојдам дома после долг ден и си направам убава купка за стапалата.
Дефинитивно производи на сезоната а не на месецот преубав лосион, незаменлив. Предобро мириса и одлично хидрира. Освен како лосион го користев и како крема за раце. Незаменлив серум за коса посебно за студени денови. Не знам колку вакви шишенца имам искористено. масло за тело. Незаменливо за зимски период. Предобро хидрира и одлично мириса
Внимание тука! Го добив како подарок, стана вистинско пријатно изненадување. Не знам дали му се добри состојките, но резултатот е извонреден. Јас не памтам мојава коса да била толку мека од само еден производ. Дури и оштетениот дел од пеглање (што е како слама) го прави свила. Покрај тоа, има и пријатен мирис. Го ставам пред сушење со фен, некогаш додатно и после тоа. Дефинитивно би купила ново шишенце.
Од една парфимерија во Стохолм. На акција беа. Провери можно е да ги има на нет онлајн да се нарачаат.. H&M.
Lush - Dark angels - презадоволна од чистачот за лице од активен јаглен , топ е за проблематична и масна кожа , ја апсорбира маснотијата , имам забележано големо подобрување во врска со лачење себум Lush - Ultrabland - средството односно путерот за вадење на шминка одлично си ја врши работата. Се нанесува дебел слој на целото лице и очи , се трие и со еден памук навлажнет се пребришува и тоа е тоа. Не остава мрсен слој на лицето , напротив мислам дека доста ми помогна иако имам масно лице. Alverde volume shampoo - овој шампон и претходно го имам користено , повторно се најде на листата на омилени производи на месецот. Одличен за тие со масен корен и коса без волумен. Beauty blender pro sponge - Обожавам да нанесувам течна пудра и коректор со сунѓерчево. И го обожавам бидејќи е црно го мијам секојдневно , но и да остане некоја тврдокорна флека не е страшно бидејќи не се познава толку поради тоа што е црно. Меко е , перфектно само да беше уште малку поевтино
1. Балеа антитранспирант - 5 во 1 , пријатен мирис , не ми ја иритира кожата под пазувите , не остава дамки , цена 89 денари 2.Биоблас шампон против првут и опаѓање - веднаш видлив резултат 100% ми го исчисти првутот уште на второто миење , прекрасен мирис кој долго се задржува на косата , косата е мека од него , цена до 200 ден. зависи од кое продажно место го купувате 3. Балеа гел за туширање - прекрасен мирис ,во себе содржи гранули , добро ми ја чисти кожата после тренинг и додека се туширам гелот ја лади кожата некако , цената мислам дека е 69 ден не сум сигурна 4.Себа мед пена за лице Веќе долго ја користам одлична е за моето проблематично лице Цена 500 ден 5. Регенератор од алое вера- го земав на попуст од ДМ , прекрасен е ! Косата ја прави мека , хидрирана , остава прекрасен мирис и лесно се расчешлува 6. Бекутан пена за рачиња и лице - ја користам на место на интимен гел и за миење на шминка , перфектно го мие вишокот на шминка 7. Еос балзам за уста , веќе докажан !
Спрејов ја “измазнува” косата, и дава сјај после фенирање. Лесно се чешла после бањање и со тоа лесно се фенира. Јас сум задоволна за цената (нешто под 200 денари беше).
1. Dr.Hauschka Melissa day cream- претходно го користев Др.Хаушка од дуња, но одлучив да ја купам и кремата Др. Хаушка Мелиса. Оваа крема е наменета за комбинирана кожа. Ефектот го приметив уште по првата употреба. Презадовлна сум од овој производ и не би го менувала. Кремот има лесна текстура, а врз него лесно се нанесува пудрa. 2. Хунза масло од горка семка од хималајска кајсија- овој производ е наменет за внатрешна и надворешна употреба. За орална употреба наменето е 10 капки да се пијат наутро и навечер, но не на метална лажичка. Покрај ова може да се користи како козметичко средство. Секој ден нанесувам по 2-3 капки на лицето. Маслото веднаш се впива на кожата и воопшто не остава масни траги. Може да се применува и за нега на кoсa. 3. Oma Gertrude- органски крем за нега на раце. Задоволна сум од кремот, по употреба рацете се меки и нежни. Кремот нема масна текстура и многу лесно се впива на кожата на раце. Мирисот е прекрасен. 4. Fleurance органска мицерална вода- која е одлична за вадење на шминка и нечистотија од лицето. Оваа мицерална вода не предизвикува иритација или печење околу очите.
Ептен ми мириса на пролет и дава одлична хидратација. Нивеа ми се апсолутно први за лосиони, зашто цел стан ми мириса на лосионот, плус се чувствува на кожата пријатен мирис долго време, а кожата е премека. Заедно со дезодорансот, ми се откритие на месецот. Ако се сеќавате пред повеќе години Нивеа имаше колекција за млади што се викаше Angel или нешто во тој стил, ама ја повлекоа и од тогаш со години чекав да пуштат нешто пак со истиот мирис. Пресреќна бев кога го најдов + нема алуминиум. Имам многу сува кожа и не можам да употребувам производи за нормална а не па за мрсна кожа, а штом дојде потопло време, почнувам да сјаам ко сијалица. Кремов ми го реши проблемот, одлично матира без да ја суши кожата иако е за мрсна кожа, ама прво ставам маслиново масло па кремава, и ќе терам така до крај на летово. Има и со спф 50. Life saver. И најдоброто за крај, презадоволна сум. Имам флеки што ги влечкам со години, од депилации па до исфрлања зашто и од најмало надразнување, си носам флека за успомен. Го користам ритуално секоја вечер еден и пол месец, кожата ми има каде-каде заздравено и тенот почна да ми се изедначува, што мислев никогаш нема да се случи.
Немам појма дали го има кај нас, треба по аптеки да се провери, ама не се сеќавам од порано да сум го видела некогаш, исто провери и Амазон дали има испорака до Мк. Инаку го земав 125 мл за околу 20 евра, ама доста споро се троши, иако се шљакам секој ден.
Ревлон колорстеј пудра - најпрво бев скептична околу тоа дали воопшто ќе ми одговара бидејќи за пудрава имаше многу поделени мислења. Многу сум задоволна и од трајност и од тоа како ми легнува на лицето. Ја имам за комбинирана до масна кожа, нијанса buff. Балеа дезодоранс- свеж и нежен мирис, траен е и не содржи алумимиум (но за жал содржи алкохол). Балеа лосион за лице- го земав бидејќи сакав некој лосион кој не е агресивен па се одлучив за овој од линијата за сува и чувствителна кожа. Убав е и нежен, лицето е многу меко и воопшто не ја затегнува кожата. Балеа 3 во 1 - можеби овој производ прво беше во работи кои не сум задоволна но мислењето ми е сосема сменето. Не знам дали е поради промената и тоа што кожата сега ми е помасна од зимото но гелов го користам сега секоја вечер и многу сум задоволна како ја чисти кожата. Може да се користи и како маска за лице или пилинг но јас претежно го користам како гел за лице. Зимата осеќав како да ми ја пресушуваше кожата но сега ми е супер.
