1. Revuele black mask Од оваа маска си купив тестерчиња божем за дм ама јас искористив веќе една. Маската е peel off и многу ми се допаѓа, се нанесува и се чека 30 минути да се исуши и потоа се одлепува. По неа, лицето е меко и нежно, не можам да кажам дека вади нешто бидејќи ставав тенки слоеви па не забележував ништо. Дефинитивно би ја купила и во тубичка, да си имам. 2. Urtekram Body milk Green Matcha Првичните неколку пати млеково не ми се допаѓаше, го користев после бричење и многу ме печеше. Потоа почнав да го користам онака за хидратација и многу позитивен ефект видов. Прво веднаш упива со тоа што имате чувство дека лади, а потоа кожата е мазна и нежна како свила. Мислам дека е посолиден за во есен и зима. Текстурата му е течна така што веднаш се добива чувство дека е мрсен но всушност резултатот е друг. 3. Catrice glow booster vitamin C Искрена да бидам очекував многу повеќе од овој продукт иако Биодевојка ми рече дека можам да го користам и покрај тоа што не е 100% природен. Од него ми излегуваат повремено whiteheads. Но и покрај тоа го ставам во оваа категорија што приметив дека многу ми го храни лицето, помалку ми се мрси и флеката од акна што ја имав исчезна. Ако од прекумерно потење сум се исфрлила а потоа нанесам од него, тогаш ми ги повлекува акните, ми се повлекува исфрлувањето. Се на се, добра продукт со добра ниска цена. 4. Eucerin lotion 10% urea За овој читав многу позитивни критики овде на форумов, се решив и го земав. Јас имав сува кожа на нозете, со појава на некои линии кои ме чешаа. Дали два пати што се намачкав, ми ги направи нозете сјајни и меки како од слика.После бричење кожата многу ми се суши во овој дел од телото, кога го нанесувам не ме пече туку имате чувство дека хидратира. Многу сум задоволна, да залади ќе го користам и за други делови од телото. 5. La roche posay - Vitamin C Од овој имав тестер само , ми се допаѓаше мирисот. Додуша продуктот не е лош, ми помагаше во изедначувањето на тенот на лицето, ми се намалуваше ефектот на подочниците, не ми создаваше whiteheads, некако ми изгледаше длабоко хидратирано и негувано лицето. Добар продукт, но превисока цена. Би го купила за наредно лето.
И претходно користев еден гел на Афродита ама овој го надмина. Кога читаш на него anti dryness и навистина е anti dryness. xD
Кремава за раце. Преубаво мириса, а и премеки ми се рацеве. Многу беше евтина, на попуст некои 59ден, а предобра е.
Alverde Volumen kick shampoo Одличен шампон, дава навистина волумен на косата, има убав свеж овошен мирис, оддамна го меркав па дојде прилика да го пробам додека сум тука во Мк. За слаба , тенка коса како мојава е супер. Natura siberica kamchatka matte serum Серумов дава хидратација и кога ќе се упие во кожата ја остава навистина мат. Го користам два пати дневно пред да нанесам крема, имам забележано дека ми помогна околу акните доколку се појават (ми излегуваат пред добивање) брзо поминуваат. Наменет е за мрсна кожа, кој има проблем со екстремно појавување серум препорачувсм да го проба. Идеален е за млада кожа, возраст 20+ бидејќи не содржи антиејџ состојки Bourjois Always fabulous foundation - нијанса 120 light ivory (неутрална нијанса) За пудрава бев заинтересирана уште пред некоја година , ама не можев да најдам нијанса во Мк , сите ми беа чудни, темни. Ја најдов по цена од 8 евра на Notino страната, имаше доста нијанси а претходно јас мислев дека воопшто нема светли нијанси во продажба. Пудрата е врв , "легнува" одлично на лицето , немам пробано да ја нанесам со четка туку само со сунѓерче , лицето изхледа толку убаво, како фотошопирано. Покривноста и е нешто поголема од 123 перфект и нема брашнаст изглед, полумат е , но трае сигурно околу 8 часа на лицето (подолго ја немам оставено). Не оксидира исто така. За мрсна кожа идеална е! Дефинитивно мој нов фаворит на пудра и со две раце потпишувам дека е многу , многу подобра од некои др поскапи пудри што сум ги користела порано.
Заљубена во дезодорансот. Неколку дена го користам и мирисот ми е преубав. Како на креми за сончање ми мириса
Заљубена сум во гелов за туширање. Ги обожавам геловите на felce azzurra ама овој посебно ми се допадна, мирисот му е многу пријатен. Ноќнава крема за лице. Наменета е за сува кожа, откако ја користам лицето ми е одлично, не ми се "перута" конечно кожата на лицето. Веќе второ пакување почнав од производов и не само омилен производ на месецов туку и на годинава. За сува кожа е одличен.
1. Olival мицеларна вода со масло од смил Во последно време ја користам мицеларната вода на Olival и многу сум задоволна. Одлично ја отстранува шминката од лицето и особено е нежна за очите. Шишенцето е 500 мл и долго трае, а цената е само 350 ден. Уште една придобивка што ја забележав кај мене е значителен раст на веѓите кој претпоставувам дека е благодарение на маслото од смил. 2. Крема за раце од Balea со алое вера Оваа крема за раце од Balea со 20% алое вера исто ја користам подолго време и многу сум задоволна. Ја омекнува кожата, убаво мириса, брзо се впива и рацете ги прави меки и нежни. Цената беше околу 70-80 денaри во ДМ.
Наутро, веднаш после гелот за миење лице. 1. Grow gorgeous hair spray - Спрејот го добив во пакетот од месечната претплата на lookfantastic, прв пат го сретнувам овој бренд и не знам ништо повеќе за него. Го нанесувам на коса пребришана со крпа после миење, прскам и напред и позади само на врвовите и многу ми се допаѓа ефектот. Врвовите не се суви, имаат некој сјај и на допир се нежни и меки. Прв пат ваков предобар спреј сретнувам и топло го препорачувам. 2. Catrice единечни мат сенки - Овие сенки имаат пигментација така што може да се нанесуваат со послаб и појак интезитет, мене ми се допаѓаат како брза опција за некаде, минимална шминка или како помошна сенка при појака шминка. Имам две нијанси и би купила повеќе.
Не на месецот, откритие на годината ми е!!! Користам на Натура Сиберика продукти, ама ова ми е последно откритие за чистење лице. Така што гелот од Береза кој до сега го користев а ми беше хит станува втора опција. Пред некој ден со нарачката ми го пратија ко тестерче и иако ретко пробувам тестери, му дадов шанса и многу пријатно ме изненади. Имав за неколку пати и веќе го обожавам. Само што си го нарачав. Имам масна кожа, подложна на акни во пмс. Многу убаво чисти, го пробав и на пудра. Остава многу пријатно свежо и чисто чувство на кожата. Пишува дека може да се користи секој ден, иако првично план ми беше да го користам само навечер, сепак ќе го вметнам и во утринска рутина, кога ќе ми заврши тој на Береза, а до тогаш ќе го користам во ноќната рутина. Прашањето ми е, оти навечер користам и капки витамин Ц, па дали можам да продолжам и со нив покрај гелов или многу ќе му дојде?! Се плашам од несакани ефекти.
Го обожавам аргановото масло, ми ја прави мека кожата и многу убаво мириса. Задоволна сум Серумов е woww ептен ми се погоди за моево лице и толку нежно ми го прави, ептен сум си го погодила За моево чисто лице, со 2 3 бубулици ептен ретко што ми излегуваат, многу ми е погодено, после чистењето некако ми е свежо лицето, и ми се допаѓа како ги вади "нечистотиите" Повеќе го користам како гел(може и како маска) нанесувам, благо масирам и плакнам со вода и веднаш лицето ми е свежо, мазно и чисто, така да задоволна сум
Маскава за коса ептен ми е погодена. Ја имав користено и претходно наизменично со други производи за коса, но сега дека ми се потрошија другите маски за коса само неа ја користам и приметив дека убаво ми делува. Косата ми е многу мека, мирисот е навистина убав. Плус бојата ми е иста откако бев на фризер, не знам дали има навистина влијание маскава. Но, стварно сум задоволна за таа цена. Кога сум кај маски за коса, знам дека не ја пофалив оваа маска за коса во темава, а ми текна за неа сега. Пред 1месец ја потрошив, но многу беше убава. Следно идење во дм ќе ја прекупам. Уште еден производ за коса. Откако се решив да и направам балајаж, многу ми беше страв да не се оштети, па ептен сум опседната со производи за нега на коса. Млеково за коса веднаш се впива убаво во косата, не ја прави мрсна, мирисот од кокос е прекрасен и се чувствува долго , а косата е многу мека, сјајна и делува свежа на врвовите каде што јас нанесувам од млекото за коса. Кремите за раце на Зиаја. Малку подзалади деновиве, одма приметив дека ми стана посува кожата на рацете, нанесов од кремата истата вечер и веднаш ми беше утредента кожата хидрирана. Спас ми е за рацете. Мирисот не ми е убав како на пример неколку мислења таа погоре од Балеа кремата за раце што ја постнав, но битно е дека функцијата си ја врши одлично... Лабелово беше фалено многу на форумов и затоа го купив. Потврдувам дека е одлично. Цело лето го користев постојано, и на плажа да се заштитам од сонцето зошто секое лето шетав со пресушена уста и сум презадоволна. Единствена замерка ми е што вкусот/мирисот не ми е многу пријатен, се навикнав како што го користам, но уште да беше некое овошно слатко такво ќе беше совршено. И сувиот шампон за коса од Batiste го купив по препораки што читав тука. Задоволна сум и од него. Веќе второ пакување ми е, го користам постојано на 2 ден од миење коса, ми дава волумен. Косава брзо ми се мрси пошо ми е права и откако го имам ептен ми олесни со тоа да не ја мијам преку 1 ден ако треба да одам некаде. И мирисот на овие шампони е исто многу пријатен. Мицеларнава вода од Гарниер ја користам со месеци, па заслужи и она некој пофален збор. Ја користам таа што е со вода од ружа, наменета за сува кожа. Одлично ги вади нечистотиите и шминката, не ја суши кожата и не прави иритации.
1 Овој дезодоранс преубаво мириса се заљубив. 2 Млеко за тело на Севнтин. Сите мирисаат убаво ама ова омилено ми е. За трајност да не зборувам не ти треба парфем а и плус убаво хидрира.
1. The organic shop mask marrocan argan & amla - Една од поубавите нискобуџетни маски за мрсна и сува коса, за обнова и потхранување. Јас користам на врвови и на цела коса некогаш, добивам мазна и сјајна коса, потхранети суви врвови изгледа убаво на изглед и лесно се расчешлува. 2. Ph Bio shampoo Miglio e Avena Сосема случајно го видов овој во лидл и го земав, цената му е соленка малку за таа милитража но се става малку а дава многу. Имам мрсно-сува коса по миењето ми изгледа здрава и хидратирана, во комбинација со маската погоре многу убав ефект дава, не ми создава перут и не ми се мрси брзо. Во двата случаја убаво се расчешлува. 3. La roche posay Effacla gel foam По долга консултација со членка од форумов решив да го земам, го користам веќе две недели и мислам дека преубав е. Го контролира себумот да не ја надмине границата на лачење а притоа да не го исуши лицето, едина маана е што има чуден мирис кој може ќе ви пречи во почетокот но потоа станува навика. 4. Dr. Konopka тоник за лице од лаванда Тоникот е одличен за мрсна кожа склона кон акни, искрена да бидам предобро ги чистеше whiteheads па веќе наредниот ден ќе немав ниту една. Мнгу ми се допаѓа што е хранлив и ми помагаше и за хормонските акни.
За волумен на коса е одличен. Најдобро нешто што имам користено досега од ваков тип на производи наменети за волумен. На dove геловите за туширање секако ми се убави, но овој првпат го користам од летово и многу ми се допадна мирисот, баш е смирувачки некако и многу убаво ми мириса на чисто и нежно. Задоволна сум и од оваа дневна крема за лице од Балеа. Убаво ја хидрира кожата. Новата колекција на лакови од Аура е одлична. Даваат многу убав сјај, бојата е трајна и не се лупи брзо. Доволен е и еден слој. Едина замерка е дебелата четка со која не можам прецизно да го нанесам лакот. Овој кармин многу ми се погоди. Откако го имам се по него посегнувам. Доста е пигментиран, задоволна сум и од трајноста. Ме изненади квалитетот за цената.
Лабело за усни од Alverde со мирис на праска Првпат користам производ од Алверде, но ова е полн погодок за мене и баш ми се покажа многу ефикасно. Не е мрсно, ги омекнува, хидрира и заштитува усните. Уште една голема предност е прекрасниот мирис кој јас лично го обожавам. Го купив од ДМ за околу 79 ден. Ви препорачувам да го земете и да го пробате. Имав план да пофалам и производи што ги користам за лицево, ама ќе си почекам уште малку за да видам дали ќе продолжат да си ја вршат функцијата.
