Mark Ruffalo Има толку cute и невина фаца, одличен актер, посебно му лежат романтични улоги, но одличен е и во Sutter island. Cillian Murphy извонреден актер, има толку широк спектар на глума, од страсен љубовник во The Delinquent Season, трансвестит во Breakfast on Pluto, негативец во Red Eye, целосно се внесува во секоја улога, баш камелеон. Има лице кое совршено се вклопува во филмови кои датираат од минатите векови. Philip Seymour Hoffman Кралот на споредните улоги, бунтовен тинејџер во scent of a woman, потоа во култниот Red Dragon, откачениот другар во Along Came Polly, добитник на оскар во главна улога Capote … штета што прерано го напушти овај свет. Edward Norton му лежат улоги на морален и паметен лик како онаа глума во Тhe red dragon, се надмина себе си во American history X, одличен во култниот Fight club. од постарите Anthony Hopkins Кој би можел подобро да го одглуми Ханибал, од држење на тело, глас и налудникав поглед, глумец кој зеде оскар за најдобар актер во Кога јагнињата ќе стивнат со само 13минутно појавување во текот на целиот филм, маестрален во секоја одиграна глума, совршена комбинација со Бред Пит во Legends of fall и Meet Joe Black, одличен и во улогата на страсен љубовник заедно со неморалниот лик на Никол Кидман во The human stain. Robert De Niro Младиот Корлеоне во Кум, мојот омилен лик меланхоличниот Taxi driver, Casino, строгиот и немилосрден очув во This boy’s life, A Bronx Tale и многу многу други улоги, великан во филмската индустрија. Да не ги спомнувам Леонардо ДиКаприо и Бред Пит, речиси сите филмови изгледани, родени за глума, а богами и згодни.
Ми даде инспирација ме поттикна да напишам некој збор на темава Марк Рафало е солиден актер со добар актерски потенцијал покрај споменативе улоги се истакна и со улогите во филмот Зодијак на Дејвид Финчер каде имаше доста добар перформанс, Spotlight (Под Рефлектор) филм добитник на оскар за скандалите во католичката црква - одлична улога на Рафало, има забележителна улога и во филмот Децата се во ред глумејќи покрај Анет Бенинг Џулијан Мур, Миа Вашиковска. Силијан Марфи е добар актер, Едвард Нортон има солидни актерски квалитети, но сепак од сите претходно наведени се истакнува се издвојува маестро Филип Сејмор Хофман (А класа глумец) неверојатен талент, беше еден од најдобрите актери во Холивуд, зад него остави впечатливи улоги кои вечно ќе бидат врежани во аналите на кинематографијата со златни букви, ќе биде запаметен по неговите неверојатни улоги на Труман Капоти за што го добива оскарот за најдобра машка улога 2006 година, маестрална улога во Сомнеж на Џон Патрик Шенли глумејќи рамо до рамо со Мерил Стрип можам да кажам дека за нијанса беше и подобар од Мерил во улогата, Сомнеж е филм со исклучително добри актерски перформанси од страна на сите актери, 2008 година имаше 4 номинации за оскар за Хофман, Стрип, Ејми Адамс и Вајола Дејвис ( ветувачка, надежна, актерска екипа која секој би ја посакал и која во иднина ќе доминира на холивудската сцена што се покажува како точно до ден денес) убедливо најдобар филм според актерски перформанси таа година. Хофман чиј живот прерано згасна е голема загуба за филмската индустрија, талент кој недостига и ќе недостига на филмската сцена. Заслужува да биде споменат и Даниел Дел Луис еден од најдобрите актери.
@boomsleng баш ми е мило што те поттикнав да пишеш на темава, не сум го гледала Сомнеж, прва прилика. Ќе пишам некој збор за женските актерки кои ми оставиле впечаток. Kate Winslet кој би можел подобро да ја одглуми Роуз во Титаник? Толку природна и спонтана глума. Совршени партнери на филмското платно со Лео и во Revolutionary Road, штета што остануваат само добри пријатели во реалноста. Одлична во научнофантастичниот Eternal Sunshine of the Spotless Mind каде косата и е обоена во смели бои, Добитник на оскар во контраверзниот The reader каде глуми љубовница на младо момче, потоа во романтичниот the holiday кој е одлично филмче за опуштање дома со семејството, Sense and Sensibility филмско остварување според книгата на Остин, The Dressmaker… Julianne Moore Уште една убавица, Кларис во Ханибал, таа сцена каде Ханибал ја носи во раце спасувајќи ја од дивите свињи ми остана во сеќавање, одлична во контраверзниот Chloe опседната од млада девојка, The еnd of the аffair каде глуми заедно со Ралф Финес впуштајќи се во љубовна авантура, биографскиот The prize winner of Defiance, Ohio каде глуми пожртвувана мајка на 10 деца и сопруга на алкохоличар, the hours…. Charlize Theron за прв пат ја видов во филмот Monster, чудовиште ама баш во вистинска смисла, маестрална глума која и донесе оскар, не ми се веруваше која преобразба ја претрпе, Bombshell, одличен пар се на филмското платно со Кијану Ривс во The Devil's Advocate и Sweet November. Michelle Pfeiffer Модна икона со уникатен стил полна со самодоверба тоа е сенузалната Елвира во Scarface, потоа заедно со Шон Пен во потресната драма I am Sam, дел од култниот The witches of Eastwick, одлична во историската дрма The аge of Innocence, Dangerous minds…. Мерил Стрип иако е прогласена за најдобра актерка на сите времиња со најмногу номинации и оскар награди, го делам мислењето со Шероун Стоун- едноставо преценета.
Сум го испуштила, се надевам ќе ми прости Jeremy Irons кога си од тие генерации на цртани од времето кога излезе Кралот Лав, филм кој не се заборава и секогаш те потсеќа на детство, тогаш тешко дека ќе го заборавиш гласот на Скар и одличната синхронизација. Damage колку само специфична и комплексна тематика обработи неговиот лик, крајно болна и неморална. The House of the Spirits собрани на едно место едни од најталентираните актери, ликот низ годините го остарија до перфекција, имаш впечаток како да си сведок низ годините на промени, а неговиот лик одлично го одглуми строгиот и суров сопственик. The Mission, пожртвуван и праведен отец со големо срце. Потоа Night Train to Lisbon, исто и M. Butterfly еден од ретките филмови каде разврската ме остави во неверување, да се преиспитувам за ставот, намерите и згора на сето тоа по вистина приказна, никој не би можел подобро да се снајде во улога на толку наивен, заслепен и заљубен. Stealing Beauty во улога на болен кој е на работ на смрт во преубавата Италија, во The Man Who Knew Infinity му прилега улогата на професор од минатиот век, одличен став, држење на тело, имиџ, костими, стил. The Words, и за крај Lolita, сум ја читала книгата и ретко филм толку да ја долови целата сторија, самиот лик кој е меланхоличен, дури и самата се изненадив што неговиот лик ми побуди чувство на грев место на вина. скоро повеќето од филмовите глуми мизерен лик кој се вплеткува во чудни и непријатни ситуации со несреќни околности, едноставно природата на ликот се вклопува во такви улоги, а гласот едноставно му е совршен за раскажување. Има некоја чудна убавина која е ништо на лик типична за холивудските стандарди на заводник.
Чарлтон Хестон, Мајкл Даглас, Џек Николсон, Ал Пачино, Роберт Де Ниро, Том Круз, Ен Бакстер, Кира Најтли, Мерилин Монро, Кејт Бланчет, Мерил Стрип, Гвинет Палтроу Имам уште, ама прво заради изгледот ми привлекоа внимание и не ги пишам
Денес на 77-годишна возраст почина Мето Јовановски, мојот омилен глумец од македонската филмска и театарска сцена. Извонреден и незаборавен во улогите на Илко и Драгослав, во ненадминатите "Тетовирање" и "Среќна Нова '49".
Многу сакам да се дружам со Jennifer Coolidge, ептен ми е срцка. Ќеиф ми е лани што доби златен глобус за улогата во The White Lotus.И ги обожавам сите исти ,,глупа, богата плавуша" улоги.
