Mислам дека нема конретна тема за Онлајн курсеви, а ако има- клуч. Би сакала да продискутираме за онлајн курсевите и веб страните кои нудат вакви курсеви. Дали сте слушнале, сте практикувале претходно, дали имате позитивно или негативно искуство, колку сте научиле? Ете да тргнам од мене, од пред 5-6 месеци почнав да слушам бесплатни онлајн курсеви на https://www.coursera.org/. Универзитетите од каде беа курсевите кои ги слушав даваа и бесплатни Statement of Accomplishment ако го положеш курсот со определени поени, па така си добив и 3 бесплатни сертификати дека сум ги положила курсевите. Ме интересира вашето мислење за оваа веб страна https://www.edx.org/ Дали сте имале некое искуство и дали даваат бесплатни сертификати или сертификатите се само со плаќање?
јас имам искуство исто со курсера и има курсеви од разно разни области. така да +1 за курсера. До сајтот едх го немам посетувано но незнам и https://www.pluralsight.com e исто одлична библиотека од курсеви.
Единствена критика на Курсера во последно време, е што сите курсеви кои започнале овие месеци или месеците кои доаѓаат, ги направија со сертификати од 50 долари. Значи да добиеш документ дека си го положил и посетувал курсот, мора да се плати. Во спротивно, видеата можеш да ги гледаш, но некои определени вежби не можеш да ги решаваш...
Ја имам и се уште ја користам Coursera, предобра е ептен сум задоволна. Исто така добра страна е и https://alison.com/course/ - вреди да се посети, има многу курсеви од најразлични области. Многу ми послужи за Биохемија затоа што имаше Биохемија 1, 2 и сл., мислам дека така им функционираат повеќето курсеви. Поздрав.
Да така е ама и не е така. Имаат и доста курсеви за кој не треба да плаќаш. Ти гледај ги видеата немора да решаваш задачи. Па за некои курсеви кој ти се во твој домен и вреди да се плати.
Дали може некој да ми помогне? Некој добар онлајн сајт или нешто за изучување на француски / германски бесплатно?
Ајде да ја активирам малце темава. Видов погоре има мислење за Duolingo, но би сакала да слушнам повеќе мислења. Ја користи некој апликацијава и ме интересира дали може солидно да се научи јазик од неа?
Јас ја користев кога прв пат почнав да учам германски. Сега пак во последно време се активирав и се уште сум задоволна од целото искуство. Според мене, помага доста околу запомнување на вокабулар. Една негативна страна што морам да ја споделам е тоа што околу граматика, овој пристап не ми е од голема помош. Памтам кога прв пат почнав да учам германски, граматика бев дупка. Знаев основни работи, но никако не ми влегуваа во глава падежи, промена на придавки, заменки и слично според лице, број, падеж. Иако кратко објаснување кај секоја лекција, кога станува збор за граматика, не можеш да се потпреш само на Дуолинго. Јас би препорачала симнување на книга (од оние кои ги користат на курс на пример Menschen или Schritte - овие се учење германски на пример, но ако изгуглате сигурно ќе најдете кои книги се користат на курсевите за останати јазици), тоа може да го направите на оваа страна, верувам ги има повеќето книги, како и останата литература (https://b-ok.cc/) и да ја следите програмата на тој начин а Дуолинго да биде само како додатна помош. Исто и https://memrise.com/ би ја предложила. Оваа може дури и подобра да е за учење на вокабулар. Има многу курсеви, можете и сами да си направите ваш курс па други луѓе да го учат а има и официјални курсеви што ги направиле самите луѓе од страната и такви има за повеќе јазици, на пример германски, турски, кинески, шпански и многу други.
Јас ја имам DUOLINGO си ја симнав на тел многу одамна и скоро 90% ми помогна да научам нешто,само единствена замерка ми е што не можеш да учеш некои јазици како Албански,грчки и некои др
Jас ја имам користено, конкретно за Шпански јазик. Солидна апликација, но мислам дека имаат пропуштено некои основни области и граматиката не е многу опфатена. Кога стигнав до одредено ниво ми се чинеше дека сѐ се врти во круг и немаше нови теми,туку сѐ беше повторување од претходните. Сепак, доколку ти е за лична употреба, а не професионална, може доста да се научи. Да не знае некој квалитетни страни за учење јазици онлајн?
Има додадено доста јазици меѓу кои и Грчки. Албански се уште нема, но можеш да ја провериш во случај да ставиле некој јазик освен Грчки и Албански кои би те интересирале.
Се цитирам сама за да не се повторувам, ама истите совети би ти ги дала и тебе во врска со учење јазици онлајн. Memrise има програма за учење шпански јазик.
Како сте задоволни со курсевите од Udemy? Ми излегуваат спонзорирани на Фејсбук и гледам дека скоро цело време се на огромни попусти. Поточно сум заинтересирана за курсевите за Дигитален маркетинг, ги отворив повеќето и читав ривјус, некои се ептен задоволни, ама некои викаат дека курсевите се преопшти и бегинер левел, ептен се теоретски а практично ништо не учиш и дека после гледале на Јутуб по 7 саати видеа за да им стане јасна одредена работа. Исто дека биле повторувачки и некои тутори ги тупеле многу истите работи. Моментално поминав неколку модули од бесплатниот курс на Гугл за Дигитален маркетинг, интересен е и забавен ама сега за сега е преопшт и не добивам некое практично знаење, па затоа сакав да разгледам некои други курсеви што се плаќаат.
