Опиши се!

Бааѓи висока и со големи облини. Долга и црна коса и густи веѓи ко бркови да имам на чело да ги ибам У фацата сум ко ружна лети очите ми се малце закосени и поима немам зошто а ич не личам на јапонец или таков човек само ми се закосени од некоја причина,устата ми е голема и полна и е единствено нешто кое што си го сакам на фацата.
Сакам авантури,забава,најмногу си го ценам семејството и покрај сите глупости кои што ни се десиле,секогаш сум тука некому да му бидам рамо за плачење,директна сум и брзоплета ептен, доста глупости ми се случиле во животот и поради тоа малку се кријам зад безчувствителноста иако сум ептен осетлива, секогаш гледам да имам поинакво мислење и да не се вклопувам во толпата ако не се во право! Имам ептен забегана смисла за хумор и знам понекад да претерувам ама тоа си е тоа. Доста грешам,во љубовта не сум некој пример за верност, одам ептен по забранети нешта, ама ако некого засакам знам да сакам ептен и ќе направам свашта за тој да е среќен ама баш свашта иако секогаш самата на себе сум си на прво место и си имам строги принципи и граници

 

Имам 14 години, кафеава боја на коса и виткана смеѓа сум хаха .
Висока сум, па не сум се мерела некое време ама имам изгледа околу 170 и нешто цм. Не сум дебела али не сум и нешто мн слаба...
Имам добра страна што можам да го ислушам некого за неговите проблеми и можам да бидам рамо за плачење и исто така можам да помагам.. ама и многу сум тврдоглава инаетчика сум голема и кога за нешто ке се заинатам му нема спас на тој со кого сум се закачила...
Кога се запознавам со некого обично на почетокот сум малку срамежлива и додека не сум сигурна во личноста не сум многу слободна со неа ама потоа кога ќе се зближам со некого и имам доверба во него можам да зборувам со него за секакви работи и да правам глупости...

 

Малечко зрнце со црна надворешнот и разнобојна внатрешност во која се преливаат сите оние бои кои што предизвикуваат сериозни халуцинации. Кревка и силна. Најдена, па изгубена, Талкач по туѓите кошмари и ползач во туѓите сништа. За сивила не знам, никогаш не сум ни посакала да знам. Она кое што лежи во мене, она исконското... Е тоа. Безброј пати го имам допрено, но сеуште не успеав да му пронајдам дефиниција. Понекогаш не е достојно за било каква дефиниција, а понекогаш било каква дефиниција не е достојна за него. Можеби не се ни осмелувам да го дефинирам, затоа што мојата потсвест мисли дека ќе се заплашам. Кога љубам или се надевам, кога чувствувам, чинам дека целиот свет го лазат морници. А кога ќе им дозволам на своите демони да ги симнат своите маски, сум направила уште една грешка.

 

Па вака,ја сум си црнка девојчица со кафеани очкици и можете да ме препозаете по секогаш бушавата коса. И по буцкастата градба на телото.
Личност сум која не сака да се нервира за ништо а,сепак ке се изнервирам дневно најмалку 10 пати за најмизерни работи.Емотивна и осетлива личност која премногу се соживува со ликови од филмови,книги и сл.
Кога сум заљубена се чувствувам како балон затоа што ми се чини дека во секој момент ке пукнам од возбудата,пеперутките (читај слоновите) во мене.
Личност сум која треска се што и падне на памет,и обично кажуем безсмислени работи и глупи и секакви.
Позната сум по глупирањето дефинитивно,ама кога ке речам глупирање мислам на глупирањеееее како изведување бебешки гримаси на сред улица и многу слични мои глупости.
Премногу филозофирам,прееемногууу ама што да правам кога на многу по комплициран начин ги сфаќам работите,и некогаш сакам да сум глупа и да не мислам на ништо како поединечни личности во мојот живот. (дефинитивно смајливо потсетува на Тони Михајловски)
За одредени работи имам многу цврст став,а за некои работи па малце сум и нестабилна личност.
И,да,јарец сум во хороскоп и на сите им велам дека не сум инаетлива а уствари инат најголем сум,јарчиште низаедно.
Кога сме веќе тука,верувам во хороскоп,можеби и премногу.

Не сум дружељубива личност,не сакам да внесувам многу нови личности во мојот живот,но доколку некој се однесува океј спрема мене,сака да се дружи со мене Welcome

И,да,мојата најдобра особина е тоа што ако нешто ми смета ке го отерам во пизда материна,ке го елиминирам од мојот живот,едноставно не сакам нешто да ми го намалува расположението дневно и ако нешто такво забележувам веднаш Адиос.
Освен ако не е некоја личност што ми значи,ако е некоја таква личност тогаш ке и кажам дека тоа и тоа ми смета и ке и кажам со големо двоумење и со претпазливост да не ја повредам.

И,даааааа мрзелива сум како мед,е,баш така!Како што тој не сака да тече,така и јас не сакам да мрдам,имам голем процент на вискозност.

Уф,текстов

 

Црвенокоса, зеленоока, висока и слаба.
Избувлива и тврдоглава.. Инает бетер магаре
Добар слушател сум кога треба некому да му помогнам.
Премногу чувствителна, ставам се при срце моментално периодов. Ама и тоа ќе помине
Сакам да патувам, да запознавам нови култури, нови личности и ме радуваат ситниците.
Не сум материјална личност. И кога сакам, сакам до крај.

 

15 год. метро и желба за растење Црвена коса со средна должина,кафени очи, големи гради, рамен стомак и нормален задник. Учам во средно медицинско Др.Панче Караѓозов смер забен техничар.
Искрена и секогаш го кажувам тоа што го мислам (и кога треба и кога нетреба). Секогаш насмеана и расположена. Сакам да читам книги. Убаво пеам (барем така ми кажуваат). Добра другарка и се дружам со сите. Не сум материјалист. Свирам клавир. Мразам луѓе што постојано се жалат за нешто (плачат за внимание)и очекуваат сите да ги тешиме ..Неќам дволични. Не се заљубувам лесно, односно до сега воопшто и се немам.
Животна желба (цел) ми е да го прошетам светот па ако имам шанса и подалеку. Не се откажувам никогаш и верувам во себе

 

172 cm, 22 години, не сум дебел (70тина кила), плави...или зелени очи...не можам да кажам точно

Сакам добри книги, спорт и видео игри. Брутално сум искрен...тоа можи и маана да ми е, зависи кој како гледа, ама она брутално кон било кој (најлесен пример она кога некој пее некој и му велат или и велат абе добро е, убаво си пееш, јас сум тој кој вели, те лажат, ужасно е). Не ми е проблем да зборувам за било што со кој било, макар и да се знаеме 2 дена пошто не ми е ни многу гајле дали ќе прекажи, кој ќе дознае и што ќе мисли, а и ќе знам колку може да се верува на таа личност понатаму. Присебна личност, не се нервирам многу освен кога играм Дота.

Мразам прости луѓе и глупи работи/постапки. (она кога за св. Никола во Прилеп се прават сарми и старците трчаат со тенџериња да земат што повеќе ко да не виделе) проста работа... Тешко сум импресиониран од нешто и затоа и поретко давам комплименти. Не ми е срам да побарам помош ако треба за нешто или да прашам некој нешто што не го знам јас. Пеам трагично, не пеам уствари, рикам. И играм како труп (ора, танци и сл.) Ретко започнувам комуникација прв освен ако нема некаква причина или треба нешто да прашам нешто ама после си терам најнормално. Кога ќе засакам нема назад и не изневерувам (воедно и не лажам). И кога правам со некоја муабет во живо, а ми се свиѓа почнувам да се кочам некогаш

 

Физички:169-170cm висока,зелено-кафени очи,долга кафена коса,средна градба.Во хороскоп сум овен,па претпоставувате дека сум тврдоглава и импулсивна.
Немам толку многу самодоверба.Зависна сум од музика(најмногу сакам рок ),мразам турбофолк,обожавам мачки,гитари ...и благо многу сакам. Исто така многу сакам да цртам,хоби ми е од мали нозе. Искрена сум,за лажење не ме бива баш.Лесно се нервирам и се лутам,но за кратко време заборавам на сѐ. Многу ги ценам пријателствата,ги почитувам пријателите,а истото го очекувам и од нив,иако тоа понекогаш и не го добивам,ама ај...Песимист сум,но се трудам да го сменам тоа. Голема спанка,а и мрза .Не сакам гужви,не сакам кога ме препрашуваат за некои лични работи,не поднесувам луѓе кои врска од правопис немаат,а тоа не го признаваат и упорно тврдат дека сѐ знаат.Ај доста е.

 

22 год,висина појма немам околу 165цм (незнам точно од причина што секогаш се правам дека сум повисока хаха),зеленоока,кафеава долга коса,слаба
Што се однесува до тоа како личност каква сум хмм Риби сум во хороскоп по дифолт абе емоционална у пм,знам да си се расплачам на некоја глупост,филм и сл и тоа ужасно ме нервира,а најчудното па за покажување емоции кон други малце сум покрута(тоа најверојатно од работи што ми се случиле во минатото)
По природа сум многу весела личност,настојувам на работите да гледам позитивно,иако имам ситуации кога знам да бидам негативец ама тоа трае одприлика еден еден Ми се случува да сменам многу брзо расположение(можеби тоа кога сум во ПМС )
Сакам патувања,сакам да креирам што е можно повеќе убави моменти,сакам да пробувам нови работи(Дечко ми ми вика ти се што ќе видиш,се сакаш да пробаш хаха)
Обожавам да играм(сега не толку често,ама порано знаев после школо глас до крај и си играм хаха)
Инаку

Спојлер

ако си збориме веќе искрено обожавам и секс хаха со дечко ми нормално

Го почитувам моето семејство и мојата фамилија (во принцип сме голема фамилија која е многу блиска)
Сакам да ги ислушам тие што ми се блиски и доколку можам да помогнам,незнам да кажам не на некој што ми значи
Мана ми е што ако станува збор за некоја животна одлука или нешто слично секогаш пристапувам со несигурност и недоверба а одпосле се опуштам,таква сум и кон луѓе што не ги знам добро,комуникативна сум да но не претерано и секогаш со доза на резерва
Искрена сум,не знам да лажам,и да излажам ќе почнам да се смеам хаха и многу мразам луѓе што ме лажат па затоа несакам ни јас да лажам
Сакам книги,обожавам криминалистички серии
За љубов кога сакам за мене не постои друг,сакам без резерва...
Моментално не ми текнува друго,иако сигурно дека има уште многу други работи

 

13 години висина 1.62, 48-9 килограми личност која брзо простува лесно се лути личност која ги има најдволичните дургарки,во хороскоп сум стерелц,не мењавам долго брзо расположение.

 

24 години, висока, плава, со облини. Сакам да читам книги, да се дружам, да шетам. Си ги сакам и почитувам пријателите, семејството. Имам смисла за хумор, често правам шеги и на своја сметка. Рак сум во хороскоп. Толерирам многу, простувам, но кога некој ќе ја помине линијата толку е, крај е.

 

Црвенокоса 22 годишна, фарбана на кладба. И си се бендисав, па вака поминав две години.
Не сум висока, и го мразам тоа. 157 сум од 8мо одд. и престанав да растам.
Многу мразам кога зборувам за себе ама ајде.
Обожавам да се натпреварувам и победувам во игрички макар било и табланет. Порано глумев лудило и исклучиво пиев само чај. Сега му напнав на кафето за сите пропуштени години.
Имам добар слух, знам да свирам клавир и да пеам под туш. Некогаш се нервирам кога мајка ми ќе ми упадне у соба, а ја настапувам на евровизија (хаштаг украден твит ама се пронаоѓам).
Имам фобија од вода и не знам да пливам. Ме фаќа паника ако видам море,езеро,океан макар и на слика.
Сакам да пишувам со наострен молив и не сакам да пишувам раскописно. Ме иритираат несредени ликови, во поглед на хигиена. Забележувам и најситен детаљ ко што се неискубани веѓи. Перфекционист сум и признавам дека ми е маана. Ме привлекуваат мажи кои се мистериозни и кои потешко се отвараат пред непознати. Сарказмот и смислата за хумор е второто нешто што го сакам кај нив. А убави дланки и очи ме прават да се заљубам многу брзо. Неорганизирани личности ми одат на нерви, па најчесто ги избегнувам.
Го сакам мирисот на асфалтот после дожд, и шетање низ град со слушалки и музика пуштена на најгласно. Најчесто radiohead или porcupine tree. Никогаш не јадам сладолед во лето, а ми се пријадува во зима. Ги мразам овошните... Сакам секс на брзина, и адреналин. Го обожавам pewdiepie и сакам идниот маж да личи на него. Сакам да подарувам уникатни работи, а богами сакам да ми подаруваат и мене такви.Да не се отварам премногу тоа е накратко.

 

На изглед... па,што знам. Нормална висина,нормална килажа,темна коса и темни очи. Што има врска изгледот како и да е
Голем алтруист сум,хумана личност сум и секогаш сакам да им помагам на луѓето. Било ли совет да им дадам,да ги утешам или да ги одбранам,ме исполнува кога оние околу мене се среќни. Понекогаш излегувам и наивна,понекогаш сум искористена ... и затоа тоа го сметам и како предност и како маана. Ја обожувам музиката,стриповите и авантуристичките филмови и фантазии. Истотака,играм видео игри и свирам на неколку инструмента. Не сакам дволичност,лажење и себичност. Во хороскоп сум водолија со подзнак во рак

 

Абе сега верувале вие или не,ама да ви признаам,сепак сум човек цело време,а не стршленка Страхотен plot twist,знам.
Епа ми беше ептен досадно по дома пошто сум на боловање и решив да си се анализирам малку самата себеси опишувајќи се.
Доколку ме следите подолго време на форумчево веројатно сте ми виделе некои слики,затоа што имам прикачено доста слики од себеси,секако со (донекаде) скриен лик. За да не испадне постов како оглас за дечко барање како што искрено ми звучат некои,а и не ми беше поентава да се опишам физички,туку психички, ќе дадам само основен опис на мојот физички изглед - висока,слаба и убаво градена. Кафена коса,блед тен и сино-зелени очи.
Жива ми е циганката уште,нејќу да се фалам

Е сега,карактерно.
Се сметам себеси за легенда. Никогаш не сум имала проблеми со самодовербата и имам високо мислење за себеси,кое во одредени мерки и не е лоша работа. Многумина ми велат дека сум пријатна за дружба,на прв поглед многу олабавена,безгрижна и ведра. Многумина ми велат дека знам да ги забавувам луѓето,дека имам одлична смисла за хумор и дека е интересно во мое друштво. Јас се сметам себеси за отворена и дружељубива девојка. Огромен алтруист - многу ми е важно како другите се чувствуваат во мое друштво,но многу помалку ми е важно што тие мислат за мене. Во животот се водам според сопствениот мерак - го правам тоа кое што мене ми причинува задоволство и никогаш не прифаќам нешто помалку од тоа кое што го сакам и кое што сметам дека треба да е мое. Ако нешто ме интересира - со полн ентузијазам ќе се вложам во него. А ако нешто не ме интересира воопшто не се нафаќам за тоа. Никогаш немам мерка во тоа - или давам се’ од себе или не давам,ама баш ништо. Со луѓето сум искрена до тој степен што неретко тие таа искреност ја помешуваат со дрскост,но со право. Знам да претерувам со својот хумор,знам гадно да ги повредам луѓето,но секогаш си ја признавам грешката и работам на својата брзоплетост. Гордоста не ми е голем фактор во животот - воопшто не ми е тешко да се извинам и да го повлечам својот став кога ќе почувствувам потреба за тоа. Ниту пак,како повеќето девојки имам чувство дека „ќе ми падне чинот’’ ако на тој што ми се свиѓа му пишам прва,ако некоја девојка изгледа подобро од мене и слично. Не се замарам со такви нешта и воопшто не ги уважувам. Едноставно го правам тоа што ме прави среќна. Ни кавгаџика не сум,ама ич. Одбранбени механизми за да избегнувам болка - немам. Не се плашам од болката. Свесна сум дека срцето често ќе ми биде кршено и дека пријателите често ќе ме изневерат,но сите тие нешта ги имам прифатено како составен дел од животот и не чувствувам потреба да „градам ѕидови’’ околу себе. Всушност,доколку нешто во животот ме повреди,добро ќе се исплачам но после тоа ќе се осигурам никогаш повеќе да не плачам од истата причина. Секогаш патам сама,не сакам својата тага да ја споделувам со луѓето. Кога сум среќна тоа го знаат сите,но кога сум тажна тагувам во тишина. А кога ќе пројде само малку време,веднаш си ја враќам насмевката на лицето и се лечам самата себеси токму со сопствената позитива. Жалопојќи и драми во животот - воопшто не сакам. Иако долго време се занимавам со глума - попрво животот би си го толкувала како една голема комедија отколку како трагедија. Во љубовта сум доста нескротлива,палава и идеалниот партнер за мене е некој кој би можел да го скроти мојот дух но да го заинтригира мојот ум. Интелигенција,смисла за хумор и шарм. Романтична воопшто не сум. Ниту пак сум некоја „дама’’. Имам скроз слободен дух и можам слободно да кажам дека сум токму спротивното од „пуритански’’ воспитана девојка. Во принцип немам лоша душа ниту пак им мислам лошо на луѓето,но не се сметам себеси за личност која што е премногу добра,и искрено си признавам и самата пред себе - има ептен зезнати делови од мојата психа. Знам да си го организирам времето како што на мене ми одговара и да пронајдам време и за работа и за праење мрсул со флашата у раце. Се’ на се’,огромен авантурист,

 

Здраво,

Се обидувам на научам повеќе за жени, и ме заинтересира твојот опис, па ако може да ми елаборираш на неколку полиња би ми значело.

- Кажуваш дека си "доста нескротлива,палава и идеалниот партнер за мене е некој кој би можел да го скроти мојот дух но да го заинтригира мојот ум". А пред тоа кажуваш дека "Свесна сум дека срцето често ќе ми биде кршено", што ме збунува.

Значи си неврзлива, палава (сеедно ти е) а пак ти го кршат срцето? Како тоа се случува?

- Не си романтична. Дали тоа има некое поголемо значење? Дали романтика рачунаш за нижа вредност, супликација, или едноставно passe?

- "Ниту пак,како повеќето девојки имам чувство дека „ќе ми падне чинот’’ ако на тој што ми се свиѓа му пишам прва,ако некоја девојка изгледа подобро од мене и слично.". Тука прашањето ми е, како доаѓа во игра шармот и смислата за хумор, ако си ти стално отворена и правиш се што те прави среќна? Како што разбирам, шарм и хумор се игра на зборови и мистерија, а ако си ти доминантна и отворено, не би имало место за тоа? Може некој пример?

Фала од напред и поздрав.

 

нема потреба од објаснување, само види фотос...

Спојлер: опиши се...

се е исто, само немам толку долги трепки ...
а карактерно, ...се движам само по градски коловози....

 

Oпаааа, @AziskaStrslenka , @Igrata ти фрли око .

Спојлер

p.s.

this is too much... i cant take it

 

Спојлер

Аууу Мадамкее ај да му ја местиме ако не?!
@Igrata искаш да ја стискаш другарка ми??? Кажи веднаш и дур да речеш пицла ти ја местам!!!

Паа, вакви да ми бидете!!!

 

Зошо и правите така на девојчето, само сакав да научам нешто повеќе

Шала на страна мислам дека другарка ти има развиен антипатизам кон мене хаха

 

Лол, па безобразни сме! затоа така му прајме на дејчето.
... Па шо ако, ја можам да ти средам одма и цап цуп ќе ја ќариш! И онака заладува, вие ете ќе си ги затоплите односите.