Органска храна е онаа храна која е одгледана или произведена по природен пат, без инсектициди, пестициди, вештачки ѓубрива, хормони за растење, антибиотици, вештачки адитиви, вештачки бои и храна која не е генетски модифицирана. При производството на органска храна сите машини се чисти, со цел храната да нема никаков допир со каква било хемикалија. Дури и при транспортот на органската храна се посветува големо внимание транспортното средство претходно да биде добро исчистено од било какви хемикалии кои би можеле да ја контаминираат храната. Зборот “ органски ” е стриктно дефиниран. Секоја храна која е означена како органска мора да исполнува дефинирани, строги стандарди. Наводни предности на органската храна Храна за која сме сигурни дека е здрава Органската храна содржи повисоко ниво на витамин Ц и неопходни минерали како калциум, магнезиум, железо и хром, но исто така и неопходни антиоксиданти кои се борат против ракот. Свежите органски производи содржат околу 50% повеќе витамини, минерали, ензими и останати хранливи материи од не-органски одгледуваните земјоделски производи. Научно е докажано дека органската храна е подобра за човекот. Храна која не содржи адитиви Органската храна не содржи адитиви кои можат да предизвикаат здравствени проблеми како срцеви заболувања, остеопороза, мигрена или хиперактивност. Помеѓу адитивите кои се забранети во производството на органска храна спаѓаат хидрогенизирани масти, аспартам (вештачки засладувач) и моносодиум глутамат. Храна која е произведена без пестициди ( се употребуваат но во минимални количества) Преку 400 видови хемиски пестициди секојдневно се користат во земјоделието, па затоа и често се присутни во самата не-органска храна. Затоа, органски сертифицираната храна не содржи никаков вид на пестициди кои се штетни по здравјето на човекот. Храна која не содржи генетски модифицирани состојки Генетски модифицирани растенија или состојки не се дозволени во органските стандарди. Храна која не содржи никакви антибиотици или други видови дроги Во светот постои голема загриженост за употребата на антибиотици кај животните кои би можеле да имаат негативни последици за човековото здравје. Органскиот сертификат гарантира дека храната не содржи никакви антибиотици. Храна произведена по високи стандарди Органската храна доаѓа од извори на кои може да им се верува. Сите фарми на органска храна, како и сите компании производители на органска храна се подлежни на секојдневни инспекции. Стандардите на органска храна се дадени од Европската Унија и се составен дел од Законот на ЕУ. Грижа за животните Здравјето на животните има значајна улога во органските стандарди. Придобивките од органскиот пристап се поддржани од многу светски организации кои се борат за правата на животните. Грижа за природата Органскиот начин на производство е добар за природата, не ја загадува со разни хемикалии, произведува помалку јаглерод диоксид – главниот глобален гас кој ја загадува земјата – како и помало количество на опасни ѓубрива. Би сакала да ги прочитам вашите размислувања за органската храна.
Веќе мислам дека не ни може да се најде органска здрава храна. Онаа што е произведена по вештачки пат нема никаков мирис ни вкус а она што е произведено демек не прскано со пестициди...зависи во каква земја се одгледувало - колку е таа загадена. На крај краева и дождот што паѓа не е чист затоа што ни воздухот не е чист. Пр. кога ќе ги видам плантажите со јагоди покрај автопат накај Тетово, бре бре што се убави ама никој не размислува дека од издувните гасови на автомобилите паѓаат штетните материи - во најлош случај олово. Или пак, се прска со хемикалии во дозволени количини, како па да не, да не се прскаат нема да стојат овошјето и зеленчукот ни 2 дена, веднаш скапуваат.........
се наоѓа органска храна , но е многу скапа.Нашите услови т.е. во нашава земја се такви и многу малку можат да си дозвалат такво задоволтво т.е. да јаде храна која е целосно здрава.
Јас радо би се хранела со органска,ама за мои услови е прескапо. И моите ме разбираат,ама сите сме свесни дека финансиски се не издржува. Инаку,сега во Биокулт во ГТЦ се наоѓаат супер производи. И онаа во Буњаковец,не е лоша продавницата,незнам како се викаше... Ама,ете ќе си се труеме,дур не станеме милијардери.
Баш сакам да верува дека органската храна што ја купуаме е органска, ама не сум сигурна дека е така. Баш пред некој ден купив органско оризово млеко, го платив 150 денари 1л, и читам во состав .....органско ова она и црвени алги, случајно изгуглав и најдов напис во кој пишуваше дека црвените алги што ги ставаат за згуснување се штетни и забранети во Европа, а производителот на ова оризово млеко е од Белгија, епа не е фер ем да даваме пари и да мислиме дека јадеме и пиеме нешто здрава , а воопшто да не е така. Ако има некој слично искуство нека сподели. Имам уште една дилема ако може некој нека ми објасни, што значи тоа кога на пакетче од органска храна пишува потекло Кина (хељда), Америка(просо) , а произведено во Грманија?
Има ли некој подобро начитан за бананите? Знаете ли кои производители треба да се одбегнуваат а кои се добри? Секоја информација е добродојдена.
Tоа значи потеклото на намирниците е од тие наведени земји таму се одгледуваат,како примерот со хељда кој си го навела,а е произведено тест пакувано во Германија . Од ова што го напиша,да се запрепасти човек,значи ретко каде навистина се продава органска храна Пример,јас кога бев во Швајцарија,купував органска храна,поточно зеленчук и многу беше поскапа од неорганската храна,но веројатно навистина било органско
За мене органска храна е онаа која си ја произведуваме во нашата бавча. Зад куќата си имаме поголемо земјиште и си го обработуваме сами, со домашни семиња, без никакво прскање и хемикалии. Редовно ни доаѓаат пријатели, си седиме во дворчето и си јадеме. Сите до еден признаваат дека плодовите се неспоредливо вкусни со купечките. Но, многу други работи мораш да ги купиш, и мене ми е жал што многу од нив се екстремно прескапи, треба да земаш 3-4 пати поголема плата за да се храниш исклучиво со нив. А, друго прашање е колку навистина се органски и природни. Мислам дека во поголемиот процент се природни, но сепак имаат некои додатоци.
Здраво, јас сум огромен љубител на растителните млека, не сум веган ама ете ги преферирам пред обичното кравјо млеко. Омилени ми се од ориз, бадем и јачмен. Е сега вистина е дека се скапи најефтиното она на алнатура кошта 105 денари, најскапото во биокулт е до 279 денари за литар. Е сега доколку си љубител на оризовото млеко еве ти линк од моја статија како сама да го направиш дома, верувај ми ќе потрошиш 10 пати помалку а квалитетот е ист ако не и подобар. http://biodevojka.blogspot.com/2015/03/blog-post_30.html Следно ќе пишувам за бадемово млеко, како да го направиме сами. Поздрав.
Kupuvam pretezno organska hrana osobeno za deteto. Mnogu poskapa e od obicnata pa ako ne mozam da si priustam se na spisok da bide organsko, barem rabotite od zivotinsko poteklo gi zimam organski: jajca, Mleko, meso, jogurt. Ovde vo Amerika imaat lista na najzagadeni 12 proizvodi gi narekuvaat dirty dozen I se pridrzuvam do nea, znaci proizvodite koi se naogaat na taa lista gledam organski da gi kupam. Najcesto na listata se: kompir, spanak, maruli I salati voopsto, jabolki, celer, brokula, jagodi.....Toa se proizvodite vo koi najmnogu pesticidi se zadrzuvaat i upotrebuvaat. Veruvam deka organskata hrana e mnogu pozdrava od konvencionalnata, no ne veruvam deka e do tolku cista Kako sto bi bila dokolku si ja bereme od bavca. Razlikata inaku e ogromna uste na Sam pogled se gledaat organskite jabolki Kako se so prasina, so dupcinja I sl, a do niv gi gledas obicnite izmackani so vosok, svetat Kako da se nacrtani Isto I pileskite gradi organskite se malecki Kako sto I treba da bidat gradite na edna kokoska, a koga gi vidam neorganskite izgledaat Kako gradi od misirka, ne od kokoska Ke ne istrovat so hranava znaci, se poloso I poloso stanuva, a cenata na organskite e tolku visoka sto ne sekoj moze da si dozvoli da se hrani 100% organski
Купувам органски производи кога поминувам низ ГТЦ во БиоКулт али и јас сум скептик околу тоа колку навистина е органска таа храна, има декларација и све али такви времиња дојдоа шта чеш...најчесто земам Мед Тартуф и тој обичниот ливадски, од соковите чат пат, од млечните производи и од јаткастите плодови, бадеми најчесто...
Купуваме органски производи кога можеме и колку можеме. Нема сеуште голем избор и цените се многу високи за наш стандард. Сеуште не сме сигурни со сопругот колку таа органска храна е 100% органска. Сепак во Македонија живееме и повеќето производи се увезени или се пакуваат овде. Прашање е дали препакувачите се дрзнат да смешаат неорганска со органска или да ја продаваат обичната како органска.
И за таа храна декларирана ко 100% органска, не можеме да бидеме сигурни дали е таква. Единствено сум посигурна кај јаткастите/зрнести плодови.
Еден период купував органска храна и козметика но потоа почнав да се сомневам во веродостојноста на стандардите за органско производство а реално и не беше воопшто евтина си кратев од други работи за да купам
Органска храна е за глупави луѓе да фрлаат пари на истиот производ додека производителите тријат раце. Не се користат кристални ѓубрива, грешка. Се користат кристални Фосфорни и Калиумови ѓубрива, исклучок се само Азотните и од нив само брзо-растворливите. Пестициди и Хербициди исто се користат но се на природна база. Регулативата е генерално повисока, но конвенционалното и органското и не се до тооолку различни. Не фрлајте пари на помодарство.
