Основни слободи и права на човекот за време на вонредна состојба

Поради тоа што многу се развлекува во другите теми прашањето за одземање и ограничување на основните слободи и права на човекот/граѓанинот, во консултација со @RainBow, за да не ги оптеретуваме другите теми, решив да отворам посебна тема, каде би можеле да продискутираме за рестриктивните мерки кои се воведоа заедно со воведување на вонредната состојба, а со кои мерки дирекно се засегнати нашите граѓански права.
Како држава, досега не сме имале искуство со вонредна состојба, па можеби затоа во почетокот на многумина не им беше јасно што точно значи таквата состојба и какви мерки повлекува со себе. За време на вонредна состојба, целата моќ во државата е ставена во рацете на Владата, која за времетраење на состојбата е и законодавна и извршна власт. Уставот и дава можност на владата во ваква состојба да носи закони односно уредби со законска сила, кои што за времетраењето на состојбата имаат иста правна сила како било кој закон. Се донесоа голем број на рестриктивни уредби, со кои пред се, се ограничува правото на движење на човекот.
Дали се согласувате со ваквите рестриктивни мерки? Дали сметате дека се претерани? Дали мислите дека со тоа ви е повредено некое лично право?
Мож тука да продолжите со цитирање на мислењата од другата тема и дискусијата за тоа да продолжи тука.

 

@An-na за време на пандемија се подготвува план и програма, се донесуваат прописи за нејзино спречување и сузбивање од страна на епидемиолози. И тие прописи мора да се почитуваат. Конкретно тоа што ти пишуваш не е регулирано со закон, зашто не може во државата за се нешто да има донесено закон ( не може законодавецот да предвиди идни ситуации), ние конкретно немаме ни закон за вонредна состојба, ама штом се изготвуваат епидемиолошки анкети сигурно има веќе донесено такви пропоси кои обврзуваат да ги кажеш контактите. Ти можеш и да прикриеш, ама ако не дадеш и после тој контактот твој излезе заразен и зарази други луѓе можеш да одговараш кривично за ширење заразна болест согласно член 205 од КЗ.

 

Не се согласувам со мерката за воведување на полициски час, особено со зголемувањето на истиот. Не е ефективен, фактот што е непрактичен е друга приказна.

Повредено е правото на слобода, но нели вонредна состојба, секако е од старт. Со сите мерки кои ограничуваат, само уште повеќе се намалува истото. И тука најтрагично е што поединци го барааттој полициски час, луѓе чие истото право е ускратено...
За после кај некои да има пу, пу, не сакам повеќе, ама веќе јавно стои дека прво некој го посакал. Па одма преминуваат во групата на тие "како мене". Али џабе е веќе...

Ете така.

 

Не се слагам со целосен полициски час со денови, уште помалку скраја да е дури две недели како што се спомна некаде. Ниту сега, ниту пак од почеток сум барала некогаш мерки до волку, пред да рипнете у таа насока. Како што спомнав и во другата тема, за наредниов празничен период како ризичен - сметам дека одамна требаше да се стави бескомпромисно катанец на црквите и џамиите, а не сите да страдаме ради заостанат неодговорен народ со кој делиме воздух.

Ме иритира и драматизирање, етикетирање и морализирање према личности кои, надвор од полицискиот час ќе излезат на воздух уредно сами и на пропишана дистанца од другите, најмногу па и сликање на истите како што на некои уште им е фора посебно по твитер.

Особено ми е гадничко и застрашувачки како луѓе нормализираат полициска бруталност, при полна свест и не баш саркастично или во афект. Кога сето ова беше ограничено на Вухан и Кина, ликнуваа видеа по интернет со насилство, влечкање и затварање луѓе сомнителни на вирусот, и мнозинството реагираа шокирано - а од кога се прошири насекаде, многумина се смеат и аплаудираат на полицајци тепачи од вукојебини у Индија (која е дно од држава, и у која вака се понашала полицијата отсекогаш) и викаат дека така требало секаде.

За апликацијата не сум доволно запознаена, треба да се информирам повеќе, но засега не верувам дека ќе ја симнам.

Не сум за снегулкарење и напнување колку што треба и не треба за слободите во периодов, имаше некои наши „интелектуалци“ со стварно тешки небулози, ама и не треба да си ги заборавиме сите принципи, права, менталното здравје и помислата каков свет ќе остане после сето ова. Гледам по социјални мрежи како воглавно партијаши напаѓаат и етикетираат ко недоветен секого што има и малку различно мислење, дури и прашања околу меркиве, па и искажани лични чувства дека шизнува од ситуацијава која и се заборава дека е далеку од нормална за секој организам - што е одвратно, искрено...

 

Каде завршува ќути, вондредна е, а каде почнуваат основни права? Кога ќе почнат пендреците да играат ко во Индија? Не ми е јасно како може со леснотија да се оправдува непотребно полициско насилство/изживување и одземање на лични документи без никакво објаснување. "Кај живееш, Македонија е", никогаш не ми бил валиден аргумент, само и те како знае да вришти на авторитарни предиспозиции. Ама океј, нели беше наведната глава сабја не сече...

 

Не сум за полициски час што трае со денови. Да бидам искрена, воопшто не сум за полициски час. Не знам која е поентата да не може да се прошета на воздух. Никаква логика ми нема тоа. Никој не се заразил на отворено, во природа. Но да не навлегувам во тоа, зашто ми се вришти од немоќ.

Јас сум за олабавување на мерките зашто почна да се оди во крајност. Секоја крајност дава спротивен ефект.

Никаква апликација не симнувам. Но, ништо чудно да стане задолжителна, како што тргнале.

 

Тoлку мнoгу ,,вoнреднa сoстoјбa" немaм слушано ни читaнo никaде (a се инфoрмирaм зa вирусoт не сaмo зa земјaтa вo кoјa сум туку и зa цел свет) кoлку штo имaм сaмo нa фoрумoв oвде и нa мк пoртaли. Секaде имa Уредби нoви, прaвилa, препoрaки, пa кoлку и дa се стрoги се кaжувaaт нa ублaжен нaчин сo видеa пoзитивни, пoрaки oд децa, хумoр, едукaцијa... Никoј не се пaли нa -вoнреднa сoстoјбa кo дa е херoјски филм зa крaјoт нa светoт пa упoрнo збoрење кaкo сегa прaвaтa нa нaрoдoт земени мoже дa се и тoј нaрoд не смее дa писне.
Oк, вo зaвиснoст oд ситуaцијaтa се превземaaт мерки и се дoнесувaaт нoви уредби кoи се временски oгрaничени и кoи имaaт смислa вo мoментoт. Кaкo тoa е зaдржувaње пaсoш 2 недели зaтoa штo си вo кaрaнтин, дерење ко да си стока од страна на полиција, вaљдa некoј требa дa oбјaсни a не дa се рaсфрлa сo -вoнреднa е мa знaеш ли ти шo знaчи шo сaкaaт ќе прaвaт дo пaсoш ли ти дoшлo мoже немa дa ти гo дaдaт шo ќе им е дoмa дa не ќе гo нoсaт...oк, нaмaли дoживљaј и запрашај се -зошто. На секоја нивна одлука запрашај се зошто, побарај објаснување ако не ти е логично, пребарај на нет, консултирај се со правни лица, дискутирај на форум...немој само -вонредна е, така рекоа, седи и ќути. Затоа што ваква состојба е одлична прилика да се вметнат неосетно правила кои ќе се задржат на подолг рок и кои се со диктаторска намена или како алатка да се заплаши, казни, контролира и манипулира народ. Не велам дека тоа сега се случува или ќе се случи, но...да се има на памет.
И во таква ситуација , пред да се донесат мерките, треба да се направи се' за да се олесни функционирањето на граѓанинот без да претставува дополнителен стрес.

 

Па да седевте ко луѓе две недели сами разумно дома без да акате по изнајмени вили, по паркови и други глупости, може и немаше полициски час да има.

А па да не зборам за вампирине стари, а уше помалце шо децата не можете да си ги зауздате.

Али океј, се знае Македонецот увек најпаметен, библиски народ кој со полицискиот час ќе му се воведе диктатура и ќе се припои државата со Косово, ќе стане голема Албанија и затоа Короната ја пуштија Америте, и лажат дека кај нив има толку умрени за да не посумњате у нив...

 

Хмммм... не се разбирам многу, ама.... како може некој да ме казни според правилник? Нели тој правилник треба да се базира на некој закон? Нели уставно ни е загарантирано правото на приватност и да не споделуваме информации? Имаме право да не даваме никакви информации ако сакаме т.е да се браниме со молчење, вака ли беше? Што е ова тогаш поразлично?
А ова со казнување кривично ако не кажам контакти или лажам е тотална глупост. И ако е вистина, браво за генијалецот кој го смислил. Со најдобра волја да помогнам, не можам па колку и да сакам да ги кажам сите контакти! Како би можела? Особено ако сум вработена и се движам на фрекфенти места. Ќе ме казнат ако не ја кажам тетката на каса во Тинекс и истата се разболе после, па некако отркијат дека јас сум била таму или само за блиски контакти? Ама пак, не можеш секогаш да ги помниш сите контакти и средби. Просто невозможно е, затоа и правилников е глупав, особено кривично казнување за истото.
Друго е јас да сум заболена и еве да не седам дома и да се лечам, туку да шетам, или да сум имала контакт со заболено лице, па да не се самоизолирам и така ги загрозам другите. Ама да ме казнат ако не им ги набројам сите со кои сум била во контакт претходно? Сериозно е ова?


Уште ова да те прашам: Има ли правилник, закон или што и да е што и како смее или не смее за време на полициски час или владава сега си носи одлуки во од? Прашувам заради случкава со ѓубрето во Скопје изминатиов викенд. Еве го Шилегов изјавува дека за време на полициски час не смеело ѓубре да фрламе, затоа прашувам.
Браво за генијалциве кои ги донесуваат правилнициве
Исто, читав во аптека само со болнички извештај смееш, инаку не. Аптеки имаат достава, ама лек на товар на фонд со достава тешко ќе подигнеш, а на пример мораш во сабота, не може претходно? И така.... генијални умови носат генијални мерки.

 

Нема да те казнат според правилник, туку поради непочитување на правилник. А ќе те казнат според Кривичен законик. Е сега ако убаво си го прочитала последниот дел од мојот пост, сум ти пишала дека ако не го кажеш контактот, он излезе заразен од тебе и зарази и други луѓе( значи да има последица), автоматски и ти го исполнуваш битието на кривичното дело Пренесување заразна болест, кое гласи ,, Тој што не се придржува и не почитува мерки и прописи кои се донесени за сузбивање и спречување на ширење на заразна болест итн и како резултат на тоа болеста се шири,,.Тоа ти е исто како некој што има сида и да не кажува на лицата со кои има сексуални односи, ради неговото право на приватност и ги испозарази сите.
Секој еден од нас има права загарантирани со устав, се додека нашите права не задираат во правата на други луѓе, односно се додека со моето право не се крши и повредува некое туѓо право. Ова и во нормална состојба е вака, не само во вонредна. Кога моето право ќе почне да задира во правото на некој друг, автоматски истото мене ми е ограничено.

 

Ана друго праша, и мене не ми е јасно.
Јас не можам да набројам со кој се' имам контакт минативе 2 недели.
И највеќе да се трудам, некој ќе заборавам, не оти сакам да прикријам.

Тоа не е намерно сеење, јас нели не знам дека сум болна.

Тука е таа недоумица.

 

Па не ти стигнува известување, туку тетката излегува позитивна, и бараат контакти. Она те кажува и тебе. Проверуваат и увидуваат дека тебе веќе ти правеле епидемиолошка анкета ама ти не си ја кажала тетката. И да не се фаќаме сега за тетки со кои сме се разминале случајно, зашто првичните постови на @An-na кои се во другата тема се однесуваа на не кажување на контакти, не на некоја рандом тетка, туку и на поблиски контакти, ради зачувување на право на приватност.

Ќе ја цитирам и @CameliaMiller овде, зашто поентата беше друга, не некоја рандом особа со која сме се разминале.

Еве вака да ја поставиме ситуацијата. Едно лице е ставено во самоизолација, се бараат контакти за да се стават и другите во изолација. И сега ова лице не сака да каже ниеден контакт. Или прикрива некој контакт, ради приватност. Утре ако ова лице и контактот прикриен излезат позитивни, контактот несвесно ширел зараза, ама ова лице што го прикрило, богами и не е несвесно.
Да не ги вртиме работите онака како што нас ни одговара за дискусија, стојат мислењата во другата тема, не стануваше збор за лица со кои се разминуваме, фала богу тоа никој не може да памти. Муабетот беше дека мене како лице во самоизолација нема сила ни закон што ќе ме натера да ги кажам контактите зашто тоа е повреда на моето право на приватност.

 

За вонредната состоојба, правата и слободите
https://www.dw.com/mk/вонредната-состојба-истекува-што-понатаму/a-53113305?maca=maz-rss-maz-pol_makedonija_timemk-4727-xml-mrss
Вонредната состојба не може да трае бесконечно. Оваа моменталнава истекува задутре. Дали и како ќе се продолжи, е предмет на правнички анализи. Не дека се по закон се прави во МК де, стално сите наоѓаат дупки да си ја протуркаат агендата.
И не дека Павле Трајанов ми е идол, ама убаво има сумирано:
Според него, некои од мерките не ги даваат очекуваните резултати и негативно се одразуваат на бизнисот, создаваат метеж пред банките, аптеките, продавниците за храна, односно стануваат идеални услови за ширење на Ковид-19.
„Некои од мерките и не се поткрепени со образложение. На пример, за два часа граѓаните над 67 години треба да купат и лекови, заштитни средства, храна, да ги платат сметките... Тоа е невозможно, и овие мерки не се во функција на заштита на нивното здравје. Уште помалку е прифатливо пред банките армијата да воспоставува ред, а не волонтери или редари од фирмите кои имаат огромни профити.

За апликацијата, и моралноста на граѓаните да ја користат: премногу несериозно и избрзано. И развојот на самата апликација, и начинот на нејзино имплементирање. Да, уплашен човек секакво апче ќе испие, ама што со несаканите ефекти од тоа апче? Што друго работи таа апликација? До какви податоци од вашиот мобилен пристап има? Што потоа со тие податоци?
Секако, никој нема да ви објаснува детали, ама запрашајте се, колку може таква апликација да биде сигурна, доверлива и безбедна, развиена за 2 недели и присилно пуштена во употреба, под закана од страв и обвинување за неодговорно однесување, ако не ја инсталирате истата.
https://expres.mk/stopkorona-e-visokorizichna-aplikacija-pishuva-goran-momiroski/

Цел свет се придржува до познатите препораки, ама во МК ако може (а нема зошто не би можело), се поместуваат границите на штета на основните права и слободи.

 

Ти благодарам Боа.
Ете тоа не ми беше јасно.
Блиски контакти секако ги знам и ќе ги набројам, но рандом луѓе во чија близина сум била или пак ете сум застанала леб да купам, сигурно ќе заборавам.
Се потрудив сега да се сетам на минативе 2 недели, и да, луѓето со кои се гледам се истите цело време, но случајните контакти ми е потешко да се сетам.

 

@CameliaMiller еве ти си медицинско лице, подобро знаеш од мене. Заразувањето во маркет од рандом тетки или од производи, не е веќе локална трансмисија. И на тетката во маркет нема да и текне на тебе.
Ама ако си пиела кафенце со другарка, си се сретнала со тетка ти, си се поздравила со комшијата, за такви контакти се зборуваше.

 

Па е повреда на приватност и на устав!!! Како сакаш кажи, ако одиме до ситни цревца сега.
Глупаво е смислено се, тоа ми е поентата. Како може да знаат дали намерно сум изоставила некого или сум заборавила? Полиграф? Глупаво е! Или некој таму ќе проценува дека лажам или не сакам да давам контакти? Место да одат со терминаторски став и сеење страв и трепет, треба нормална комуникација. Ова што ти го викаш е токму терминаторски и хитлеровски страв и трепет. Ќе кажеш или тешко тебе!

Сигурно ќе ми текне на сите комшии со кои сум се поздравила, да, да... Или на работа со сите колеги со кои сум се видела

 

На сам почеток успеавте да ја затупите темата, аман.
Еве, мене ми е јасно дека ако сум дијагностицирана денес, а завчера сум имала контакт со тетка ми, со поштарот и со колегите, треба да ги кажам заради нивна проверка и контрола над нивното здравје. Не гледам тука нарушување на приватност.
Edit> (сценарио) И во два супермаркети сум била. Не знам кој бил на каса. Можеби сум била и во цвеќара ама не сум сигурна. Имам симптоми, не ми е баш тука паметот.
Не ми е јасно што со продавачката во супермаркетот. Каква трансмисија е тоа ако не локална? И што со апликацијата?

 

Многу добро кажано, особено последниов пасус. И не само што се поместуваат границите на човекови права, туку и луѓево сами сакаат да бидат репресирани, а особено е жално што и правници те убедуваат дека тоа е исправно и така треба

Муабетов е што ниту ги знаеме правилниците, ниту некој точно знае било што (штом правник ти вика не знам, кој да знае) ниту е разграничено од кој временски период се бараат контакти (еве јас не знам) ниту кои контакти се задолжителни, кои не, итн... Еден куп нејаснотии и небулози затскриени зад превезот на опасност и колективно здравје.


Се прашувам дали, ако еве се заразам и дојдат да ми прават таква епидемиолошка анкета, некој претходно ќе ме предупреди за моите права и обврски? Оти, ако таа изјава што ја давам може да ми накалеми кривична пријава, претходно треба да бидам предупредена за истата, така ли е @BoaVista ?

 

Твоето право на приватност, се додека не загрозува нечие друго право, е ок. Кога ќе почне да загрозува, ондак ќе си го ограничиш за да не загрозува, во конкретниот случај ќе си ги наброиш контактите. А ако не го ограничиш и продолжиш ондак твоето право станува неправо и подлежи на казна.
Ај вака да ги поставиме работите што е твоето право на приватност побитно од моето право на живот кое ти ми го загрозуваш пошто не ги кажуваш контактите со кои и можеби и јас имам контакт?
И не, полиграф не е валиден доказ во нашата држава. Прогуглај за свесна и несвесна небрежност и за дирекна и евентуална умисла.
До ситни цревца одиш ти, упорно и упорно. Се обидов најкултурно и најчовечки да ти објаснам, нема сврха. Демократијата на која толку се повикувате е за малку посовесни и попаметни луѓе. Вака читајќи ве низ постовите не пропагирате демократија, туку анархија.

 

Ти не можеш никако да знаеш дали сум совесна или не. Не само според моиве мислења тука. Јас упорно и упорно се обидувам да укажам дека ваквата поставеност на правилници и закони (ако воопшто ги има) може сосема лесно да доведе до злоупотреба, терор, насилство, малтретирање и слично. Глупаво е решено, тоа ми е поентата.

Како јас го загрозувам јавното здравје ако не се сетам на комшијата Петре со кого сум се разминала и поздравила пред 10 дена во лифт? Еве истиот исто заболи, јас не сум се сетила претходно да го кажам и за ова ќе ми накалемат кривична, така сфатив според твоиве писанија тука? Или не се знае за што се пишува кривична, за што не? Кој ги прави тие проценки?

Наместо да даваме позитивни препораки и да шириме позитивна кампања, ние одиме со страв, терор, закани и сл. Тоа во 99% случаи дава контраефект.