Секоја чест на исклучоци ама какви адвокати има,па не е ни чудно што кубурат. Тужев еден измамник и скоро сета работа ја завршив јас,а не адвокатот. И после се прашувате колку ќе заработите,тешко е,кирија,давачки? Колку ќе се трудите за клиентот,ќе се ангажирате,колку ќе ве бие добар глас толку и ќе заработите!? Мене пак да ми треба адвокат би ангажирала некој друг и би се распрашала за неговите способности.А,не да го плаќам и јас да бидам „адвокат„!
Здраво, Ми требаат информации околу отворање на адвокатска канцеларија-самостоен адвокат. Дали може некој што има неодамна отворено канцеларија или е упатен во таа област, да ми каже околу почетните трошоци, давачките кон државата, лично гледиште, искуство во оваа област, за ризиците кои секогаш постојат. Ви благодарам.
Давачки имаш многу (за сметководител, за придонеси, за фирмарина, годишна членарина, за кирија, за струја, вода, комунали за канцеларијата, еднаш годишно такса за годишна сметка, за електронски потпис, за осигурување, секој месец банката кај што ти е сметката ти зема провизија за водење на сметка, изводи, налози, и сметај 2 пати годишно тековна состојба да вадиш за ажурирање/потврда на податоци) за придонеси мора да си осигуран минимум на просечна плата, вкупно месечно за да опстанеш ти требаат 500-600 евра (ова е минимум) но зависи и колку ќе ти биде киријата за канцеларија али сметај на добра локација испод 200 евра немаш... Заборавив да напишам и 10% данок на доходот за цела година. Треба да имаш месечен приход најмалку 1000 евра, за да кога би ги платил трошоците да имаш и за тебе заработка, под тоа работиш за државата и за газдата. Од лично искуство во Македонија многу тешко се заработува особено ако си млад човек, и посебно ако започнуваш од ништо. Да не те обесхрабрам и предомислам, ако ја вложиш сета твоја енергија, труд и веруваш во себе, и без разлика колку и да ти биде тешко на почеток и ако никој не ти помага, но си упорен и храбар, на крај ќе успееш, но верувај ќе направиш многу саможртви, искачање по дискотеки, пијанки, или дружба секојдневно - заборави, ќе треба во целост да се вложиш во работата, во смисла секојдневно читање, посветување на предметите максимално, ќе имаш многу стресови што од работа, што да заработиш за да ги платиш давачките на време, исто ќе имаш многу непроспиени ноќи, биди спремен да работиш под огромен притисок и во брзи рокови, и најважно немаш право на грешка. Се надевам не те уплашив.
Jas dobiv nekoi prvicni informacii, mi kazaa deka ima osloboduvanje t.e namaluvanje na pridonesite, odnosno prvata godina se plakjale samo 4000 den mesecno za pridonesi. Vo prvite 3 godini imalo danocno oaloboduvanje od danok na dobivka. Duri slusnav i deka imalo osloboduvanje i od firmarina, ama ne mi e 100 % proverena ovaa informacija.
Не знам дали уште важи мерката за ослободување од плаќање на придонеси 3 години. Провери, ако важи уште е добра потпора за старт. Околу канцеларијата, нај добро е да си со уште некој за да делите трошоци. Ако можеш и кај некој што веќе е разработен па да му помагаш со предмети и на тој начин да се покриеш. На почетокот секако е потешко, додека да те нАучат луѓето но после сами си доаѓаат со препораки. Сметководител можеш да најдеш и поефтин, распрашај се добро.
Здраво, Дали знаете комисијата при Комората за колку време излегува на увид за утврдување на постоење на минимално техничките услови за самостоен адвокат? Дали на почетокот од месецот кога има сесија или подоцна? Какви се вашите искуства во тој дел?
Здраво, може ли да сподели адвокат со своја адвокатска канцеларија, неопходните трошоци на месечно ниво? Без закупнина се разбира, неопходните трошоциза државата и тоа поединечно да ги наведе, доколку не му е тешко Благодарам
Колку е од помош доколку адвокатот има родител кој бил судија? Дали тоа помага во смисла на знаење, снаоѓање, па и дали играат врски тука?
Mnogu vlijae. Kolegite na tato sudijata ke mu dava predmeti kako privremen staratel. Zatoa i nemame pravna drzava. Nepotizam na sekoj cekor.
Познавам двајца адвокати, со родител по професија судија кој веќе е во пензија. Човекот иако е адвокат, абе мислам не знае да бекне, не знае муабет да направи, и не знам како плива во професијата, ама ете кога имаш грб лесно е. Да, затоа и немаме држава.
Со ,,ветер во грб" во адвокатура се успева за помалку од една година, ако пак се оди по потешкиот пат ,,со голи раце да се крши мразот" тогаш за да се успее во адвокатура потребно е едно 10 години
Така е, но не секогаш играат улога, зависи адвокатот од другата страна колку добро го познава правото па да го ,,затегне обрачот" па судијата да не може да одлучи поинаку освен правилното тоа што е согласно законот.
Добро, а дали е ок адвокатите јавно да кажуваат која партија ја поддржуваат, да одат по митинзи и слично. Според мене, не би требало така да прават, иако и тие како и сите граѓани гласаат. Која е целта со таа нивна партизираност и јавно парадирање која партија ја поддржуваат?
Искрено не знам што да кажам, секој има право на политичка определба, а тие колеги кои тоа јавно го искажуваат само лош впечаток си оставаат зад себе, и губат многу клиенти токму заради тоа што јавно истакнуваат дека поддржуваат или дека се дел од нечија политичка гарнитура. Јас можам за себе да си кажам, а и верувам дека е правилно, адвокатот треба да го интересира единствено правото и владеење на правото заради заштита на правата на граѓаните.