Отказ и сè околу тоа

За другарка прашуваш или тролаш? Ако си пријавена на минималец, тоа е платата која треба да ја зимаш, не е битно дали ти ги носи газдата дома лично останатите пари, ти ги плаќа на сметка како физичко лице или како било. Не знам како да ти објаснам дека има врска која сума ти стои во договорот, некој попаметен од мене еве нека ти објасни.

 

Тоа ме интересираше. Фала ти

 

Тролам. Досадно ми е, и се занимавам тука
Тоа што ме интересираше, ми одговорија тие што го разбраа прашањето.
Имај си убав ден

 

Препорака за четиво, да пролисташ кога ти е вака досадно, Закон за работни односи. Убав ден и ти да си имаш

 

Грешка си, договорот е битен и задолжителен од правен аспект, но нема врска дека е врзана со него висината на платата. Секој месец може да е различна, важно е да е на сметка бидејќи на таа сума се плаќаат придонеси.

 

Платата мора да биде внесена во договорот, а ако е подложна на промени се потпишува анекс, но не може една сума да ти стои во договор, а друга да ти се исплаќа на плата, освен ако не се бонуси и други додатоци кои треба да се регулирани со посебен член, или посебен анекс/договор. Секој месец може да има различна плата некој што работи по учинок, но и тоа треба да е наведено во договорот.

 

Така е, ама еве се договориле или постои договор на помала висина, меѓутоа работодавачот е коректен и ја качил платата во меѓувреме со усен договор или според други критериуми без да даде анекс, што ќе прави, ќе го тужи ли?

 

Не е коректен работодавачот воопшто, да не си играме играчки сега, ако не е пријавена на полна плата значи дека плаќа помалку придонеси и тој просек е важен и за пензија, и за помош од аврм во случај фирма да отиде во стечај, ликвидација итн. Да не било толку битно, газдата ќе ја пријавел на целата сума која ѝ ја исплаќа како плата. Усен договор не може да покрие или разреши никаква евентуална некоректност во иднина.

 

Ќе ти кажам само од искуство дека договорите се само на хартија кај нас, колку има само вработени кои се оштетени според договороти но џабе е бидејќи решавање спор на суд кошта не само ненормални суми на пари, ами и нерви. Затоа најдобро е штом има вакви неправилности во однос на неисплатени плати и придонеси, прекувремено работење итн, да се пријави и да се бара друга работа, затоа што не вреди да се докажуваш со недоделкани и неписмени директори.
А додека сѐ е во ред но формалности не се запазени, човечки е да се укаже и да се бара да се поправат.

 

Пак не се сложувам дека тој конкретен газда постапува исправно или коректно, не постои апсолутно оправдување зошто работник да биде пријавен на минималец ако во реалност зема поголема плата. Писмениот договор не е само формалност и да, колку што може да те оштети, може и да те заштити. Ама се сложувам дека ако работодавачите се несовесни, ние можеме макар да бидеме информирани и елементарните наши работнички права да си ги знаеме за да не бидеме во ситуација некој да не искористува или манипулира. Одговорноста е апсолутно и наша како работници.

 

Како што сфатив и тие плус и ги исплаќаат на сметка, ама во секој момент тој може да и исплати помалку од тоа, пошто црно на бело има за 18к.

@L.i.n.a.a побарај договор да ти стои 35к нето за ти да ди бидеш спокојна, ако за таа нето веќе плаќа придонеси, не би требало да му биде проблем. Зошто вака на договор ти стои дупло пониска.

 

Ако е пријавен на минималец а зема поголема плата тоа може само на рака а не и на сметка, така да сумата која ја добиваш на сметка е основицата на која си осигуран тој месец односно пријавен

 

Јас нигде не спомнав дека сум пријавена на минималец. Пријавена сум на таа плата што ми ја дава. Секој месец е различна.
Така да, не ми е воопшто битно која сума стои на договорот.

 

Мене ми е јасно, ама гледаш дека членката секој коментар има различни тврдења, така што да баталиме, и онака темава е за отказ, а не за нечиј договор за вработување. За сѐ друго си има адвокати.

 

Мора да има основ на кој фирма решава да ти даде плус пари кои се различни од она што стои во договорот и тоа на сметка, плус за нив мора да се плати данок ако се префрлаат од правно на физичко лице. Ама џабе ние расправаме, гледаш дека на крја искочи сѐ супер, плата и у договор и на сметка

 

Ај вака за да ти биде појасно
Цело време зборувам дека цела плата ми ја пуштаат на сметка, значи од правно на физичко лице, што значи дека за таа цела сума плаќаат придонеси.
Договорот е тука, само што никогаш до сега не е потпишан од моја страна. Така стои без потпис. Како, што, зошто, не знам. Е на тој договор, на таа хартија стои напишано минималец, меѓутоа јас минималец никогаш немам земено.
Значи сепак твоите тврдења паѓаат во вода.
Пс. Не знам кај читаш различни тврдења од моја страна

 

Договор за вработување значи дека двете инволвирани страни потпишале документ кој го прочитале, разбрале и се согласиле на условите во него, тоа е заверен документ, со печат и број, и секој си има копија за себе. Сѐ друго е спротивно на закон. Не знам што сакаше да дознаеш уствари, дали може да ти плаќаат плата каква што ќе одлучат во моментот? Апсолутно да, може и да те избркаат од работа, може и да не ти исплатат плата, може да те одјават без да знаеш, може да не ти платат прекувремени, викенди, празници, може ако се разболиш да те одјават за да не мора да ти платат боледување, сѐ може. Така што, ти наместо да се надмудруваш тука на форум, обиди се да разбереш што ти објаснуваме тука и обиди се да ја решиш ситуацијата со фирмата во која работиш.

 

Ова и со потпишани договори фирми го прават на вработени. Никаква гаранција не ти пружа договорот кај нас.

 

Во ред, го разбрав тоа, јасно ми е, но ситуацијава конкретна не е опишана како таква. Напротив, нема потпишан договор на законски начин и уште не е јасно дека сѐ е можно, бидејќи и таа минимум сигурносна мрежа наречена договор за вработување е непостоечка.

 

Можно е затоа што договорот за вработување е интерен документ и не зависи пријавата во АВРМ од него, ниту фигурира при поднесување на месечна пресметка на плата.
Во отсуство на истиот, доколку дојде до спор меѓу двете странки ќе важат ставовите од Закон за работни односи, исто како да потпишале основен договор.