Очекувања и планови во Новата година

Видов ваква тема само за 2016 и мислам дека и годинава заслужва.

Околу Нова Година сите поставуваме цели, ја перцепираме како нова цел, нова шанса, празен лист кој треба да го пишуваме наново. И како и секоја година, барем поголемиот процент од нас, не се држиме до тие цели. И не сме сами во неисполнувањето на нив. Одма после Нова Година сите почнуваат со вежбање. Одма после Нова Година се претплатуваат на диететски и детокс програми. Одма после Нова година се менуваме на неколку дена кон поскуваната цел пред да се откажеме и да продолжеме со животот како претходно што носи до разочарувања, ниска самодоверба, чувство дека не можеме ништо да завршиме, или просто кажано - дека не не бива. Но, дали е тоа вистина? Јас не би се согласила. Не е вистина. Единствена вистина е дека само пристапот кој го имаме не е ефективен и функционален, и треба да најдеме нешто што функционира за нас. И денес ќе зборуваме за начин/и како да пристапиме кон новогодишните цели.

Ќе почнам прво со краток личен осврт. Јас уште во Декември решив да си почнам со некакви месечни цели. Тоа го напрајв од повеќе причини: ако чекаме точен ден за да почниме нешто - секогаш имаме шанса да одложиме за следен „важен“ ден и сакав да тестирам месец унапред како ќе оди за да можам да презентирам како влијаеше на мене. Поставувам месечни цели така што одбирам само 1 работа на фокус, иако прам многу други. Менувањето не можи да се направи наеднаш туку е процес. И баш зошто е процес мора да го разбереме тоа и да не го брзаме. Исто така, тоа ни дава до знаење дека дури и да е една промена, ако не ја разработиме добро - нема да залепи. Така да не е важно само да напишеме на ливче или во планер која ни е целта, туку да напишиме и како ќе ја исполниме целта и „алтернативен“ план на однесување доколку некој ден поради било кои причини не успеваме да ја исполниме целта. Тоа ни дава можност ако напрајме „грешка“, да не се откажеме одма пошто сепак и праењето „грешка“ е дел од планот и имаме решение кое не е „готово се откажвам, никогаш нема да успеам“. За мене ова функционира, зошто пред се ме турка делот „згрешив значи се откажвам“ и имање уште еден слој „заштита“ функционираше полезно за мене па еве сега новата внесена рутина и цел ми продолжва и во наредниот месец, спремна да додадам нова.

Така да од лично искуство, чекори за исполнување на цели би биле:

1. Постави една цел во одредена временска рамка. За мене тоа беше рамка од 30/1 ден пред да додам нова навика или цел која сакам да ја исполнам.
2. Разработи КАКО планираш да ја исполниш целта. Многу е важно детално да размислиш како планираш да ја исполниш целта, дел по дел. Тоа овозможува да видиш дали одговара временската рамка за исполнување на целта, што треба да се смени, дали планираш само да се припремиш за целта, па да додаваш чекори покасно и слично.
3. Разработи план доколку не успееш да си исполниш целта во одредени денови. Имање алтернативен план овозможува да не се откажеме доколку не одиме по план, затоа што не одењето по план е уствари дел од планот? Прај смисла?
4. Запишувај. Запишувањето, црткање, правење визуелен план во планер, на табла, на фрижидер или било каде што одма ќе видиме планот е дневен потсетник пред се, да знаеме што сакаме да направиме, но меѓудругото самото пишење ни овозможува потрезвено да ги разгледаме деталите и чекорите кои сакаме да ги преземеме и да увидиме колку се тие реални.

Сега неодамна наидов на S M A R T и видов колку е сличен со мојот личен план и зато ќе го пишам тука кратко. S M A R T е акроним на зборовите специфично ( Specific; simple, sensible, significant), мерливо ( Measurable; meaning, motivating), исполнливо ( Achievable; agreed, attainable), релевантно ( Relevant; reasonable, realistic, result- based), временски ограничено ( Time bound; time- based, time- limited, cost limited, timely, time- sensitive). Ова е критериум поставен од Питер Друкер како концепт на исполнување на цели, покасно прошируван од повеќе автори, но знам дека не ве интересира историја. Иако мене ме интересира. Хехе. Сепак, покасно од други автори ( професор Робин Рупин) се зборувало дека акронимот треба да се прошитува према потребите и тука се споменува S M A R T E R, каде се додаваат два нови зборови: евалуирано ( Evaluated) и прегледано ( Reviewed). Тука имам и табела ставено ама ќе биди предолго ако се копирам тука. Има прашања кои треба да се постават по секој чекор и плус некои други стратегии ама пробвам да дочитате до долу, а не да се откажите на сред пат.

Ова е мое откритие и еве веќе месец се држам до него шо е голем успех па сакам „среќата“ во најмотивираниот период да ја споделам. Па да кажам, претходен месец ставив детален план за „здрави навики“, вклучително то го продолжвам и годинава. Почнав со вежбање, чим го земам теркот на то, се префрлив на нешто ново. Уште работам на вежбањето, ама сега имам плус „рутина“ шо ми е важна да ја имам. Или шо се смеам, од функционална пробвам да се напрам колку- толку функционална. И функционира.

Моите планови за 2022 кои се поголеми се: бош работа за да можам да си земам целта - лиценца. А лиценца ми е алатка за да си ја земам другата цел - „вистинска“ работа. И работата ми е алатка за да си ја исполнам последната цел - да продолжам со психотерапевтската едукација. И за се ова имам детален разработен план, на неќење према SMART прашањата, пошто SMART открив дека постои пред помалку од недела.

Моите планови за 2022 кои се помали се: промена кон здрави навики. Воедно помалите промени се тука и да ме туркат кон поголемите ( ако се менвам кон поздрави навики и поздрав начин на живот, имам поголеми шанси да исполнам, исполнливите ама сепак не прелесни цели шо ги имам поставено за 2022). Е сега, вежбање ми беше за Декември, сега Јануари си го продолжвам со исто темпо, со неделни check ups како се држам, со неделно планирање кога шо ќе вежбам, во која временска рамка ќе одам. Сега месецов, гордеј се со мене mommy @pdb123 решив дека е време да си средам skincare рутините и утрово странав, промрчив зошто то ми е најглуп дел од денот, ама ми виси на фрижидер обврската и м о р а м да ја чекирам па прицнав. Планот тука ми е, три продукти се, целта е да ги шкртнам на таблата шо ми седи на фрижидер после исполнување. И месецов ќе работам на градење на ова рутина. Февруари - не знам шо ќе биди следно. Ако не исполнам ова цел, можи ќе ѝ дам уште еден месец, ако исполнам ќе се префрлам на нова.

И тоето.

• Кои се ваши поголеми и помали планови за 2022?
• Како планирате да ги исполните?
• Дали имате одредена „стратегија“ која си ја користите за исполнување на целите?
• Дали до сега имате успешно исполнети новогодишни резолуции?