Парада на гордоста

Е за ова на пример, скроз се согласувам.

Ако можев јас да си го влечкам со мене ѓубрето, сите можеа.

Стварно сме гнасен народ...

Никој не треба да остава ѓубре.

 

Јас па не знаев дека дури и тие оставаат ѓубре.
Затоа напишав: паради, митинзи, настани... по политички митинг не е ништо поарно.

 

Вајлд се сложувам дека никој не треба да остава ѓубре, ама буквално во темата за сѐ нешто ги нападнаа. Само колку да докажат дека нешто "им фали".

 

А како очекуваш циркузанти да се облекуваат?

 

Праевме муабет за правење деца, на страна страсти и посвојувања. Природниот процес на правење деца го знаеме. Па и инвитро да е ти треба сперма.

Препрочитај подобро што пишав. Коментаров си нема врска со поентата моја шо сакав да ја кажам ама нормално на секое различно мислење од вашите се вртат во друга конотација размислувањата.

Еве не знам кажав. Не можам да се ставам на нивно место, значи не можам за да ти кажам како би се решило од аспект на тие кои навистина се чувствуваат така (0.01%). Има покомпетентни кои се занимаваат со наука јас се занимавам само со основни работи од биологија. За останатите, се знае дека нема да заврши никогаш ова, кажав дебел интерес е во прашање.

Нека ме просветли некој како може цел живот да си машко и од еднаш ти текнува на 30 години дека си геј? Стварно барам објаснувања за ова а да не се од типот “нормално, се кријаат ради осудувањата“

 

Ни религијата не треба прва да се чепка во човековите права, во креветите на луѓето, во матките на жените, ама ете се чепкаат со векови и уште очекуваат безусловна почит од оние кои ги газат.
Ако религиите и светите книги одредуваат што е природно, а што не - ај нека се создаде женски организам од ребро на машки и нека се оплоди некоја девица без секс ако може, м? Или уште полошо, да почнат дедовци да земаат за жени 5-6 годишни деца како тој Мухамед за којшто убиваат?
Смешни сте, поминато е времето на вашите идеологии, жал ми е посебно за млади луѓе кои се водат по ова.

 

Движењата за социјална правда воглавно се одликуваат со борба против сѐ што е уништено, нападнато или обесправено вклучувајќи ја и природата.
Да, по ѓубрето излегува дека некои само на журка дошле. Гадно е, и некој кој тврди дека знае што е дискриминација не смее да си дозволи да ја дискриминира природата. Скопје е свињарник, да ми опростите на зборот, барем добар гест би било секој да си исчисти зад себе. Утре истите тие ќе протестираат демек против загадувањето.

 

Да, излегуваат овие од влада баш затоа шо е фенси, а не затоа што ги поддржуваат, тоа е јасно.

ВИДЕО:
https://fb.watch/6ooZlycV5x/

 

Особата од сликата што се коментира е гот по облеката ако можам да забележам. Користење на крстот наопаку во гот културата не е нова појава, и нема никаква поврзаност со парадата или со хомосексуалноста. Вие како прв пат да гледате ваков аутфит со децении наназад постои, не ја разбирам малку шокантноста како нешто ново...

Всушност и можам да ги разберам ако дел од хомосексуалците се свртат спроти црквата или религијата, затоа што тие се тие кои ги деградираат во општеството. На крајот, секој го сака најдоброто за себе.

Навистина не знам зошто да ја мешаме религијата во сето ова, не сите се религиозни, и не сите припаѓаат на една иста религија. Користете барем други аргументи, религијата нели вели да не осудувате, има кој да суди. Не гледам дека се потепавте да коментирате за педофилијата во црковните редови низ светот.

Mода? Иако можеби поради тоа што поотворено се зборува и малку повеќе се прифаќа хомосексуалноста, па некои луѓе се послободни да пробаат како би било да се биде со човек од ист пол, не мислам дека е во подем хомосексуалноста, туку поради потиснатите емоции, неприфатеноста во општеството, срамот.. во минатото,.и тие што биле, не сте ги знаеле.

И во хомосексуалноста постои разврат, постојат неверства, постојат фетиши, појави кои апсолутно постојат и во хетеросексуалноста. И во хомосексуалноста и во хетеросексуалноста постои педофилијата која никогаш нема да биде прифатена. Сите појави постојат и во едните и во другите врски. Има и религиозни хомосексуалци, колку што има и нерелигиозни хетеросексуалци. Не знам зошто некои "неморални" ствари им се препишуваат само на едните. И во хомосексуалноста постои силување, и сексуално малтретирање, кое за жал најчесто поминува неказнето, како и кај хетеросексуалноста. Тоа што некој е хомосексуалец и по автоматизам му се препишуваат најлошите човечки карактеристики е предрасуда на која треба да работите.

 

А ај нека се оплоди маж тогаш. Глупости
Религијата веќе не чепка нигде затоа и светот е моментално тука каде што е. Проценете сами, дали на подобро или полошо. И светите книги не одредуваат што е природно него науката. Јас така учев, во учебникот пишуваше дека човек поточно женско може да се оплоди со помош на машките сперматозоиди за вас не знам. Нигде не пишуваше дека маж со маж може да створат деца, нити дека маж може да раѓа рецимо. Не сум некој верник којзнае каков нити се залагам да бидам, едноставно кажав претходно религијата е водич за морален живот ама пак не те праи одењето во црква верник а после тоа излегуваш и крадеш, тоа не е до религијата него до нас луѓето.

 

Никаде не пишува и дека треба ,,вештачки ,, да се добиваат бебиња со инвитро. Може се неплодни зошто господ така сакал. Што е со оние што не можат да имаат деца и тие се спротивни на вашето мерило нормално е се што се репродуцира.

 

Ако веќе тврдите дека хомосексуалноста е неприродна, тогаш и вештачкото оплодување е неприродно, и хемотерапијата исто така. Јас сум верник, во Библијата пишува како ТИ да живееш, а не како ти да им кажуваш на другите да живеат, за односот со другите во Библијата пишува две работи: 1. Сакај ги своите непријатели и 2. Не осудувај.

 

Во право си и ти...
Се' се користи да се дискредитира борбата на толку ранлива категорија граѓани...

Имаме уште муви за лапање...

Јас на пример сметам, дека напредок е да се има либерална демократија и социјално општество.

 

Не разбрав дали ова е група само за ЛГБТ поддржувачи или секој може да напише што мисли за ова. Јас ќе напишам, еве.
Јас лично НЕ поддржувам, затоа што според мене тоа е против вољата на Бога. Но исто така не осудувам никој, секој нека прави тоа што сака, си има право, нивен живот-нивен избор и така Бог ни кажува никого да не осудуваме, да почитуваме секого.
Само, почнува да ми смета тоа што моментално прекумерено се дава значај на сево ова, се промовира секаде каде што може, со тоа и децата почнаа да се 'трујат'(да не бидам сватена погрешно). Ќе образложам што мислам под тоа 'трујат'. Знаеме какви се денешните деца, а видат некој 'тренд' тие веднаш се во него, а видат нешто популарно и тие се со тоа, а видат стана 'позната' ЛГБТ популацијата и тие веднаш се дел од ЛГБТ. Доста луѓе се дел од ова популација само да бидат дел од тој 'тренд'.

Како и да е, животот е прекраток за омраза, така да секој нека прави она што мисли дека е исправно и она што го сака.

 

Новите генерации се со сè поотворени умови, се сè почуствителни на изборот на зборови и се со сè помалце предрасуди токму затоа што на нет, на социјални мрежи, во серии, филмови и музика, гледајќи од животот во поразвиените општества, можат да видат дека е океј да не си стрејт, да не си белец, да работиш нешто конкретно, а да не си жена, итн, бидејќи сето тоа е нормално и конечно се отвараат очите после толку време перење на мозок. Привилегирани луѓе со моќ убедувале други луѓе дека е подобро да си белец, дека е подобро да си маж, дека е подобро да си стрејт, а уствари во прашање се само луѓе. Сите сме само луѓе, сакаме кого што сакаме и изгледаме како што изгледаме.

Дали е пропаганда или е еволуција?

Еволуција во начинот на размислување, еволуција во зголемениот распон на гледања на нештата, еволуција во самосвесноста.

Затоа што кога конечно на нормалните нешта не им се става етикета на "ненормално", туку се претставува реално како што е во секојдневието, не значи дека е тренд. Тоа значи дека се случува отварање на очи, се случува едукација, се случува промена во општеството со ослободување од стегите и наметнување на луѓето да се срамат да бидат тоа што се.

Од кај знаеш дека децата во 2000та не ги привлекувал истиот пол? Само затоа што можеби не сте/се зборувале/ло, не значи и дека не се случувало.
Со ова тренд се правите ко паднати од Марс, као демек од вчера има геј луѓе.
Патем, луѓе сè уште држат разно разни диети и се искомплексирани, зошто се луѓе, и премалку време е поминато за да се направи некоја промена.

@x-MajaEsposito-x а дали е океј геј човек кој може да има деца, да најде сурогат мајка (ако е маж) или дарител на сперма (ако е жена) и така да го оствари своето право да биде родител и да го ја искористи својата среќа дека не е стерилна личност?

 

И што ако пробаат хомосексуална врска?
Сите сме експиремнтирале со својата сексуалност.
Не нужно со хомосексуални врски, ама со преференции и желби да.
Повеќето сме пробале повеќе различни работи во кревет.

И како не прави тоа 'отруени'?

 

Од секогаш имало хомосексуалци.
Не знам зошто сметаат дека е нова појава.

1978ма сум родена и во мојата генерација и постари, познавам луѓе кои се на спектарот на сексуалноста.

 

Затоа што толку им е распонот на размислување, и не, не е ова навреда, туку факт е дека гледаат ограничено, само она што они виделе и чуле дур се живи, само тоа е вистина.

 

За отруени не Ве сметам Вас како постари личности(мислам на зрели личности), затоа што сте добро запознаени со сé, знаете за што се зборува. Ама дали децата знаат што се тие поими? Или важно е да ги спомнат затоа што насекаде се зборува за тоа?
Ова го зборувам затоа што на социјалните мрежи, па дури и во реалниот живот сé повеќе деца се истакнуваат како дел од популацијата, а премногу се мали за да знаат што тоа значи и да се свесни за својата сексуална определеност.