Парфеми и спрејови за тело на Lush

Сеа на лето ако си го купила или тестирала, нормално е да не доаѓа до израз.

Дај му шанса коа убаво ќе залади, есен и зима најсоодветна сезона е за него.

 

Дали може да се врати производ порачан онлајн? Порачав спеј за тело на слепо според рецензиите мислев дека ќе ми се допадне, но ми смрди немам кому да го поклонам (не верувам дека на никој што познавам ќе му се допадне ова)

 

Кој е ако не е тајна? Иначе мислам можеш, ко да читав една членка дека има вратено спреј или парфем нз шо беше, не и бил траен, прснала еднаш па го вратила. Пробај врати им го.

 

Од lush ли? Сѐ ми се чини дека може, ама па зошто не им пишеш, прашај ги лично, објасни им, сигурно ќе те сфатат.

 

Dirty, еве сеуште не ми е јасно кога ги читам рецензиите на fragrantica дали се зборува за истиов мирис, дали нешто не е во ред со мојов не ми е јасно.

Овде на fragrantica читам го опишуваат како сензуален, addictive, па секси, па како сите ги прашувале кој мирис го користат па попаѓале по земја.. Јас не знам дали Lush ги тера вработените да прават профили и да објавуваат коментари бидејќи ова е се само не што е опишано тука. Ми мириса на пена за бричење каква што користеше дедо ми во раните 2000-ти, буквално, и тоа некоја ептен ефтина пазарска, со поминат рок или расипана од долго стоење, смрди како да не си се искапил со денови. Не осеќам ништо повеќе од обичен пеперминт, сум имала етерични масла од пеперминт кои мирисале далеку полуксузно од ова, јас не знам кој би сакал да мириса вака секој ден, ова не ни мириса како „парфем“, не е нешто носиво да го ставиш нити за онака кежуал, прво си реков ај да го прскам за на вежбање ама не, ми е срам од што мириса толку лошо. Јас сум општо љубител на необични парфеми, ароматични, хербални, земјени, но ова нема ништо од тоа, не се развива никако ни после неколку часа. Кога и го понудив на мајка ми која не е воопшто пребирлива по прашање на парфеми ќе добиеше нервен слом дека сум дала пари за ова.

Инаку не може да се врати и тоа изгледа е политика само кај нас, пошто читав во странство можат да се вратат производи без проблем, сега си имам нов освежувач за во купатило
Претходно вака се излажав и го земав Big, за него да не навлегувам ми мирисаше на некое средство за чистење, паметам дека се осеќаа некои цитруси но ептен ми мирисаше како средствата за дезинфекција што ги користеа за време на Ковид што се чистење насекаде кај што ќе влезиш. Не знам еве не ми е јасно како може некој да сака да мириса вака, да беа ефтини ќе разберев ама не се воопшто ефтини ако споредиме со другите брендови кои нудат далеку по софитицирани мириси, кои барем мирисаат пристојно да излезиш во јавност.

 

@MayDiamonds жал ми е што не ти ги задоволи очекувањата. Па уште и не враќале..
@carly j ко да ја читав дека има вратено парфем кој не и се допаднал, дали во однос на трајноста или што беше. Ако е на форумов, баш нека сподели како и' успеа.

Дрти е далеку од сензуален и секси мирис, го имам. Пеперминт и нешто што кажа ко колонска вода за мажи. Женственост и Дрти не идат заедно у никој случај.
Мене ми е онака мех, имам пишувано дека не ми се свиѓаат овој тип на мириси, а го земав оти ми се виде свеж за летово па да сменам. Иам доста спрејови и мириси изнакупено, па си дреме на полица, го прскам коа ќе ми текне.
Шо знам, не ми е гаден, не ми смета, но дека би го зела пак — никад!

И за Big иам пишувано, го иам мириснато, многу е недефиниран, не ми делува на летен, напротив ко јак да е, мава на некои глупи етерични масла. Дрти ми е даааалеку поподнослив, Big не иде у предвид да го зеам некад.

А ја ќе го изругам Mr Wallet.. Сфатив оти сум се заебала што го земав
Мислејќи дека е интересна комбинацијата, стигнав до тоа да веќе ми се стемнува коа и да го мириснам.. Само се надевам дека можеби есен/зима би го истрпела некако. Засега не ми се користи воопшто, а полн е целосно.

Пробувајте ги и тестирајте ги ако треба и по неколку пати пред да се решите да ги купите, премногу им се специфични, а често имињата и описите си немаат врска со мирисот.
И секој различен вкус си има.

 

Се двоумев помеѓу Dirty и Salty кога го земав, но Salty се потроши таман сакав да порачам и остана изборот на Dirty. Сега не ни сакам да помислам како мириса Salty што е толку исхајпан на fragrantica. Проблемот ми е тоа што јас едноставно не можам да тестирам производи во продавниците на Lush. Таму кога ќе влезам буквално ми се слошува од што мириса толку јако, воздухот е толку загушлив од сите производи што не ни осеќам што мирисам кога ги прскам тестерите, а имам влезено во неколку продавници низ Европа и буквално ама буквално во секоја е исто чувството. Штета што немаат мали паковања на спрејовите и парфемите на пример по 5-15мл за да можам пример достојно да го тестирам мирисот пред да го купам во големо паковање, што ми е премногу чудно бидејќи буквално сите ама сите парфемски куќи дури и најлуксузните куќи нудат мини изданија, не знам што им е филмот на Lush..

 

Поарно да не знаеш Салти како мириса.. И тој е колонска вода за постари мажи, но појак позрел мирис. Не ти го препорачувам.
Баш како што рече Мишела, премногу е машкаст.

Според мене само Let The Good Times Roll, The Comforter, Sticky Dates, Super Milk и Honey I Washed The Kids, тие пробај ги, но не на слепо, никако. Можеш и Sex Bomb ко што рекоа некои од членките дека им мирисал на чисто, мене не ми се свиѓа, но за вкусови сепак се работи.

И јас порано барав дали имаат нешто ко тестери, или така у мали пакувања од мирисиве, па да си купиш и да го истестираш на раат.
Имале некои washcards, не од спрејовите, од парфемите излеа само, демек се тушираш со нив, и се ослободувал мирисот. Мислам ги нема веќе достапни.

Друг гаден, според мене најгрд мирис од Лаш е Intergalactic glitter mist. Не само што е машкаст, него скроз е фуј.

 

Што е со "Lush" во последно време? Многумина се жалат. Спреевите за тело не се трајни како некогаш а околу 2000 ден се.

Dirty body е нешто како мента & лимета комбинација. Летен, освежителен.

 

Да да, мене ми е океј, ми се најде за летово, мислев не го користам, а не е баш полн толку, што значи сепак сум се прскала.
Повторно не би го купувала, но не е лош се' на се'.

Мена на мента и на морска свежина ми мириса, не ми пречи воопшто, Big на пример не би го поднела, многу е тежок.

 

Да , така нешто ментата доминира , морска свежина и минимална цитрусна нота. За преку лето е измислен. Штета само што не е така интензивен - траен како некогаш.

 

Стигнаа новите спрејови! Ако го мириснавте некој од нив на штанд, кажете дали вредат! Викендов ќе одам јас да ги проверам зашто на слепо не купувам веќе.

 

Сега гледам на инста спреј Supermilk. Не тој со светки, туку друг. Ме заинтригира, го пробал некој?

 

И мене ова ме интересира а и гледам има плус нови спрејчиња, ги пробал некој?

 

јас за ден-два ќе ги пробам, но од тоа што читав:

- супермилк не е блиску до прајмерот, траел повеќе од тој со светки но на мирис бил посличен до парфемот и не е толку благ. линеарен мирис, повеќе на цитрус. нема кремасти ноти.

- карма е како средство за садови со портокал, велат дека е сличен до парфемот само малку разводенета верзија и ги нема сите ноти како парфемот, сепак, главните 3 ги има - портокал пачули и таму некое зимзелено дрво. овој траел најмногу.

- сторми ведр мирисал на чист веш, некои велат на машки дезодоранс

- блу скајс и флафи вајт клаудс мирисал на земја, мов, зелена кал, малку на мувла

- стробери филс форевер бил слаб, синтетички како тие сирупите за грло, малку мирисал на пластика и јаготката не се чувствувала толку многу. благ, но не колку сноу фери.

мислам дека не го донесоа кај нас пампкин спајс, тој бил презачинет, само на цимет и не знам што таму, каранфилче можеби. исто ќе излезат зимоска (ако ги има кај нас) и еден спреј со цреша/бадем/чоколадо, и еден од Cempasúchil линијата.

чекам коментари и од други од вас ако отидете пред мене

 

Најсилен е од сите.

патем, ниту еден не ми се допадна. stormy weather беше најнормален.

Во сити мол го има и pumpkin spice, ни тој не ми беше убав.

 

Ги мириснав и јас, мене па само Pumpkin Spice ми се допадна, сладок, есенски и cozy. Како пита од тиква и јаболка со цимет ми замириса.
Другиве ниту еден не ми остаи впечаток.

Инаку за тие што мислат да купуваат глитер спрејови, не си ги фрлајте парите за џабе, после одредено време прскалката се заглавува од светките и воопшто не работи повеќе, не прска.