Гледам доста препирки настанаа во темата за Пренди околу Певекс, па убедувања кое е подобро, дал Пренди, дал Певекс па си помислив дека е подобро да отвориме една тема одделно за Певекс каде може слободно да си дискутираме за Певекс, без да ја полниме со оф-топици другата тема. Па тие што го сакаат Пренди нека си пишуваат во таа тема, тие што го преферираат повеќе Певекс ќе си пишуваат тука. Искрено, јас сум многу позадоволна од Певекс отколку од Пренди, цените скоро и да им се исти, дури има и поефтини работи, јас вчера си купив три маички и тоа од марки (не е дека се фалам дека е марка, не ми е тоа зборот туку за парите, колку е ефтино) ,двете маици беа 200 денари а третата 150. Јас искрено нешто погоре од 200 денари не ни забележав. Имаат многу добри маици, единствено не најдов убави тексас фармерки зашто не ни барав, ама затоа имаше убави панталони во минт боја, нешто од шорцеви.. И не забележав ниедна фалинка кај производите. Јас мислам дека темава ќе биде корисна за сите нас,да можеме да се известуваме што има ново во Певекс, дали донеле нова роба, дали има убави работи и слично.. Спојлер Сега Силве одма ќе ја нападне темава и ќе рече дека производите им се сите фалични, а ние сме вработени во Певекс.
Во Топанско до Принц маркетот, во Бисер, накај стара рампа до Ујп, во Центар во редот на Космо.. јас бев во последново, на другите места не сум била.
Го видов ова во Бисер пред извесно време, ама никако да влезам да видам што има а на 2 чекори ми е. Ако има нешто интересно одма го земам не се мислам за тие пари
Бев во Певекс тоа кај Беко и имаше фини ствари. Само повеќето беа со флеки или шкртани со пенкало. Пробав едни преубави минт панталони ама кога видов цели беа со пенкало, другарка ми проба маички беа со флеки. На крај сепак си најдовме по нешто, она 2 маички јас шорцеви шолти со висок струк ама кога дојдов дома видов дека и тие се со пенкало, но ги исправ и избледи, наредното ваљда скроз ќе ги снема. Утре ќе одам во Топанско па ќе видам во тоа што има.
Јас последниот пар бев во тоа во Бисер и си купив бели шорцеви и 2 маички. И супер ми се. Баш сум задоволна од производите, а и од цените. Во некој бутик ќе ги најдеш истите работи само дупло, па и тродупло поскапи од овде. Така да, супер ми е продавницава и често ја посетувам.
Певекс носат роба од Турција, а најскапото нешто е 499 денари. Сум приметила дека на повеќето работи етикетите горе, и во внатрешниот дел се сечени. А на некои работи си стојат етикетите, и поголемиот дел се Зара, Страдивариус и ТопШоп. Кога одам во таа во Бисер, а секој втор ден сум таму, скоро секогаш начекувам по нешто убаво, иако од тој хаос тешко е да копаш и да најдеш. Последен пат начекав мој број минт панталони, а имам зимано и маички, така за преку ден, и едно-две фустанчиња кои сум имала среќа да ги фатам во мој број, обично остануваат најголемите. Факт е дека изборот им е каде-каде поголем од Пренди, а и роба носат секој ден, така што поголема е веројатноста дека нешто ќе начекаш во Певекс. За квалитетот немам што посебно да кажам. Истата роба се врти секаде, и во локалните бутици, и во Солун, така што трајноста е иста.
Според мене Певекс е подобро од Пренди.Во Пренди не сум видела ништо посебно,а од Певекс си купив фармерки,сукња,маици.....А цените се и повеќе од супер!
Сега се враќам од Певекс во Бисер и ништо не си најдов! Кој малер сум значи. Една девојка пред мене, си имаше преубави работи најдено, изгледа јас незнам да препознам што е убаво или па другото повеќе ми се свиѓа.
си имам земено доста работи од певекс,покрај лошите и фалични парчиња може да се најде нешто интересно за скромна сума
Си купив од таму 3 маички, одлични се. За квалитетот уште не би дискутирала, рано е, по неколку пати ги имам облечено, но некако не ми изгледа дека се со многу помал квалитет од производи кои сум ги купила по „нормална“ (изгор) цена во „нормален“ бутик. Како и да е, за тие пари се повеќе од солидни. Јас лично имам малку предрасуди кон кои било големи бутици со толку многу производи на едно место, нервоза ме фаќа кога треба толку голем број на парчиња да гледам....и искрено кажано, едвај собрав сила да се натерам да влезам и да разгледувам таму. Ете, сепак успеав, и планирам да ја посетувам и понатаму, со оглед на моменталните трошоци кои ги имам, и оние кои допрва ми следуваат
Мене многу ме бендисаа панталоните. Јас имам цитрус боја, деновиве ќе си земам и праска и минт. Исти такви има во јаки неон бои, па ако ме спопадне мерак, и такви ќе си земам. Инаку, забележав неколку парчиња што ги има во Мана, дупло ако не и повеќе поевтини. (црно плисирано фустанче на една прерамка и неколку маички) Освен тоа, си имам купено неколку маички, без никаква фалинка, и со добар квалитет. Финтата е само да се има око за убавите работи, некогаш знаат да бидат забутани, ама со малку трпение се наоѓа од се по нешто.
сега и во Тетово отворија Певекс и цел град е таму...ама има и зошто..за 1450 денари зедовме 2 убави женски маички, две кошули со долги ракави за мажи, една зара блузичка за деца, еден пар летни машки феноменални панталони и еден дуксер зимски за деца со екстра квалитет... а 1450 денари се само едни панталони да ги земеш од некој си обичен бутик...многу од робата е фалична ама треба трпеливо да се бара, да се бара и за едно пет саати ќе најдеш нешто сигурно..ама за парите се исплаќа стварно.... па сега вие видете...значи што се нема да им текне на луѓево за да стигнат до профит....ццццц
^ на кое место во Тетово има? Сите ги прашав рекоја накај земјоделско, ама точно никој не знае. Инаку другарка ми била деновиве и си купила маички и фармерки и вели дека се ист квалитет како и во другите продавници. И имало убава детска облека.
Јас си купив фустан со етикета Зара, преубав, 499 денари, и веќе наредниот ден го немаше тој модел, иако кога го купив имаше 5-6 со различни величини. Пријатно сум изненадена од Певекс, иако сум била само 3 пати во она кај Беко, и еден апел, да го прошират малку некако, не се дише мајке ми.
Saya, дај бе открими во кое Певекс купуваш ти? Во Певекс, во Бисер не најдов такви пантолони, а сакам да си земам минт боја.
^ Во Топанско мила, на отварање ги фатив и растур им напраив од шопинг деновиве. Кажувајте вие вака што ви треба, ќе претрчува Саја да провери дали има и ќе рапортира овде.
Имаше во Бисер такви панталони, и минт, и жолти светли, крем, розеви... Изгледа дека не си ги начекала, се распродале. Во тоа Певекс во Карпош некако послабо стојат со нови работи. Некако, друг избор, скромен и не толку добар....
