Јас бев вчера во Певекс што е во Кисела Вода и имаше супер работи, некои дури повеќе ми се допаднаа од оние кај Космо. Имаше така посвечени маички, т.е од оние што се од тој материјалот како свила, што се лизга низ раце незнам како се вика, имаше малку подолги шорцеви некаде над коленото, во жолта и небесно сина боја, имаше многу интересни фармерки, како леопард шара и едни црвени со црни точки, имаше убави кошулки и обични маички. Туку, знае некој во кое Певекс има убави тексас фармерки? Зашто ни во двете не видов тексас фармерки, или имало малку и ем ми се големи и не ми се допаѓаат.
Ако одиш од К.Вода накај Центар се наоѓа после поранешно Трафик, од десна страна меѓу казиното и продавница за бела техника. Ако одиш од Центар накај К.Вода после Зоил и УЈП, невозможно е да утнеш.
Би сакала да ве предупредам само за една работа, што можеби е чиста случајност, ама мене не ми изгледаше така. Вчера бев во Певекс во Кисела Вода и пред мене на касата имаше жена која имаше купено повеќе парчиња облека, ама среќа си запамтила колку чини се`, па откако продавачка и` соопшти повисока цена, жената изреагира. Продавачката само се извини и смирено си одговори: "Луѓе сме, се прават грешки." Арно ама, после тоа јас паметната, имав земено 4 блузички,но не им ја видов цената. И кога стигнав дома сфатив дека ми наплатиле 50 ден. повеќе. Не ми е за парите, да се случи еднаш разбирам, ама веќе 2 пати во рок од 5 мин., за мене не е случајност. Можеби се работи за грешка, ама имајте си во предвид.
Денес бев во Певекс и џабе толку го фалите кога работите им се мизерија ,можам слободно да ги споредам со оние што се продаваат на пазар..Секако прашање е до личен вкус, и да не бидам погрешно сфатена ама барем кога пишувате не ги зголемувјате работите (во стил: "си купив мн. јаки парчиња" или "се е бренд") и бидете реални поздрав
Па реално се наоѓаат убави парчиња во ваков тип на продавници, посебно во Певекс. Јас имам купено пар панталони во сина боја за 300 ден, гајле си немаат. Нормално, умешноста и имагинацијата да се искомбинира убаво не ја поседува секој, па некому би му изгледале тажно, мизерно и сиромашно на закачалка. Кај мене не е така, додека гледам нешто, во главата инстантно ми се појавува слика на додатоци со кои би го носела - каиш, брош, марама, чевли, ташна и така од обични парчиња излегуваат убави комбинации. Гледам материјалот да е добар, принтот да е интересен, облеката да е удобна, не се оптеретувам - имало ли некаква етикета, немало ли етикета. Фејк ли е, нели е. Ме боли таквото искрено, какво скапо време дојде, дали сум среќна ако најдам супер маичка за 200 ден? Да, пресреќна сум. Една земав на зафрканција, минт зелена со сладоледи, детски делува, ама многу е квалитетна, за на Водно и до парк е супер. При вакви продавнички, да одам и да лупнам 800 за обична памучна рамбовка со некаков цвет во Котон или Калиопе, па тоа нема да се случи. Просто ти ја навредуваат интелигенцијата, а и буџетот. Јас пред некој ден спроти Бисер во секнд хенд продавничка ископав плетено џемперче, бело од конец, со етикета на него, за 120 ден. За некого можеби е ѓубре, за мене не е. Ќе си го најде местото во плакарот.
Па да реално, повише работи можеш да најдеш во певекс отколку во пренди.. сум била во пренди и има по 50 парчиња од истата работа и кога ке видиш цело скопје се залетува за истото и ке бидеш облечена ко 50 други девојчиња.. а и реално и 200 да е па не вреди пошто немало една работа да ми се засвиѓа таму.. во Певекс едино ми смета што е збутано многу, не можеш баш да видиш се, пошто се ти е збутано.. меѓутоа ако имаш живци и време можеш да најдеш преубави работи што стварно за тие пари можеш да се изненадиш.. скоро секој ден си купувам по едно парче и можам да најдам преубави работи.. Да не збориме за квалитет, во денешно време една продавница нема каде што се продаваат квалитетни парчиња, се е тоа исто, дали ке идеш во шутка или во гтц истите работи ги имаш..
Бев конечно и јас во Певекс, во она до Бисер и за жал, сфатив дека ич не ме бидува за шопинг во такви продавнички. Не знам какви се другите, ама ова е толку претрупано, ужас. Кога поминуваш меѓу облеката немаш место за нормално да се движиш, мислам сета прашина ја лепиш на себе (мене посебно ме нервираше косата што ми се допира на сите страни до изложената облеката ). Разгледав на брзина и видов дека не се лоши работите, ама ни можев да бирам ни да разгледам убаво. Едвај чекав да излезам . Барем мааалку повеќе простор да има, полесно би било. А може и до годините да е . Инаку, за тие цени може солидно да се облече човек, нема што. Имаше парчиња со различен квалитет. Се зависи од тоа како ја носи човек облеката.
Да ви кажам само сте ме инспирирале скроз Земав нешто пари и директ у Певекс! У Карпош го реотвориле, донеле и некои маички, па си купив две, едната со принт со кисчиња, другата со индијански перца, и едно наметка - блузиче во индиго виолетова боја. За 10 евра супер зделка сивово ми одговараше со патичињата, и не се двоумев да го земам, откачен му е кројот башка.
Хм, па нормално е да секоја подавница која има ефтини работи да е таква, растурена, нон стоп има луѓе, преполно е со роба, сите се буткаат да најдат нешто.. ако на некој не му се допаѓа таква атмосфера може да оди и да купува по “реални“ цени во други продавници. А што во Манго случајно да не не е така кога има попуст, ќе се потепаат за некој партал, и се чека 5 саати во ред пред гардероба.. Нормално е дека сите сакаме да си купиме нешто за 150/200 кое изгледа супер за парите кои ќе ги дадеш Во Певекс треба постојано да се оди, секојдневно добиваат роба и сигурно ќе се начека нешто убаво
Јас си купив 2 пара фармерки, и 2 пара 3/4 жолти и минт. За тие пари 4 пара панталони, ама ич не ми чуе, со мерак си ги носам. Натрупано е, гужви се, мене не ми пречи, си копам по ред и си наоѓам, ако е издрпано или скинато не го земам, има доволно избор да најдам друго. И мажи гледам се почесто си зимаат кошули и маици.
Трендафилка знаеш како викаат? Ако не знаеш што е убаво-прашај што е скапо инаку за секанд хенд шоп,колку и да немам пари никад не би купила од самата помисла на тоа колку е тоа ГРОЗНО!
Ме просветли драга. Штета што ниту во second hand продавници, а ниту во оние скапите каде што ти наводно се облекуваш не продаваат нешто друго - мозок.
Вистина е дека во најчест случај цената е таа што го одредува квалитетот но тоа не значи дека по дифолт ако е нешто поскапо дека ке трае 100 години.Ке ти напраи некој у диско дупка со цигара и фрли го после тоа слободно а и плус плачи дома зашто си дала за една маица 1000ден коа сеа веке е крпа за бришење прашина.Јес да немам купено ништо од овие продавници али не би ми пречело доколку ми се допага нешто да го земам само затоа што е 300 ден а не 1300ден.И нормално неможеш да очекуваш кој знае каков квалитет ама барем мајца за трчање или хеланки ништо не ми мењаат и ако се поефтини а не се оригинал спортски од Наик,Адидас и сл.
Од кога се отворија Певекс и сличните на нив, мене ми е мака да купам маичка или некое друго секојдневно парталче на друго место, едноставно за инает се работи а и пари. Порано ценев бренд, квалитет но тоа почна постепено да го снемува па не сакам никој да ме прави будала па за ист квалитет да плакам три пати повеќе. Мене етикетата со бренд името не ми значи ништо и не ми прави разлика. Офф. Само никако не можам да сфатам од кај ги носат парчињава облека за толку ниска цена
Немам предрасуди ама воопсто,ни за певекс ни за секонд ханд,ако е секонд,се пере и апсолутно нисто не му фали потоа
Јас бев вчера во Певекс во Бисер и си купив прекрасни работи Си купив 3 маички, од кои едната посебно ми се допаѓа, нежно розева е, некоја пудра боја со црни цветови и е од проѕирен материјал Прекрасна е! А си купив и едни пантолони (хеланка-пантолона), тесни се целите, а назад на ногавицата има патент Многу ми се допадна тој детал И сево ова за 850 ден! За тие пари можам само да купам едни хеланки од Калиопе, Котон и остали „брендови“. Се’ додека постои Певекс и остали слични продавници, никогаш нема да дадам 1000 ден. за рамбовка! А на оние што „купуваат само скапо, зошто скапото е квалитетно“ им упатувам еден поздрав и им посакувам побрзо лечење на комплексите, зошто и најскапото може да изгледа најевтино ако не знаеш како да го носиш
Јас не пагам во несвест за тоа од каде ми е купена облеката. Мојот плакар содржи парчиња облека и од ГТЦ и од Пренди и од Певекс и од пазар и од шутка... ама апсолутно не се замарам. Дури ми е криво што сум давала по 1200ден. (најевтините) за фармерки а сега за тие пари си купувам 4 пара фармерки. За да одиш во Певекс треба да имаш многу време за да си најдеш тоа што сакаш и да имаш нерви за гужвата и чекањето пред гардероба. Јас лично највеке сакам да одам сама, си пуштам музика на слушалки, се исклучувам од светот околу мене и тргнувам во шопинг Незнам за вас ама јас сум човек кој маичка од 100 денари може така добро да ја искомбинира да изгледа како да е купена барем за 700 ден. Во прилог следуваат работи купени од Певекс Карпош 4 поздрав
девојки дали можеби има тексас шорц во певекс? и дали можете да ми кажете кога отвара, бидејќи ќе доаѓам од друг град да знам да се ориентирам.... и секако кое певекс е најопремено и како да стигнам до него? благодарам на одговорите