Пеглање: Сподели совет и освој неверојатен Philips парен генератор!

Onie parcinja obleka koi potesko se peglaat ne gi cekam da se isusat do kraj,znaci gi zbiram od zica vlazni i gi peglam...e sekako i peglata si ima uloga vo seto toa,kaj svekrva mi edna sto ima stara ne mozes krpce da ispeglas kamoli kosula ili nesto drugo..sestra mi ima edna slicna vakva na parea ama se ceka pola saat da zagree i toa ja pravi ne prakticna,a ovaa philips gledam za 2min zagrevala sto e odlicno..

 

Според мене мислам дека пеглава ќе ни олесни на сите.
Првин ја забележав на реклама и многу ми се допадна. Со оглед на тоа дека поголемиот дел од домашните обврски вклучувајќи го и пеглањето се мои обврски, со оваа функционална пегла ќе си олеснам додатно. Многу мајки но и останати личности ќе го обожаваат вертикалното пеглање. Во ова модерно време ваквата најнова технологија им го олеснува животот на сите.

Инаку пеглањето ептен ми е фрустрирачка обврска.
Одредени тешки материјали морам врз крпче да ги пеглам особено сомот панталони.

 

Да не се повторувам со советот на членката над мене ќе дадам друг совет кој јас си го практикувам. За полесно пеглање од двете страни одеднаш имам ставено алуминиумска фолија на масичката за пеглање(под навлаката)- ја враќа топлината, па така мои домаќинки еве ви еден супер совет за побрзо пеглање
А тоа дека пеглата и те како има врска, немам коментар. Би била благодарна ако ја добијам оваа пегла пошто ме чека пеглање дупло на есен ( види аватар ), па со подобра пегла, побргу завршена работа и повеќе време за фамилијата

 

јас секогаш кога пеглам користам крпа која ја ставам врз парчето облека кое го пеглам и врз крпчето прскам вода со малку омекнувач па пеглам , бидејки пеглата ми е без пареа . Кога пеглав со пегла на пареа исто ставав крпа особено за осетливи ткаенини и панталони за да не го добијат сјај од пеглањето. И јас би била срекна доколку ја добијам оваа пегла

 

Дефинитивно големо олеснување за сите домаќинки!
Сигурна сум дека нема само недела да биде „ден за пеглање“

 

Пегла ли сама пеглава И дали има вентилаторче за летно време да те лади додека пеглаш?
Мене пеглањето ми е најдосадна ствар од сите домашни обврски, а и напорна кога се пеглаат некои терсене кошули.
Совет? Нека се врати гужвано во мода

 

Сакам едно вакво Како што не сакам пеглање, ова супер ќе ми дојде.
За жал немам некој совет да споделам, како што реков многу ретко пеглам, а и не ми е омилена работа

 

Поклонете ми ја за роденденот, може ќе се наканам да почнам да пеглам.

 

Во потрага сум по совршената пегла, односно не сакам да ја менувам секоја година.
Сега ја разгледав пеглава и нејзините карактеристики и стварно би сакала да ја пробам.
Совет за пеглање немам да дадам од причина што ретко пеглам деликатни материјали.

Треба да почнам со учење и баш би сакала да ја добијам оваа пегла.
Со оваа пегла полесно ќе го научам и сопругот да ужива во оваа домашна работа.

 

Совети немам за полесно пеглање, бидејќи не сакам да пеглам. Само ја сакам пеглава.

 

Пеглава ја забележав случајно на реклама и можам да кажам дека е сон на секоја жена, инаку јас секогаш кога пеглам кошулки и фустани секогаш користам марамче напрскано со омекнувач така немам страв да не ги изгорам а и поубаво мирисаат

 

Домаќинка се јавува за пеглава

Е па сите опции ми одат во прилог, брзо загревање, непрекинато преминување од џинс кон поосетливите материјали (пошто стандард пегла немам трпение да чекам да се намали/зголеми температурата, па редовно ја "лепам" )

Совет:
Поставете ја даската за пеглање пред телевизорот или компјутерот/лаптопот и пуштите омилена серија или некој филм.
Само тогаш пеглањето ќе може да биде задоволство, а плус со ваква пегла - за мерак

 

Прекрасна пеглаа и јас ја сакам... Секој пат кога ќе земам јас нешто да пеглам мора да го изгорам бар со оваа ќе се пофалам на мама дека сум научила да пеглам без да ги оштетам убавите алишта

 

Пеглањето ми е уживање, посебно кога ги пеглам алиштата на моето бебенце...Секако неговите алиштенца постојано се перат и е потребно да се пеглаат. Инаку задоволство ми е да пеглам затоа што само тогаш можам да си погледам телевизија Би сакала да ја добијам пеглата поради нејзиното едноставно и ефикасно пеглање. Мојот совет е почесто да се пеглаат обратно превртени алиштата, исто така да се здиплат и да се пеглаат скоро собрани од сушење. Ви благодарам. Поздрав!

 

Совет за побрзо и подобро пеглање нема. Тоа најмногу зависи од самиот квалитет на пеглата, односно нејзината јачина и сила. Секако дека тука зависи и факторот квалитет, односно поскапа пегла е еднаква на појака и многу подобра пегла која што пегла многу побрзо и не остава гужвотини.

Ете на пример јас со оглед на тоа дека ги сушам алиштата во машина бидејки немам услови за сушење на "природно" од голема важност ми игра улога каква ќе биде мојата пегла.
До сега сум купила неколку пегли, дала доста финансии и заклучокот на целокупното патешествие ми е дека се си има своја цена и своја вистинска бренд марка во успешноста на пеглањето.

Ми се виде многу практична и квалитетна оваа пегла, па би сакала и јас да ја поседувам.

 

За деликатни материјали, пресушени кошули или гужвани фармерки, ставам одозгора мокра крпа, па поминувам со пегла со пареа. Нека не бидат само пресушени алиштата и пеглањето ќе ви биде многу полесно.

П.с. изгледа само јас обожавам да пеглам, еден вид на медитација ми е.

 

Ако едно нешто научив од мајка ми, тоа е дека пеглањето е една од најзаморувачките и најдосадни домашни обврски. Секако, научив и за некои „трикови“ кои можеби не помагаат многу ама дефинитивно се завршува работата побрзо.

1. Доколку ги сушите алиштата на жица, убаво истресете ги-така некогаш и не мора да ги пеглате некои алишта бидејќи откако ќе се исушат, стојат право.
2. Пеглање во недела-евтина струја, и не мора да се грижите колку време гори пеглата бидејќи сте на евтина струја.
3. Времето поминува побрзо кога гледате телевизија.
4. Доколку работите со поделикатни материјали, испрскајте ги со вода.
5. Пеглајте во близина на кревет-така ќе можете да ги наредите алиштата уредно без дополнително да ги прередувате.
6. Пеглајте прво од внатрешната, потоа од надворешната страна.
7. Под даската за пеглање (во мекиот материјал) ставете алуминиумска фолија-бидејќи алуминиумот брзо се загрева и брзо се лади, ќе постигнете пеглање од двете страни иако ја пеглате само едната страна.

 

Далеку од тоа дека пеглањето е задоволство, но дефинитивно е начин за облеката совршено да се вклопи во Вашата "outfit" приказна зависно од пригодата.
Во шишенцe, од спреј за тело, си растварам омекнувач со вода и пред пеглањето го прскам парчето за полесно пеглање и поинтензивен мирис. Навистина е полесно од топење крпче на секој милиметар, па би ви го препорачала методот како совет.
Ја користам и пареата од пеглата, но сепак не сум сосема задоволна од крајниот резултат.
Philips парниот генератор навистина би ми го олеснил пеглањето, дури и " во лет " пред излегување би можела да ги исправам сите криви линии на алиштата.