Пеглање: Сподели совет и освој неверојатен Philips парен генератор!

Бигор фаќа ако се става обична вода,пожелно е да се користи онаа дестилираната..А за да мирисаат убаво има такви спрејови,ем полесно се пеглаат ем убаво мирисаат.Оваа ,,ѕверка,, ме потсеќа на оние професионалните по конфекциите што ги користат..

 

Имам трауми од пеглање облека од деликатен материјал. Пред 3 години требаше да одам на свадба, и за денскиот дел од свадбата имав избрано да носам еден долг фустан со розеви цвеќиња чиј материјал беше многу тенок и нежен.
Незнам што ми влезе ѓаволот, саат пред свадбата ми текна да го дозапеглам уште малку поубаво, демек некој мене некој толку ќе ме загледаше дали сум имала уште некоја згужваница, и така фустанот беше леалав. Да не видам случајно дека водата во пеглата ми завршела, само што го допев фустанот со пеглата одма се залепи и тогаш започна хаосот.
Нервози,паники... само што ќе се сетам лошо ми е. Имав среќа што фустанот беше таков модел што надолу се ширеше и некако незнам како убаво да објаснам, ама делови од метеријалот се преклопуваа, а таму каде што сега веќе имаше дупка идеше ко прекриено од самиот фустан. Го зашив рачно набрзина и дека шарен од цвеќињата не се познаваше многу, и видела не видела си го облеков и си заминав со него на свадба.

Отогаш секогаш кога пеглам нешто што е од деликатен материјал проверувам дали имам доволно вода во пеглата. Исто до мене имам распрскувач со вода, и пред да пеглам на местата каде што има згужваници прскам вода, па после со најниската температура што пеглата ја има како опција пеглам.

Исто друг совет при пеглање кошули или други парчиња облека кои имаат повеќе копчиња, делот околу копчињата да го пеглате само со врвот на пеглата, подигајќи го задниот дел, ако објаснев убаво.

Едит: Го најдов фустанот за кој ви кажував.

 

Кога некој споменува пеглање , веднаш се присетувам на мојата покојна баба која знаеше да каже:
- Биро се што ќе работиш убаво изработи за мерак, но штеди си ги нозете и кичмата ќе ти требаат за стари денови . Што можеш седната , работи така, и што ќе речат другите да не му ја мислиш.
И од тогаш јас, си пеглам седната со наместена даска и пегла во позиција што мене ми одговара ...И се друго што можам да изработам во седечка положба, го работам така
Треба и старите да се послушаат.
Фала ти бабичке

 

И јас да се вклучам во дискусијата,бидејќи пеглата и е потребна на мајка ми.Нејзината пегла е стара и и одзема многу време и знам дека пеглањето и е една од најнеомилените работи и најдосадните работи.Трикови од мене кои ги имам испробано:
1.Залепена мастика и залепен течен лепак ги вадам со поставување на хартија над нив и со пеглање над хартијата,така тие остануваат на хартијата.
2.Минатото лето си купив ленени панталони,незнаејќи дека ленот се гужва премногу,затоа ги пеглам додека се сеуште влажни.
3.Сите бели алишта ги пеглам додека се влажни за да не пожолтат.
4.Совет од мама дека потемните работи се пеглаат од наопаку за да не сјаат од пеглата и да не им избледи бојата.
5.Еднаш имав залепено тенка марама на пеглата и во таа збрка ја исклучив пеглата и потоа не сакаше да се извади,затоа залепеното на пеглата извадете го веднаш додека е жешка пеглата.
6.Во едно шише мешам вода и оцет и прскам на алиштата за да се извади сјајот и трагите кои ги оставила пеглата и потоа пеглам со не многу жешка пегла.
7.Со оцет исто така ја чистам пеглата.
8.Блузите и фустаните со копчиња ги пеглам со пегла за коса во тој дел
Знам и други совети ,но да не се повторувам со членките.

 

Здраво,
Јас немам некоја особена финта за побрзо и полесно пеглање, освен да се пегла кога облеката е сеуште мокра и осетливата облека да се пегла со свилено натопено тенко крпче.
Иначе сум имала прилики да пеглам со пегла на пареа од оние големите како правосмукалки што сме ги гледале на тв,на некој филмови, кај нас што ги нема за продажба.. И со нејзе пеглањето е уживање.
Се надевам ќе го доближам тоа чувство со оваа пегла која може да се користи вертикално, што е многу практично.
Маж ми почнува на нова работа во банка па навистина ќе ми е потребна, ако ви текнува на што мислам

 

Јас си имам рутиали за пеглање. Пред секое пеглање го бришам металот со влажна крпа, специјално си ја купив за пеглата, па ја уклучувам да се загрее и ја бришам од едно кебенце. Мене тоа ми е буквално ритуал! Потоа откако ќе одлучам дека е доволно изгланцана ја подесувам на температурата за материјалот (тоа е најважно: чиста пегла и погодена температура за материјалот) и на крај преминувам на пеглање. Можам со саати да пеглам. Само имам еден мал проблем никогаш не научив да штиркам. Тоа ми е следна задача, обично испеглана кошула и штиркана не е исто.
На една другарка Филипс пегла доби за свадба и не и се допаѓа ама да бидам искрена освен ценава не знам што не и чини...
Не сум заинтересирана за Филипс пегла, јас ја сакам оваа пегла од Горење ама скапа ми е 3750 е (тек овие од Филипс колку се недостапни за мојот џеб...) а ја имам оваа која се покажа ненормално добра. Не сум при пари сега за да ја менувам и среќа што засега немам потреба.
Жоржетот и свилата би требало да се најтежок за пеглање ама мене ми е вистинко уживање. Во водата во пеглата ставам малку мирисен омекнувач и на најслабо си пеглам. Никогаш не сум утнала. Никогаш до сега не сум направила утка што не е случај кога готвам... И со свилата немам никогаш проблем, само дозирањето на омекнувачот треба да го погодите, оти може да ви се изгуби мекоста на материјалот.
Кој си знае да пегла и со пегла на жар ќе заврши работа, кој не знае и со пегла од милион долари нема да заврши работа.

П.С. ВЕ МОЛАМ кога ќе имате наградна игра за Горење тогаш ако може една пегла за мене, сега некоја друга нека и се радува на пеглава од Филипс. Таа што ќе ја добие наградава со здравје и мнооооооооооогу долго да си ја користи.

 

Значи ова што ќе го напишам не е антиреклама на горење, ниту реклама на Филипс или додворување за наградата!!!
@Antebellum јас никогаш не би купила пегла на Горење (иако во домот имаме некои апарати на овој производител) после искуството на свекрва ми, која парите кои ги имаше добиено како награда од работа, ги чуваше и им се радуваше дека ќе купи со нив пегла, отидоа во ветер за месец дена, после неколку пати пеглање со Горење пеглата. Не знам како долниот дел од пеглата се одлепи и истото не можеше да се сервисира со изговор дека тоа е грешка во користењето на свекрва ми. Не можам да ви опишам колку беше разочарана. После тоа сопругот и купи Филипс, иста како нашата која ја имаме скоро година и сум задоволна како се покажа. Станува збор за овој модел...

Кога би била во ситуација да избирам од кој производител ќе ми биде следната пегла, без двоумење би одговорила Филипс.

 

Жени како жени. Не би биле тоа што сме ако не се пожалиме. Пред еден месец ми падна мојата пегла од даската и се скрши.. Во меѓу време се снаоѓам со мало пегле кое не си ја врши баш работата. Очајно ми е потребна пегла, и би била пресреќна доколку ја добијам. Но сеедно темата е совет за пеглање па да се надоврзам. Кога ги перам завесите имам проблем бидејќиии се огромни, но за да си го олеснам пеглањето си ставам ќебе на трпезариска маса и ги пеглам така, што е доста мачно. Не сум некоја wow домаќинка, ноо како што прочитав во спецификациите на philips пеглата има опција за вертикално пеглање што би ме направило неизмерно среќна. Исто така можда е надвор од темата но кога сум во брзање, наместо со пегла ги поставувам вертикално алиштата и со фен на најсилно ги „дувам“ за да се исправат, но оваа пегла би ја олеснила таа работа исто така. Philips барем досега ме нема разочарано како фирма, имам пегла за коса, фен од оваа фирма и се доста добри.
Од мене толку околу советите, доколку се сетам на некој нов ќе пишам.
Kisses

 

ние сме 5 члено семејство а сега имаме и принова. Постојано сум со пеглата во раце бидејки само јас сум невработена. Пеглата која што ја имам не е нешто нај нај и губам многу време во пеглањето. Додека оваа пегла би ми овозможила побрзо да испеглам и да ги подготвам домашните за на работа. Мојот сопруг е келнер па постојано има некои кошули и пантолони за пеглање. Кочулите почнувам да ги пеглам од јаката потоа ракавите па останатиот дел и тоа се кошулата е превртена а додека со пантолоните имам голем проблем бидејки се со раб напред и морам да ги пеглам налице а со мојава пегла само ги светнав и на ништо не личат

 

ИИИИ пеглава,каков дизајн човече. Ако ме натера да го засакам пеглањето тогаш слободно доделете ми ја.Нема да ви се скарам.Ако не ќе формирам граѓанско здружение АНТИПЕГЛАЧИ...имам неколку точки зашто не сакам да пеглам-значи губам време,нерви,вени и онаа капка за живот што ја имам се губи во пеглањето.А имам само една точка зашто морам да пеглам.Мразам гужвани работи...па сега видете...колkу љубам да пеглам...
Совет?Па погоре се кажале.И не го правете пеглањево теорема што треба да се докажува.Нека биде едноставно и лесно.Тоа ми е најважно...

 

Јас не да би се разочарала - продавницата ќе им ја запалам... Фала за предупредувањето кога ќе купувам пегла ќе внимавам на металот. За ист ваков случај сум слушнала за друг модел, ама одамна беше и никако не сфативме што подразбираа под погрешно пеглање. Сега имам пегла не ми треба. Да не одам ептен офф со муабети уште еднаш на добитничката и посакувам долго да си ја користи пеглава.

 

Мојот трик се состои со амуминиумска фолија во тоа што наместо да пеглате од двете страни ви овозможува да ја испеглате само едната страна од кошулата.
За да ја олесните оваа работа под заштитената ткаенина на даската за пеглање ставете си алуминиумска фолија, така што фолијата ќе рефлектира топлина и тоа ви овозможува пеглањето на другата страна да не вие потребно.

 

Читајќи мислења низ темава, почнав да го халуцинирам мирисот на пеглање алишта.

 

Јас ако ја добијам пеглава ќе му ја подарам на тате Штом нема ризик од лепење и слично, нема ни оправдувања

 

Има еден куп нови членови на темава

 

Или едноставно пеглата исчистете ја со апчиња Парацетамол.
100% проверено.

 

Јас ќе споделам еден одличен совет за сите студенти кои живеат по студентските домови или за средношколците по интернатите, кои одлучиле од дома да си земат пегла. Веројатноста е голема дека во студентските немаме од популарно наречените даски за петлање како дома, па затоа најдобар резултат при пеглање ќе добиете ако на масата или на подот ставите ќебе свиткано на четвртина што ќе ви го олесни пеглањето и ќе добиете олично испеглани алишта.
СОВЕТ +: Ако имате алишта што тешко се пеглаат, во шишенце со распрскувач ставете од вашиот омилен омекнувач за алишта и вода (пола со пола) и пред пеглање попрскајте по површината на облеката, но само да го навлажните материјалот, а не да биде мокар, со што ќе добиете совршено испеглано парче облека и прекрасен мирис за цел ден.
Наздравје пеглање !!!