Ова ми е прво дело за оваа година и не знам што ме чека. Некои го фалат, други го кудат, па сакам да слушнам Феминско мислење. Тешка/лесна? Што ви се допадна, а што не? Дали треба да ги имам прочитано и Чистилиштето и Рајот за да ја сфатам?
Па убава книга не е нешто посебно, но како и сите школски книги ... не е некоја тешка за сваќење иако сите велат така (барем мене ми беше така)
Пеколот е многу интересна книга, но не верувам дека ќе ја сфатиш .... нас професорката мораше да ни објаснува што значи секој круг од пеколот хахаха
Јас нешто читав од книгава ама не ја дочитав бидејќи не ми беше баш разбирлива. Најдов од критики многу податоци и ги изначитав тие, исто ко да ја имав прочитано Повеќе знаев од некои што само книгата ја прочитале. Уште чувам од лани за делово многу корисни податоци, ако сакаш нешто да ти пратам пиши ми ЛП
Не ми е читена,но ја обработивме во школо,интересна тематика има,за казните кои следат и начинот на кој живеат грешниците
Интересна е книгава ептен. Треба малку да се внесеш во неа за да ја почувствуваш што би се рекло, ама дефинитивно вреди да се прочита. Барем мене ми беше забавно. Си се шетав низ деветте круга на пеколот. Малку го тупи со описите на круговите, видовите грешници кои се наоѓаат во нив, како и начинот на кој плаќаат за своите гревови, па може тоа ке ти е малку досадно, но на крајот се добива една предобра слика, па затоа мислам дека вреди што тупел.
Божествена комедија е книга која буквално ми го смени животот...Ја прочитав во прва година онака од ќејф а во втора пак ја прочитав за да ја обработувавме... Сите го имаја прочитано само Пеколот само јас ги имав прочитано сите три дела, т.е. и Чистлиштето и Рајот... И да, повеќе од половина клас рекоја „Што дека ја прочитав ко ништо не разбрав“... Доколку не знаеш за хуманизмот и ренесансата и не си воведен во тие работи нема ни да го разбереш Данте. Мене ме фасцинира, вреди да се прочита и да се продлабочи за да се разбере Не треба да ги имаш прочитано Чистилиштето и Рајот за да го сватиш пеколот, туку обратно, за да ги сватиш Чистилиштето и Рајот треба да го имаш прочитано Пеколот
Мене најмногу ми се допадна од сите школски книги и сеуште се сеќавам на неа. Тешка е, но ја разбрав затоа што ја читав со голем интерес. После тоа пак ја прочитав. Многу ми се допадна, има навистина голема вредност, вреди да се прочита.
книгава и јас како многу од вас,од прво не успеав да ја разберам,но подоцна како се дискутираше за книгава на часовите,сватив дека вреди да се прочита,и да,сега сватив дека морам да земам уште еднаш и јас да ја прочитам
За жал не ја најдов низ библиотеките и не ја имам прочитано, ама од она што дискутиравме на часовите доста сфатив. Знам за што се зборува, ама сепак, ако ја најдам радо би ја прочитала...
Да ти беа потребни и Чистилиштето и Рајот за да ја сфатиш, и нив две ќе ги имаше во списокот на лектири. Оваа книга е a must read! Мене премногу ми се допадна, посебно затоа што ми се допаѓа тој елемент на задгробен живот и дрн дрн... ајде да не ти раскажувам. Да си ја прочиташ, топло ти препорачувам
Освен композицијата ,која е повеќе од совршена ,римите ме оставија без зборови. Дефинитивно ова е дело кое заслужува почит ,зашто Данте со својот навидум наивен приказ јавно се побунил против сиот неморал кој го опкружувал ,притоа не штедејќи никој. Се прашувам ,во кој круг би не сместиле нас?
Епа да коментирам сега откако ја прочитав и откако ми ја објаснија. Многу ми се допаѓа. Самата слика што ја дава за сите грешници, деталниот опис за казните, едноставно сликите ми течат во главата. Интересно е како во тој период тој започнал да размислува на овој начин и имал храброст сето тоа да го претстави на хартија. :up:
И јас ја прочитав бидејќи ми беше задолжително дело, навидум тешка, ама ако добро се задлабочиш и се сконцентрираш се сваќа.И ми се допадна, интересен начин на размислување имал Данте, малку ми беа досадни описите, ама сепак вреди ова дело да се прочита.
Најглупа и најдосадна лектира навистина.МОжеби затоа што не ја разбрав баш најдобро и ја прочитав со зор,едвај со големи маки. Али затоа на писмена имав најубав состав за пеколот. Ми ја раскажаа убаво и напишав состав кој ги надминас ите 30 души во класот и достигна 1 место
Оваа книга ме воодушеви, една од ретките, а можеби и единствена книга која ми се допадна, а беше од рангот на задолжителни книги за обработка на училиште . Алигиери успеал мошне сликовито да ги опише сите девет круга од пеколот, па додека ја читав ме лазеа морници . На сите на кои им се допадна Пеколот им препорачувам да ја прочитаат цела Божествена Комедија, фантастична книга е .
Ја немам прочитано книгава, иако знам што се работи во неа. Интересна ми е целата приказна и целиот опис на круговите, обавезно би ја читала летово ако најдам време
Книгата ми беше лектира лани. Кога ја читав ми леташе паметот и скоро ништо не сфатив од книгата, многу работи ми беа нејасни. Ама кога ми ја објаснаа ми стана многу интересна. Иако во почетокот личи дека е досадна, многу е интересна, моја препорака е да ја прочитате Многу поразлична од другите, идејата и начинот на пишување е одличен, книга која вреди да се прочита
Во втора година ги знаев сите кругови на памет и *неколку претставници од грешниците* - ма имав закон професор, затоа. Инаку, тешка е за разбирање од прва, барем мене ми беше. Не е толку површна колку што ви се чини онака од око. И за полесно да ја сфатите, имаше еден шаблон за читање на книгава - читате една строфа, па се враќате на првиот стих, па продолжувате со следната строфа и сè така до крај. Така беше мислам тертипов, ако си ја најдам тетратката од втора ќе проверам, а ако некоја знае повеќе околу ова, нека дообјасни - ако сум испуштила/згрешила нешто. Мене ми беше океј, факт е дека е класик, ама јас ја читав повеќе од што морав, него ли од што ми го правеше ќефот. Ренесансата не ја љубам толку многу, повеќе ме влечат романтизмот и реализмот.
Оф, Данте и Пеколот негов. Мене искрено, се што беше митолошко, се ме интересираше во средно и тие таквите книги ги читав. Оваа ми беше доста интересна, иако е напишана на тежок стил, сепак мислам дека многу време ја разработувавме и ја сфатив. Не се сеќавам на се од неа, али ми беше занимлива.
