Петок 13ти

Епа девојки мои сакам да ве прашам дали верувате дека овој ден е баксузен? Дали сметате дека сето тоа е празноверие или сепак е вистина? Конкретно јас не верувам во разните приказни поврзани за овој ден поради тоа што секојдневно ни се случува по некоја лоша работа и значи треба да го прогласиме секој нареден ден за баксузен и вината да му ја префрлиме нему Еве бидејќи денес е 13ти планирам денот да си го поминам во добро расположение

 

јас не верувам многу дека е баксузен и слично... и така секој втор ден нешто баксузно ми се случува хаха ... инаку и јас планирав да бидам најдобро расположена ама испадна поинаку...

 

Мене не ми е баксузен...баш напротив... пред точно година ипол, на петок, 13-ти се фатив со мојот сегашен дечко... и еве денес пак е петок 13-ти јупиииии

 

Не верувам во такви работи воопшто, јас сум невиден баксуз па сега треба вината да ја префрлам на денот или датумот?? Денес не ми се случи ништо баксузно(досега) но ми е многу досадно!

 

Не дека ми е баксузен , само малку тапа и мутаво .. не секој петок 13 , се погодило така денес .

 

Не ми е баксуз, баш ми е убав ден иако сум малку изморена. Не сум ни суеверна за да очекувам нешто лошо од овој ден. Убави работи ми се случија денес.
...освен грабежот во подрум

 

Не верувам дека Петок 13-ти е баксузен ден.

 

Мене денес ми беше навистина баксузен ден. А баш не ми е гајле дали е петок и дали било 13-ти. Дефинитивно грозен ден!!! ГЛУПАВ ДЕН да не може да биде повеќе. Да оди во п**** м****!!!

 

Отсекогаш ми е најубав ден! 13ти ми е омилен број, нај најомилен. Секогаш ми се случуваат убави работи на 13ти. Денес на петок 13ти правиме една година со дечко ми!

 

Мене не ми е баксуз ден,нормален ми е како и сите денови.

 

Баш дечко ми денес замина на пат, а мене ми цркна мобилниот па треба да го носам на сервис Не верувам во баксузот на петок 13ти, јас сум ти баксуз цел живот

 

Mене ми се удави мува во кафето бе...цел ден не ми е судено 1 кафе да испијам, до вечер не знам што ќе се случи , инаку не верувам во вакви работи.

 

Не верувам во тоа дека петок 13 е баксузен ден,барем мене никогаш не ми е бил. Тоа е само легенда.Еве што најдов на википедија за петок 13

Денот петок тринаесетти, кој исто така се нарекува и „црн петок“, многу време кај народот предизвикува несфатливо чувство на страв. На овој датум многумина се парализирани од страв. Некои се откажуваат од патување со авион, а некои и воопшто не патуваат. Било пресметено дека на овој ден во САД бизнисмените губат помеѓу 800 и 900 милиони долари, бидејќи многумина не ни помислуваат за своите работни места.Симптомите варирале од умерената тревога до тоталната паника. Психолозите докажале дека луѓето кои се сметаат самите себе си за несреќници, за малери, е многу поверојатно да веруваат во овие суеверија, со кои ја поврзуваат лошата среќа во својот живот.

Потекло на стравот од петок 13

Некои истражувачи сè уште го бараат коренот на т.н. црн петок. Има повеќе верувања за потеклото на суеверието за петок 13:
Ева во рајот го измамила Адам со јаболкото токму во петок.
На тајната вечера присуствувале 13 луѓе — Исус и 12-те апостоли. И до ден денес кај многу народи сè уште постои суеверието дека 13 души не треба да седат на едно исто место односно на иста маса. Предавникот Јуда дошол последен на тајната вечера и прв си отишол. Други сметаат дека Исус Христос е распнат токму на денот петок.
Суеверието најверојатно има врска и со календарот, кој според астрономијата во минатото се сметало дека е потребно да постојат 13 месеци во некои години, додека Грегоријанскиот и исламскиот календар секогаш имаат по 12 месеци во годината.
Според некои, петок 13 се должи на еден древен скандинавски мит, според кој 12 богови празнувале во Валхала, домот на богот Один. Богот на злото и оганот Локи кој не бил поканет, наеднаш се појавил во домот на Один и го убил богот на радоста Балдер. Земјата веднаш потонала во мрак.
Во поново време многу повеќе се оддава важност на датумот 13 октомври 1307 година, кога по наредба на францускиот крал Филип IV и папа Климент V биле затворени Жак Де Молеј, Големиот мајстор на Орденот на темпларите и илјадници рицари од орденот. Овие затвореници биле подложени на големи мачења, биле прогласени за еретици и секакви други прекршоци кои биле во спротивност со црквата во Рим. Така, многу од тие рицари биле изгорени на клада или екзекутирани. Од тој ден па натаму, петок 13-ти бил сметан за лош и несреќен ден.
Во древен Рим магионичарите се собирале во групи од по 12 луѓе. Се верувало дека тринаесеттиот во групата бил самиот ѓавол.
Според нумеролозите бројката 13 „страда“ поради неговата позиција после бројот 12. Така на пример постојат 12 месеци во годината, 12 хороскопски знаци, 12 богови на Олимп, 12 племиња на Израел, 12 апостоли на Исус. Во картите Тарот 13-та е картата на смртта.
На тој ден се случила библиската поплава.
Каин го убил Авел.
Бог на петок 13-ти ги измешал јазиците на Вавилонската кула.

Занимливи факти

Стравот од бројот 13 е многу актуелен и во денешно време. Повеќе од 80% од високите згради немаат 13-ти спрат. Многу авиони го пропуштаат својот лет на 13-ти, посебно во петок. Во Формула 1 на пример не постои болид со бројот 13. Улиците во Фиренца го испуштаат бројот 13. На 13 април 1970 година експлозија на кислороден резервар ги променува плановите на Аполо 13 за лет кон Месечината. Часот на поаѓање на Аполо 13 е 13:13 според американско време. Имињата на некои од најпознатите сериски убијци содржаат по 13 букви: Jack the Ripper, John Wayne Gacy, Charles Manson, Jeffrey Dahmer, Theodore (Ted) Bundy.
Суеверието за петок 13 или за „несреќниот“ број 13, го поттикнува и богатата филмска и издавачка продукција со многубројни дела токму на таа тема, меѓу кои се холивускиот филмски серијал Петок 13, мистериозната новела „Тринаестмина на вечера“ од Агата Кристи и драмата околу мисијата на всленскиот брод Аполо 13 за што е снимен и филм.

 

Искрено..не верувам многу во петок 13.Мислам дека сето тоа е некојси филм,нереалност,нема врска денот со нешто лошо ако ни се случило.Значи кратко кажано не верувам дека петок 13 е баксузен ден.
Само еднаш во животот ми се има случено на петок 13 да си ја удрам трипати главата и да раскрварам,ама сепак мислам дека тоа ти беше чиста случајност на физичко во школо.

 

А мене во вторникот оса ми улета во кафето ..А инаку тој цел ден се нешто наопаку одеше.Инаку порано на петок 13 обично заприметував убави работи ми се случуваа..Ама со време веќе не обрнувам внимание ко секој еден ден ми е...Не верувам дека е лош ден..Тоа е веќе сугестија која се создава кај луѓето со митот за овој ден и датум.Инаку братчето ми е роден на 13 петок и тоа негде пред полноќ .Си го смета бр.13 за среќен.

 

Пред 6 -7 години петок 13ти ми беше ептен баксузен ден! У школо ме полија со чоколадно млеко, после се закарав со некои, па накај дома коа си идев од школо паднав у кал! Као ме спотера ... ама само тогаш !Инаку вака ден ко ден! Не верувам во проклетството негово. Ако нешто лошо ви се случува мислам дека тоа е од самата психа !

 

кога сме кај муви и слично инсекти....денес јадев бурек и имаше оса испечена внатре....ми се згади...за малце ќе повратев веќе бурек од таму НЕ....море и од никаде не земам...

иначе на петок 13 пред 2 години ми се има случено еден многу убав состанок...па и не ми е нешто баксузен денов....ден ко ден освен инцидентот сабајле

 

Не верувам во тоа дека петок 13 е баксузен ден. Нормален ми е, како сите останати.

 

Американски булшит.
Обичен ден, само на некој му текнале глупости па ајде ќе шириме негативна енергија... Па и народов ајдеее урда без пари сркајте, одма да се крева прашина за нешто.

 

Не воопшто не ми е баксузен, напротив повеќе пати ми се случиле убави работи на овој ден. Секогаш одлично сум си поминувала на овој ден. Не знам што се крева толкава прашина околу тој петок тринаесети, ко којзнае што да е. Па и околу самата бројка.