Печатена книга или е-книга?

Па сакам печатени повеќе, но и електронски книги некогаш ми вршат доста работа.

 

Поради преносливоста, електронски. Опсесивно-компулсивно купувам книги и кога првиот пат се иселив од државава, имав страшни кризи бидејќи не можам сите книги да ги носам со мене. И делумно, поради природата на претходната работа, имав потреба сите учебници, прирачници да ги имам со мене. Затоа купив киндле и ајпад, почнав и со електронски прибелешки со електронско пенкало и незаменливо е, во однос на достапноста. Сѐ е на едно место. Каде и да одам, колку пати и да се сељакам наваму натаму, сите мои книги се со мене. И драго ми е што и македонските автори/издавачи издаваат е-книги.

 

Печатена секако и на македонски, ама не секогаш можат да се најдат посакуваните книги.

 

електронски дефинитивно.

 

Книготека.мк се ангажираа доста, задоволна сум ептен како напредуваат.

 

Најубаво е печатена, ама кој ќе оди, ќе се мачи да ја бара, додека електронската е на неколку допири, тука, веднаш.

 

Печатена, многу пати имам пробано да читам е книги ама не можам. И така секој ден добар дел од времето користам лаптоп и телефон, па уште и во слободно време да читам книга од екран, не фала.

 

И јас исто како @Angie1432. Печатена, не сакам да електронска од истите причини што ги наведе.

 

Порано преферирав печатени, сега преферирам е-книги. Полесно достапни, секаде може да ги носиш, и колку сакаш, со печатените си доста ограничен.

Печатени книги имам дома секако, ама тоа се одбрани книги, не купувам сешто, колку да ги имам. Затоа, фала Богу за електронските читачи, и viva la pirateria оти достапни ми се и оние што ги нема кај нас и на јазик на кој сакам да ги читам.

 

Мислев дека никогаш нема да се навикнам да читам на книдле, ама еве веќе година и пол печатена книга немам прочитано.
Многу ми е полесно и позгодно за читање. А бев толку против тој киндле.
Купувам уште печатени книги, ама не толку многу ко порано. И тоа најчесто книги што сум ги прочитала електронски, ми оставиле добар впечаток и сакам да ги имам.

 

Е- книги само на Македоника имам читано, и тоа во моменти кога сум немала дома печатена книга оти ме фатил викенд, празник, па не сум заменила.

 

До сега читав печатени. Од скоро купив киндл и сега со него се дружам. Сега за сега ми е ок. Лесен е за држење и не зафаќа многу место. Плус има речник вградено. Светлината си ја подесуваш како сакаш.

 

Не можам е-книги да читам. Ме болат очи кога седам подолго време на комплјутер, а не пак да се зачитам.
Најголема мака ми е кога некоја книга не можам да ја најдам во книжара па морам тогаш да ја читам на нет.

 

Печатена.Нема подобро чувство да земеш КНИГА во рацете.

 

Немам живци да читам е-книга, ми се уморуваат очите и уште на почеток ја баталувам и останува книгата непрочитана. Затоа сакам печатени книги плус и нивниот мирис

 

Да имам хартија за сите електронски книги што сум ги прочитал би изгледала како Вавилонската библиотека на Борхес иако претпочитам печатени верзии.

 

Не се напорни е-книгите како порано. На телефоните и таблетите има прилагодување на екранот што овозможува да се чита е-книга без заморување на очите. Исто, постојат и е-читачи, со нив е вистинско уживање, многу е полесно и книгите се подостапни.

 

Јас не можам. Највеќе мразам исто кога морам да ги читам презентациите од факс. Најчесто ги принтам одма ако не се многу.