Не се мијат бидејќи тие во принцип се одгледуваат на чисто, хумусот на кој растат е прилично чист. Јас искрено пакувани не купувам бидејќи знам дека ги избелуваат дополнително со варикина, си купувам во Ѓорче од пазарче на кило, за нијанса ми се поскапи ама повеќе ги сакам и помирна ми е главата. Инаку вчера си направив вегетаријански макарони. Кромидче, лукче, морковче, цветови карфиол, цветови брокула, кисели краставички, буковка и шампињони, пропржени на маслиново и малце путерче, на крај малце бело винце и откако ќе испари алкохолот ставив една мала лажичка брашно да спои се. На вака спремен зеленчук ги ставив макароните сварени алденте и малку со нив водичка, односно не ги цедев, само ги истурав во црпалка и се што иде со нив вода ја оставив. Мм вика дека сум станала Џејми Оливер во маало, многу добри беа.
И јас на сличен начин ги правам печурките. Со зачини, кромид, коријандер и сусам, плус павлака, кари не ставам секогаш. За мерак се. Ама ги мијам, не можам да не ги мијам. Пробав еднаш со четка само да ги истријам, шубе ми беше, па пак ги измив. Последните ги лупев, ама тоа може ако се поголеми. На кило што се продаваат се обично поситни, или пак мене ми е таква среќата
Ги пржиш печурките на малку путер со сол а во друга тава пропржуваш праз. Штом ќе почне да испарува водата од печурките (нели они пуштаат вода кога ќе се пржат) ги префрлаш кај празот. Додаваш 1 сецкана сува пиперка по можност лута (кој сака луто а може и блага), зачинуваш со сол, бибер и црвен пипер (може и др. зачини, вегета, оригано и сл.) . Упржуваш убаво и после не знаеш колку можеш да изедеш. Недај боже ако имаш вруќ ржен леб по дома
Поховани печурки со сусам Состојки 500 гр. шампињони 100 гр. мајонез 100 гр.брашно 2 јајца 50 гр. сусам 2 кисели краставички 100 мл. млеко масло за јадење сол црн пипер Подготовка: Во поголем длабок сад ги кршиме јајцата и ги посолуваме. Ги матиме јајцата со жица за матење. Во тава за пржење на оган ставаме масло да се загрее. Мешајќи со жицата во садот со изматените јајца ги додаваме млекото и брашното. Во садот ги ставаме шампињоните. Ги валкаме печурките во смесата. Со вилушка ги вадиме од садот и ги валкаме во сусам. Вака подготвените печурки ги ставаме да се пржат на загреаното масло. За време на пржењето ги превртуваме. Испржените печурки со лажица-решетка ги вадиме од тавата и ги ставаме на чинија обложена со хартија за да ја впие непотребната мрснотија. Започнуваме со подготовка на тартар сосот. На покрупната од рендето во подлабок сад ги рендаме киселите краставички. Во садот го додаваме мајонезот. Мешаме со лажица. Чинијата за сервирање ја украсуваме со листови зелена салата. На средината на чинијата ги сервираме похуваните шампињони. Од страна го сервираме тартар сосот.
Горда сум на мојот вегански ориз вчера што го направив со многу многу печурки. Кромид, лук, морков, карфиол, брокула, шампињони на пола и ситно сецкана буковка претходно бланширана испржено се на маслиново масло и малку путер, на крај малце ориз и во тавче на печење, одличен оброк за тие што не јадат месо а сакаат печурки, да не гледаш нема шанси да погодиш дека нема месо, буковката супер се вклопува.
ммммммм и јас исто го правам само не го печам го варам и на крај додавам малку ситнет магдонос и пармезан преубав ми.
Многу го сакам изворниот вкус на печурките. Лисичарката ја комбинирам во матените јајца, малку пропржена претходно со маслиново масло. Вргањ на листови на скара по печењето посолен и со раствор од оригано лимон и сончогледово масло премачкан. Шампињоните свежи ги редам на ражњичи од свинско месо, ред месо-ред пиперка зелена-ред печурка.
Сакам печурки. Би јадела секаков вид на печурка само да не се оние лигавине,меки и испуштаат некоја течност,како лигавица Грозни ми се.
Свежи шампињони запржени на малку масло се идеален прилог со било какво месо. Ги обожавам. Исто така запржени и прелиени со павлака се совршен сос за тестенини. Е сега, кога нема свежи и маринирани ќе завршат работа, ама не е тоа ТОА.
ГУЛАШ ОД БУКОВКИ И КОМПИРИ Извонредно вкусна и здрава манџа совршена е за семеен ручек. Посно јадење кое ќе Ве воодушеви со преубав вкус и мирис! Состојки: 700 грама буковки 400 милилитри доматен сос 1 голем кромид 1 морков 1 чешне лук 1 пиперка 4 компири со средна големина Сол Црна пипер Магдонос 3 лажици масло Подготовка на јадењето
Колку долго се пече пица со свежи печурки (шампињони)? Дали им треба повеќе од 15-20 минути за да не се живи?
Состојки: 700 грама буковки 400 милилитри доматен сос 1 голем кромид 1 морков 1 чешне лук 1 пиперка 4 компири со средна големина Сол Црна пипер Магдонос 3 лажици масло Подготовка: Исчистете го кромидот и исечете го. Сечете ја пиперката и морковот на коцки. Сето ова ставете во тенџере со масло, а состојките се пржат 5 минути. Потоа додадете чаша и пол вода и оставете да врије. Додадете го доматниот сос и продолжете со варењето и додадете ги преостанатите зачини. Измијте ги буковките и сечете ги на поголеми парчиња. Излупете ги компирите и сечете ги на коцки. Компирите заедно со буковките ставете ги во тенџерето. Оставете го гулашот да врие уште 10 минути па потоа тргнете го од огнот. Загрејте ја рерната на 200 степени. Гулашот истурете го во ватростален сад. Наросете со лук и магдонос и оставете го да се пече уште 20-30 минути во рерната. Служете го гулашот дури е топол. Добар апетит!
