Стек ретко печам, освен со ориз или компири. А за пржениот стек да не е е сув треба да го пржите на помала температура ем нема да ви прска. Пример јас електричниот шпорет го пуштам на 3 да се загрее, стваам и масло во тавче да се загрее потоа го намалувам на 1 и ставам парчиња стек и се пржат полека, кога ќе заруменат малку ги вадам и така се многу убави и сочни.
Девојки да ве прашам, денес сакам да правам пилешко во сос со сино сирење и неутрална павлака, па ме интересира дали ќе биде убаво за јадење за утре? (Сакам да направам повеќе за на работа за една блиска личност)
ситно сецкано пилешко се пржи се додава лукче и сол, се додава 2 лажици брашно се запржува се налева 200мл вода 300 мл млеко, се згуснува, па се додаваат пола пакетче варени макарони, се вари уште 4 5 мин заедно, бибер по желба а може и рендан кашкавал.. ручек готов за 30 40 мин
Пилешко бело месо во мајонез Потребно е: 1,5кг пилешко месо 800г руска салата 300мл мајонез 200мл аспих 80г моркови Една главица целер Пашканат Кромид Ловоров лист Сол Мелен црн пипер Магдонос Маслинки ‘Рдокви Приготвување: Бело пилешко месо се става да се вари, при што се додаваат моркови, целер, пашканат, ловоров лист, црн пипер во зрна, кромид, корен од магдонос. Вареното пилешко кога ќе се олади се сече на еднакви парчиња или во цела форма, декоративно се реди на однапред формирана подлога од руска салта и се шемизира со растопен аспих. Од страните се гарнира со мајонез и ситно сечен аспих. Се декорира со маслинки, листови од магдонос, ловоров лист.
Најдобрата рецепта за слатко кисело што ја имам најдено на нет. ЗА МАРИНАДАТА ќе Ви треба: Половина кафена лажичка сол Половина кафена лажичка соја сос 1 супена лажица пченкарен скроб 1 супена лажица студена вода 1 жолчка ЗА ЈАДЕЊЕТО ќе Ви треба: 400 грама пилешко месо 1 црвена пиперка 2 мали моркови 1 главица кромид 3 кругчиња ананас ЗА СОСОТ ќе Ви треба: 4 супени лажици оцет 4 супени лажици кечап 4 супени лажици шеќер 5 супени лажици студена вода 5 супени лажици сок од ананас 3 кафени лажички пченкарен скроб 1 супена лажица сол Сол, бибер и маслиново масло Чекор 1: Прво однапред ќе ја направиме маринадата… Сите состојки измешајте ги заедно во длабока чинија… Жолчката ќе им помогне да се врзат и да го покријат месото. Следно ставете го пилешкото. Добро покријте го со сос и потоа ставете го во фрижидер најмалку 30 минути… Подобро е ако тоа одстои преку ноќ, но и 30 минути ќе и овозможат на маринадата да го постигне својот ефект. Чекор 2: Исечкајте го зеленчукот… Исечете ја црвената пиперка, потоа излупете ги морковите на ленти и исечкајте го кромидот на кругови. На крај исечкајте го ананасот на коцки… Чекор 3: Следен ќе го правиме сосот… Ставете ги сите состојки заедно во длабок сад и добро измешајте ги… Овие состојки ќе ги искористиме на крајот на готвењето. Чекор 4: Време е за готвење: Загрејте ја тавата И ставете го пилешкото во маслото и пржете го со мешање... Кога месото ќе добие боја тргнете го на страна… Ставете малку масло и зеленчукот пржете го со мешање неколку минути за да омекне… Прелијте го месото со сосот и продолжете да го пржите за сосот да се згусне и готови сме со подготовката... Чекор 5: Направете подлога од ориз и врз оризот ставете го слатко киселото пилешко со лажица... ПРЕВКУСНО!
Ги мачкаш копаните со зачини. Ние обавезно кари ставаме. Ги ставаш во плех, додаваш зеленчук по желба. Може компир, кромид, тиквичка, лук, морков. Полеваш со зејтин а може и со пиво или вино. Покриваш со фолија , печеш час до час и половина на 180 степени.
Одвечер маринирани,со бело вино лук и др зачини,наредниот ден ги валкаш во црвен пипер и сусам,и така ги пржиш.Или одвечер да киснат во пиво,зачини и мед растопено,нареден ден ги редиш на плех,и ги мачкаш со медот што се сталожил во садот со пивото и ги печеш.
Napravi sos od pivo, jajca, brasno i zacini(sol, biberce). Gustinata da e malku pogusto od palacinki smesa. Iseckaj pileskoto na dolgnavesti parcinja i stavi gi vo sosot i ostavi da odstojat najmalku barem eden cas. Vo zagrean zejtin, no ne na mn jako stavaj da przis so viluska vednas stom gi vadis od sosot. So istiov sos i istata postapka mozes i fileti riba da przis, no ne mora da odstojat. Mozes kako gi stavas vo sosot ubavo potopeni, vednas na przenje. Se nadevam ti pomognav malce. Pisi kako ti se dopagaat na ovoj nacin ako gi pravis.
Јас вака го правам: Најпрво го сечам месото на коцки и го ставам да се вари сѐ додека не изврие водата (не му ставам многу вода, колку да го покрие). Заедно со него ставам и зачини. Откако ќе изврие водата додавам зејтин и го запржувам, не многу. На крај ставам павлака или млеко и брашно, а може да се додадат и 3-4 зденки и кога сметам дека е доволно густо го тргам од оган. Со него обично правам компири или ориз, а најчесто заедно со сето тоа и печурки.
Само што објавив во една тема, незнаев дека има посебна за пилешко. Правам пилешко во бел сос на мој начин. Пржам една главица кромид, додавам печурки, на крајот стек и зачини. Од кога ке се испржи убаво го тргам од шпорет и додавам мала павлака. (Ако го јадете веднаш додајте ја но не ја пржете. Ако не јадете веднаш не ја ставајте бидејќи месото ке ја упие)
Стекот се пржи во тава со масло со вегета, сол и бибер и кога ќе биде пржен му се додаваат печурки и млад кромид исто да се испржат со стекот. Се додава павлака јас користам Битолска павлака од црвената окулу 400 мл. Ја додавам павлаката откако ќе бидат пржени стекот и печурките и ја оставам така неколку минути. После тоа додавам свински врат на коцки и маслинки од црните бидејќи зелените се многу солени. Додавам окулу 200-300мл вода и така го оставам уште неколку минути додека да се згусне убаво. Сум пробала и други рецепти за пилешко во бел сос ама оваа ми е најубава.
Со honey mustard сос, се давам во него. Си го правам и сама дома, со сенф, мед и некој понеутрален мајонез, ама може и обичен. Имаш мерки на нет, ама јас пробувам како што го правам и најчесто топ ми испаѓа. Исто и тартар сос ми е ок, ама оваа комбинација ми е врв за секакви похованици, не само за пилешки прсти.
Од прилика ставаш или по некој рецепт? @blueeparadise можеш да ми пратиш рецепт или рандом бараш на нет?
