Има тема за маски за лице но не најдов тема за пилинг. Дали и каков пилинг за лице користите? Кои се предностите и дали е подобро да се користи пилинг или пак маска? Препораки и слично.
Јас го користам тој на Гарниер 3 во 1 и е супер,сега сакам да го сменам Па ајде кажете искуства помагајте
Која цена е тој на гарниер и може да ставиш слика од него? Мислам дека не ми одговараат производите на гарниер бидејќи од кремата ми испаѓаа мозолчиња ама можеби пилингот е добар.
Јас ги користам на Avon naturals,го имам користено тој со мед и бадемово масло,а сега моментално го имам тој со калинка и убави ми се,убаво чистат,имаат мали гранули,но не се претерано јаки да ја иритираат кожата,онака баш ми се погодени и за почеста употреба.А следен пат планирам да го земам тоj на Аfrodita
Здраво добро е и едното и другото затоа што имаат различна функција. Пилингот служи за да направи блага ексфолиација на кожата и да ги отстрани мртвите клетки додека маската ја храни кожата. Има голем број на пилинзи и маски на пазарот и сигурно секој веќе си има свој фаворит, меѓутоа има и природни рецепти за пилинг и маска кои можеме сами да си ги направиме, одлични без конзерванси и одлично ја негуваат кожата. Се користат природни состојки како масла, брашна, етерични масла, сода и др. во зависност од видот на кожата. За препорака незнам што да ти напишам затоа што незнам каква кожа имаш масна, сува или нормална. Поздрав
Пилинг за лице користам еднаш-двапати во неделата сега моментално го користам на Sephora double exfoliator + mask , пилинг кој го нанесувам низ целото лице и го оставам 10 минути како маска , презадоволна сум од производов само што многу брзо се троши сега наредно ќе го пробам пилингот на Donna Valente
Преку глaвнaтa стрaнa sephora.com мoже нo мислaм декa шипингoт беше премнoгу скaп тaкa дa не се исплaти
Јас си подготвувам дома природен пилинг, од шеќер, мед лимон и малку цимет. Нанесувам два пати во неделата и можам да кажам дека одлично си ја врши работата, лицето ми е освежено, меко и чисто. Пробајте девојки, особено погодно е за проблематична кожа.
јас правев од шеќер, мед и маслиново масло, али ми снема од состојкиве и коа почна веќе да ми се познаваат ко лушпи од пудрата на форумов негде прочитав дека може и само со талог од кафе. И од тогаш тоа си го правам, со таа разлика што овој првиов го оставав 10 минути да ми стои и како маска, а со кафево одма го мијам лицето. Не би давала пари за пилинзи имав еден со сини гранули од алверде и го фрлив коа прочитав дека гранулите во пилинзите се најчесто штетни. Пилингот повеќе е физичко триење од колку некое длабинско незнамшто на кожата, така да може да се направи со било што што е во вид на гранули дома. Пред некој ден гледав на јутуб и пилинг со растворен аспирин и мед, тој не сум го пробала ама ете уште нешто по дома што може да се искорити. П.С. Пилинг МОРА да се прави еднаш неделно. Одма се приметува коа некој не правел пилинг, и ништо не го заменува, ни креми ни маски, никакви чуда.
@Biodevojka јас би сакала да ми предложиш пилинг за комбинирана кожа(нормална со масна Т зона). Би сакала некој и што помага за оние митисери на носот.Исто така доколку имаш и предлог за маска е добродојден.Би сакала сама да си направам бидејќи колку толку ќе сум сигурна дека е природно. Благодарам Однапред
Здраво еднаш неделно може да правиш пилинг со мед и шеќер кој одлично ја чисти кожата, а птироа и ја храни, пилинг со кокосово брашно и масло (кокосово, бадемово, арганово) исто така е одличен навистина. јас честопати како третман го правам овој со мед 1. Скраб за лице на пареа Во едно тенџере загрејте вода како што обично правите кога треба да го парите лицето. Тенџерето ставете го на масата каде ќе го правите третманот (секако врз една крпа или даска да не ја уништите масата) и ставете врз него пешкир. Во меѓувреме помешајте две мали лажички шеќер со мед додека да добиете убава густа смеса и нанесете ја на лицето. Внимателно изложете го лицето врз тенџерето со вода (не многу блиску за да не се изгорете, ве молам внимавајте пареата да не биде многу жешка) и ставете го пешкирот врз главата. Под дејство на пареата медот и шеќерот ќе почнат да се топат и порите на лицето да се отвораат. Вие со многу благи и нежни кружни движења направете пилинг. Постапката треба да трае околу 5 мин. на следниов начин: направете малку пилинг, па оставете го така лицето некоја минута, потоа пак пилинг па пак почекајте. Немојте постојано да правите пилинг во текот на тие 5 мин. за да не претерате. По истекот на времето измијте го лицето со малака вода. Кожата ќе ви биде толку неверојатно мека и нежна што ќе бидете воодушевени. Значи повторувам движењата нека бидат благи (не притискајте) и не се доближувајте многу блиску до пареата. Скработ е ист за сите типови на кожа. 2. Маска за лице од чоколадо По прекрасниот скраб, кожата на лицето е подготвена за една прекрасна антиоксидантна маска која има голем анти ејџ ефект и буквално ќе ја препороди вашата кожа. Варијанта за нормална до сува кожа - 1 кафена лажичка мед; - 1 кафена лажичка павлака; - 2 коцки чоколадо (претходно стопено на пареа) или 1 кафена лажичка какао Помешајте ги сите состојки и нанесете ги на лицето. Оставете ја маската да делува 10 мин. и измијте со млака вода. Медот одлично ја омекнува кожата, павлаката ја храни и хидрира, а какаото има огромно антиоксидантно дејство и помага во спречувањето на слободните радикали, а со тоа има и анти ејџ ефект врз кожата. Варијанта за комбинирана до масна кожа - 1 кафена лажичка зелена глина; - 1 кафена лажичка мед; - 1 кафена лажичка цеден сок од портокал; - 2 коцки чоколадо(претходно стопено на пареа) или 1 кафена лажичка какао Помешајте ги сите состојки и нанесете ги на кожата (сетете се глината да ја земате со пластична или дрвена лажичка). По потреба додадете некоја од состојките додека да добиете густа смеса која лесно се нанесува на лицето. Оставете да делува околу 10 мин. и измијте со многу млака вода. Зелената глина ја прочистува масната кожа и помага во отстранување на митесерите на лицето. Сокот од портокал е богат со Ц витамин кој го изедначува тенот и дава убава здрава боја на кожата, медот омекнува, а какаото има огромно антиоксидантно дејство и помага во спречувањето на слободните радикали, а со тоа има и анти ејџ ефект врз кожата. Ако сакаш нешто друго слободно пиши. Поздрав
Ти благодарам многу ! Многу привлечно изгледаат, посебно ми е необично зошто има чоколадо.Да набавам некои од состојките и обавезно ќе пробам и ќе го пишам мојот впечаток овде. Благодарам за одвоеното време