Јас овој го имам и многу ми се допаѓа и веќе ми е при крај скоро и би сакала и друг да земам. Кожата после е мека и мазна.
Колку пари се во ДМ пилинзите на Алверде и Балеа? Јас си го купив тој од Стокомак 120 ден е, многу ефтина се надевам дека е добар, иако поради цената не знам колку ќе е добар.
За тој од Стокомак не знам, ама на Балеа најубав пилинг или скраб ми бил овој Околу 60тина денари беше една ќесичка. Е сега, имај предвид дека овој е со сол и знае да пече малку, а една ќесичка е доволна за двапати да направиш пилинг на цело тело. Инаку е одличен, кожата после него е мека и мазна, поткожните влакна целосно излегуваат. Од другите пилинзи за тело на Балеа и Алверде не сум нешто задоволна, а овој одамна не можам да го најдам во ДМ, па се префрлив на пилинзите за тело од Органик Шоп што може да се купат во Белина, ама и во ДМ, истиот ефект го добивам како погоре спомнатиот скраб на Балеа.
Стокомак е предобар, остава и така малку мрсничко на кожата и нема да имаш потреба од лосион потоа. Нежна и мека ја прави кожата, не е многу груб. А и мирисот е супер.
Може на некој ќе им е смешно. Јас си правам сама со кафе и масло од кокос, а може да се стави и шеќер. Сум користела, на орифлејм, авон, од дм, но овој со кафе ми е дефинитивно незаменлив. Кожата ја прави хидрирана, мека, нежна како на бебе.
Два имам забележано во Стокомак еден со поротокал и цимет, другиот е црвен, јас тој со портокал го земам
Како го правиш, со кафе обично или талог од кафе и колку ставаш од сите продукти, за еднаш го правиш или повеќе да имаш?
Пилинг со кафе можеш да си направиш како сакаш така. Секако си има бенефит. Јас обично си варам турско кафе, го пијам на раат и кога ќе остане само талогот не го фрлам туку си го претурам и така го користам, само талог. Ако правам филтер-кафе во мока пот, тоа ми е некако покрупно и малку грубо за кожата и ете тогаш ставам лажица-две маслиново или кокосово за да "омекне" малку и мешам. Ништо посебно, не можеш да згрешиш, а кожата потоа е навистина убава и мека.
Досега немам правено никаков пилиг, па прилично непозната ми е оваа тема. Дали ќе може да ми предложите нешто за пилинг на нозе, имам доста поткожни влакна и сакам да пробам со пилинг да ги редуцирам. Исто така, би било убаво и ако ми кажете како се употребува.
Јас си правам домашен пилинг и мене ми ја прави убава кожата. Ставам кафе, шеќер, кокосово масло и малку гел за туширање. Го користам 1 или 2 пати неделно.
И јас си правам домашен пилинг за тело, не купувам. Талог од кафе, додавам и малку сол некогаш и имам Сатва за против целулит купено пакување и недотрошено, па место масло тоа го ставам во талогот. Секакви модификации на "рецепт" можете со талогот од кафе да си направите, а навистина има ефект и веднаш се забележува колку е мазна кожата. Не дека баш верувам 100% дека е до тоа ама навистина и против целулит талогот од кафе има некој минимален ефект, краткотрајно. Можеби и самиот пилинг и масажа помагаат за подобра циркулација и помазна видлива кожа ама лично кај мене сум приметила разлика.
Зашто смешно, баш е паметно. И јас користам таков пилинг, плус користам и ситна морска сол, мелен овес (маска од овес многу ми прија и на лицето, па го користам и за тело, со млако млеко), дури и пченкарно брашно понекогаш, од поситното за да не биде грубо, секогаш со малку масло (јојоба, кокос, ленено, што имам дома) или млеко. И супер е.
Изгледа само мене не ми се допаѓа тој од Стокомак, два пати само ставив, вториот пат на сила, ај викам до мене може е, многу лошо ми мириса А и кожата ја чувствувам како немиена со него.
Јас правам домашен пилин за тело и го користам преку 2 капења, т.е. кога не ме мрзи многу хаххах. Знам дека пилингот е супер и здрав за кожата, која после капење е мека, премека, нежна и стои таква до наредното капење. Еве јас како го правам: 1 и пол супена лажица шеќер (пожелно е кафеав, но ако немам ставам и бел обичен) 2 мали лажички кафе 1 голема лажица кокосово масло (сум користела и други масла кога во моментот сум немала кокосово. Прва замена е маслиновото, но може и други масла кои ги имате. Кокосовото го сакам најмногу заради мирисот, а и некако поубаво се чувствувам со него.) Цело ова го размешувам и потоа на влажна кожа го нанесувам. Откако ќе завршам со пилингот, го оставам да поседи (додека да завршам со остатокот од капењето, како коса, пети, лице и сл.) и потоа го плакнам. После тоа, нанесувам на сунѓер за капење од гелот за туширање (btw: од неодамна започнав да користам еден од брусница и е предобар), и се мијам со гелот за туширање но не многу грубо, сакам да ми остане малку од мрсно од кокосовото масло, но не премногу!! Плакнам и тоа е тоа! После, маслото си се впива постепено и кожата е прееемека и преубава. Ептен ми е soft
