Пилинг на тело

Пилингот за тело содржи гранули и се користи за ексфолијација на кожата,односно за отстранување на мртвите клетки од површинскиот слој со што кожата станува мека и нежна на допир со пријатно чувство.Се препорачува еднаш неделно.Типична е примената кај масната кожа.

 

на овој мислиш ??

ако е овој јас сега го купив и ставив малце на раката да видам каков е и веднаш го тргнав и местоте беше многу меко а и многу долго мирисаше да не претерам 7 саати

 

Препорачајте ми некој убав пилинг не мн скап

 

Тие од Авон.

 

Имаш на Фрутини во Космо, не се повеќе од 200 денари, а 250 мл се. Јас сум многу задоволна од нив, имаат преубави мириси, со портокал има, цреша и ванила, со кокос, чоколадо, круша, лимета, ананас....
Еве сликичка:

 

Ѕирни во Дм, Балеа исто имаат пилинзи за тело, околу 100 ден се само ги нема секогаш, треба да се начекаат

 

Девојки, не знам колку сте чуле за пилингов, Dirty secret - Coffee scrub наменет и за лице и за тело, јас денес го пробав прв пат и сум презадоволна.
На природна база, кафе, маслиново масло, кокосово масло, цимет, кафеав шеќер, витмински додатоци за секакви кожни нерегуларности.
Доаѓа со упатство за користење за лице и за тело, преубаво спакуван, теглата е полна скроз до самиот капак дури натисната внатре, со стапче за нанесување. (тоа малечкото во кафената хартија е истиот пилинг само тестерче, за другарка зимав), 370 грама за 300 денари со 5 месеци рок на траење.
Девојка ги изработува дома, денес ја запознав и од нејзиниот однос сум задоволна.

Доколку некоја го пробала или ќе го проба, споделете искуства тука, на нејзината страна (https://www.facebook.com/dirtysecretscrub/timeline) во reviews луѓето се презадоволни, а и од други што го пробале кои живеат тука во близина, последиците им се позитивни.

*Не сум пријателка со девојката, не ја рекламирам, само споделувам искуство и се надевам на некого ќе му биде од помош.

 

Природното е секогаш најдобро..мед и шеќер..пробајте

 

дали пилинг се користи после гел за туширање или може само со пилинг да се истушираш ?

 

Здраво на сите, еве ви еден рецепт за домашен пилинг кој го направив пред некој ден. Верувајте ми фантастичен е одлично ја омекнува кожата, а што е најважно прекрасно мириса. Се надевам ќе ви се допадне. Поздрав

Monday, June 22, 2015
Направи сам: природен пилинг за тело со лаванда



Лавандата е дефинитивно мојата најомилена билка, просто го обожавам нејзиниот мирис кој освежува, смирува и релаксира. Се чувствувам прекрасно кога во домот се чувствува мирис на лаванда, затоа и најчесто во рецептите кои сама ги правам го користам токму етеричното масло од лаванда.

Денешниот предлог за еден фантастичен пилинг за тело е токму од лаванда. Овој пилинг не само што прекрасно ќе ја омекне вашата кожа, туку потполно ќе ги релаксира вашите сетила и ќе ве опушти после напорен ден. Навистина е многу лесен за подготовка, освен етеричното масло ќе користиме и суви цветови од лаванда за екстра природен мирис. Ајде да започнеме.



Се што ќе ви треба за реализација на овој пилинг е:

- шеќер
- суви цветови од лаванда
- масло по ваш избор
- етерично масло од лаванда
- интересни теглички



Најнапред со помош на електрична машинка за кафе, сомелете ги сувите цветови од лаванда. Она што го гледате на лажицата на сликата е токму мелената лаванда. За овој рецепт користев прочистена лаванда (онаа за внатрешна употреба), која ја купив во продавницата на Ани Биомаркет во Козле. Земете една чиста и стерилизирана тегличка и во неа наизменично ставајте малку шеќер, малку лаванда и мешајте. Полнете ја тегличката се додека не стигнете до крај (не баш ептен до крај сепак оставете маслку место за маслото).
Е сега, изборот на маслото комплетно зависи од вас и вашиот личен вкус. Јас употребив ладно цедено сончогледово масло, кое малку го утнав затоа што имаше малку потежок мирис. Затоа би ви советувала да земете некое неутрално масло како на пример она од ориз (може да го најдете во поголемите супермаркети), или пак некое друго масло без мирис. Малото од ориз е доста издржливо како масло. Маслиновото не би ви го препорачала затоа што има тежок мирис, а бадемовото како масло не е најиздржливо. Значи може да користите јојоба, оризово масло, сончогледово (без мирис). Откако ќе го одберете маслото, сипете го внимателно во тегличката и мешајте додека целата течност не го впие добро. на крајот додадете уште масло за да ја покриете смесата. Додадете најмногу до 10 капки етерично масло од лаванда и убаво промешајте.


Затворете ја тегличката и оставете околу 2 до 3 дена се додека смесата убаво не ги впие маслата. Потоа може слободно да го користите.
Верувајте ми овој пилинг кожата ја остава супер мазна, перфектно исчистена, а маслото во неа одлично ја негува кожата. По употребата кожата е мека и што е најважно прекрасно мириса.



Се надевам дека овој рецепт ви се допадна и дека ќе се обидете да го направите. Какви пилинзи за тело најчесто користите? Дали сами ги подготвувате дома или купувате веќе готови? Вашите коментари се повеќе од добредојдени.

Поздрав
Вики

 

Јас го има пробано и навистина е многу добар. Напишав и рецензија за овој пилинг. Поздрав

Ја лично, пилингот го користам секогаш после гелот за туширање. Колку и да чисти сепак пилингот не содржи суффактанти (односно измивачи), така да мој совет ти е прво со гел за туширање, а потоа пилинг. Поздрав

 

Здраво на сите, еве посабајлечки еден рецепт за домашен антицелулитен пилинг од кафе кој одлично ја омекнува кожата, ја прави супер мазна а економски заштедувате затоа што поголем дел од состојките веќе ги имате дома. Поздрав

Saturday, June 27, 2015
Направи сам: антицелулитен пилинг од кафе


Здраво на сите,

во продавниците може да најдеме многу антицелулитни пилинзи на база на кафе, и јас самата ви рецензирав два навистина добри, меѓутоа доколку како мене сте љубители на проектите направи сам и сакате да бидете мали хемичари во сопствените кујни, тогаш ова е вистинскиот рецепт за вас. Станува збор за еден навистина многу лесен рецепт за антицелулитен пилинг или скраб, кој е многу функционален и одличен како за неестетските проблеми со целулитот, така и за поткожните влакна кои често се формираат по депилацијата. Кожата ја остава мека и перфектно мазна, а за подготовката потребни се 10 минути од вашето време и следниве состојки:

- 5 лажици кафе
- 5 лажици шеќер
- 10 лажици масло
- 13 капки етерично масло
- една чиста и стерилизирана стаклена тегличка



Во тегличката најнапред додавајте ги наизменично кафето со шеќерот. Јас користев кафеав шеќер затоа што таков имав дома и само таков конзумирам, меѓутоа вие може да ставите и бел шеќер без проблем. Може шеќерот да го замените и со сол доколку повеќе го сакате како пилинг. Мене лично повеќе ми се допаѓа шеќер. Убаво измешајте ги овие состојки во тегличката и додадете го маслото кое може да биде едно од следниве: бадемово, кокосово, сончогледово, оризово, јојоба, маслиново итн. Јас лично ставив масло од лешник само затоа што го имав дома а сакав да го завршам и затоа што маслото од лешник е добро и како антицелулитно масло.



Изборот на етеричните масла нека биде според вашиот сопствен вкус, меѓутоа еве кои масла се одлични за ваков вид на пилинг: сладок портокал, рузмарин, лаванда, лимон, мента, лемонграс и чепрес. Јас лично користев етерични масла од рузмарин и сладок портокал кои одлично одат заедно како мирис и тоа во следнава пропорција: 9 капки етерично масло од портокал и 4 од рузмарин, со оглед на тоа што рузмаринот има многу јак мирис и во овој сооднос повеќе се чувствува портокалот. Не ви советувам да користите етерично масло од лимон летно време, затоа што е фотонестабилно.

Резултатот кој ќе го добиете е следниов:





Овој пилинг се употребува на следниов начин: на навлажнета кожа се масира со кружни движења и се остава да делува од 5 до 10 мин. Потоа се измива со топла вода и кружни движења, и на крај туширањето се завршува со поладна вода за подобро тонизирање на кожата и за поттикнување на циркулацијата. Мој совет ви е да не претерувате со ексфолиација на кожата и овој третман е доволно да го направите два пати неделно.



По третманот кожата ќе ви биде толку мека и мазна што верувајте ми нема да имате воопшто потреба од крема за тело, меѓутоа вие сепак ставете. Јас го направив веќе неколку пати и навистина сум премногу задоволна од резултатот. Овој третман секогаш го завршувам со добро антицелултино масло.

Пилингот нема потреба од конзерванс и е доста издржлив, меѓутоа внимавајте да го земате секогаш со чиста и сува лажичка за да не влезе вода во него. Доколку сакате може да ги дуплирате состојките со цел да направите поголема количина одеднаш.

Се надевам дека оваа статија ви се допадна и дека ќе се обидете да го направите овој току едноставен а функционален пилинг за тело.

Благодарам за вниманието и до скоро читање.

Вики

 

Што се однесува до пилингот мислам дека треба да се прави пред ѓелот за туширање или било што друго. Значи велам според мене и по некоја моја логика е дека пилингот треба да се прави на чиста кожа (под чиста ложа подразбирам кожа која не е претходно барем 2 дена третирана со никакви хемикалии) се прави пилингот а потоа се измива со ѓел за туширање сапун и сл. Затоа што да третираш кожа со пилинг после ѓел или сапун е како да фарбаш коса веднаш по миење со шампон.

 

@Biodevojka јас цел живот сум била во заблуда,со тоа што го користев пилингот прво а на крај гел за туширање. Но,последниве неколку пати правам обратно,и имам да кажам дека аромата од пилингот со кафе се осеќа и по озлегување од под туш. Јас го користам тој и оној го правев со палента. И со шеќер правам,затоа што палентата се здрвува и се запушува одводот. Штета ли е ако го користам прво пилингот?

 

Здраво драга Џинџер, како сакаш може. Јас лично сакам прво гел за туширање а потоа пилинг затоа што маслото од пилингот на некој начин останува и додатно ми ја омекнува кожата. Еве ако земеме за пример и кога си правиме третман за лице прво ја миеме убаво кожата па потоа правиме пилинг. Сум пробала и прво пилинг па потоа да измијам ама на тој начин измивам сѐ и не го чувствувам мирисот на етеричните масла кои ги ставам во пилингот, Ова е мое лично мислење, а секако не е погрешно ако се користи прво пилинг а потоа да се измие кожата со гел. Поздрав

 

Претежно користам пилинг од Авон, од колекцијата Планет Спа. Преубави се.
Ако сакам да сменам нешто, ќе пробам маслиново масло со морска сол. За лице сум пробала и е одлично, ама за цело тело не сум пробала сеуште.
Немам навика редовно да правам пилинг, обично кога ќе ми текне.

 

Девојки некоја препорака за пилинг со крупни гранули? Утепав саат време во парфимерија, ама сите се со ситни гранули што ги гледав. Во план ми е денес во ДМ да поминам, ама не знам што да барам

 

Овој на Балеа има покрупни гранули и е густ

 

Ќе ти го препорачав овој, ама проверив во онлајн каталог и гледам дека веќе не го нудат.


Имаше и еден друг прекрасен од Орифлејм што мирисаше на алги и море, тоа им беше дефинитивно најдобриот производ, ама веќе одамна го нема.

Имаш еден од Авон со крупни гранули - Planet Spa со минерали од мртво море. Моментално ти е на попуст.

Спојлер: уште една слика

А најдобро - пилингот на @Lilit
Мислам дека не сум единствена што е презадоволна од ефектот што го дава.

 

За тој од Орифлејм потврдувам. Прекрасен пилинг, кожата ја прави толку убава, мазна и сјајна, исто како да сте нанеле и млеко за тело.
Штета што одамна не бил на акција, долго го меркам.

Сега прочитав дека не го нудат, не верувам дека целосно го повлекле, можеби го нема во тековниот каталог...